Носителот на изборната листа „Александар Вучиќ – Обединета Србија“ по гласањето во Нов Белград даде изјава во која рече дека ќе го прифати изборниот резултат без оглед на исходот.

Вучиќ дојде на гласање со сопругата Тамара, а поради големата редица на избирачкото место, чекал околу два часа. По гласањето

– Како што секогаш сум велел, на изборите можете да победите и да изгубите. Ние секогаш ќе се однесуваме одговорно, ако изгубиме, ќе ја признаеме волјата на избирачите, ако победиме, никој нема да ни ја одземе победата и тоа е сè – рече тој.

Вучиќ, кој е на власт 14 години, е носител на листата Обединета Србија на Српската напредна странка.

– Србија денес избира во која насока ќе оди, дали во иднината или во минатото, во времето на грабежните приватизации, економското разорување на земјата, политичкото понижување и на нацијата и на целата држава – рече Вучиќ.

The post АКО ИЗГУБИМЕ, ЌЕ ЈА ПРИФАТИМЕ ВОЛЈАТА НА ГЛАСАЧИТЕ По два часа чекање Вучиќ гласаше на Нов Белград appeared first on plusinfo.mk.