Елисејската палата вечерва објави дека францускиот министер за одбрана Себастијен Лекорну е именуван за нов премиер на Франција. Лекорну, кој има само 39 години, важи за поранешен десничар и долгогодишен соработник на претседателот Емануел Макрон.

Неговото именување доаѓа откако Франсоа Бајру денеска официјално поднесе оставка, по што Макрон веднаш одлучи да го назначи Лекорну на премиерската функција.

Францускиот парламент вчера ѝ изгласа недоверба на владата на Бајру, која траеше само девет месеци. На гласањето во Националното собрание, 364 пратеници се изјаснија против владата, додека само 194 ја поддржаа.

Овој развој ја отвора можноста претседателот Макрон да избере дали ќе распише предвремени избори или ќе назначи нов премиер, што би бил петти во рок од помалку од две години.

The post СЕБАСТИЈЕН ЛЕКОРНУ НОВ ПРЕМИЕР НА ФРАНЦИЈА Макрон експресно го назначи петтиот премиер за 2 години appeared first on plusinfo.mk.

Францускиот премиер Франсоа Бајру денеска официјално поднесе оставка до претседателот Емануел Макрон, откако неговата влада беше разрешена од Парламентот. Тој ќе продолжи да ја извршува функцијата до изборот на негов наследник.

Разрешувањето на Владата следуваше по гласањето за доверба во Националното собрание, каде 364 пратеници гласаа против владата на Бајру, додека само 194 пратеници ја поддржаа. Со ова, неговиот мандат траеше помалку од девет месеци.

Сега, претседателот Макрон се соочува со одлука – дали да назначи петти премиер за период пократок од две години или да распише предвремени парламентарни избори.

The post БАЈРУ ПОДНЕСЕ ОСТАВКА, МАКРОН ПРЕД ТЕШКА ОДЛУКА Францускиот Парламент ја урна владата, земјата добива нов премиер appeared first on plusinfo.mk.