Мартин Артур Куни (роден како Мајкл Коен, 1869 – 1 март 1950), во медицинските кругови и во јавноста станал познат како „Доктор Инкубатор“, по неговиот „Инфанториум“ – изложба на инкубатори на саемите за која посетителите плаќале 25 центи за да ги видат предвремено родените бебиња изложени во нив.

Куни е најпознат по својот Инфанториум на Кони Ајленд, Њујорк во 1939 и 1940 година. Во време на активните години на Куни на саемите низ Америка, се верувало дека предвремено родените бебиња се „слабаци“, кои не се способни да преживеат во зрелоста. Куни бил еден од првите застапници за предвремено родени бебиња, а неговите Инфанториуми станале широко признати за спасување на животите на над 6.500 предвремено родени бебиња. Куни е дополнително признат како еден од пионерите на неонатолошката технологија иако всушност, немал лекарска диплома.

Бебињата ги облекувале во облека за кукли

Куни вработувал медицински сестри и доктори во бели мантили кои се грижеле за бебињата поставени во стаклено-челични инкубатори. Тие биле родени многу предвреме и со тежина далеку под здравата граница. Бидејќи продавниците не произведувале облека доволно мала за нивните кревки тела, сестрите ги облекувале во фустанчиња за кукли и плетени капчиња.

Над влезот стоел натпис „Живи бебиња во инкубатори“, напишан со букви толку големи што можеле да се прочитаат и од другата страна на теренот на Светската изложба во Чикаго, која се одржувала 18 месеци во 1933 и 1934 година. За изложбата биле задолжени водечкиот чикашки педијатар д-р Јулиус Хес и тој, Мартин Куни, познат низ цела Америка како „доктор на инкубаторот“. Куни бил човек во шеесеттите, со проретчена седа коса, мустаќи и погрбена фигура – нешто што на шега го припишувал на живот исполнет со наведнување над бебиња. Тој и Хес вработиле тим од шест медицински сестри и две доилки.

Целиот текст за д-р Инкубатор побарајте го на порталот „Мајка и дете“.

The post ИЗЛОЖБА НА ЖИВИ БЕБИЊА ВО ИНКУБАТОРИ Контроверзниот Мартин Куни спасил илјадници предвреме родени бебиња appeared first on plusinfo.mk.

Икањето се дефинира како ненадејна контракција на дијафрагмата. Научниците од Одделот за неврологија, физиологија и фармакологија при Колеџот во Лондон соопштија дека работат на развивање електрични импулси во мозокот што можат да им помогнат на бебињата полесно да го регулираат дишењето. Стручњаците притоа зеле 13 новороденчиња кои вообичаено икаат. Нивната возраст била од 30 до 42 недели, и сите биле родени предвреме. Читањето на мозочната активност преку електроди поставени на скалпот дејствува во согласност со сензорите за движење на телото.

Трудот е објавен во списанието „Клиникал неурофизиолоџи“. Резултатите покажуваат дека контракциите на мускулите причинети од икање предизвикуваат изразен одговор во мозочниот церебрален кортекс.

Реакцијата е слична на онаа предизвикана од бучава, а мозокот на бебето го поврзува звукот на икањето со контракција на мускулите на дијафрагмата.

Лоренцо Фабризи, еден од авторите на научниот труд, вели дека активноста што произлегува од икањето му помага на мозокот на бебето да научи како да ги контролира мускулите за дишење, така што процесот се контролира со поместување на дијафрагмата. Така, ова е еден битен фактор во развојот за новороденчињата и на нивниот мозок.

The post ИКАЊЕТО ГО РАЗВИВА МОЗОКОТ Предвреме родените бебиња икаат и по 15 минути дневно appeared first on plusinfo.mk.