Според Обвинителството, во периодот од септември 2011 до февруари 2013 година, обвинетиот градел на земјиште во државна сопственост на булеварот Никола Карев во Скопје, за кое во 2004 година имал склучено Договор за закуп и користење на пасишта со ЈП за пасишта – Подружница Бит Пазар – Скопје. Иако согласно договорот бил корисник на земјиштето за период од 10 години, тој инвестирал во градба на армирано-бетонски објект од втора категорија. Без одобрение за градба тој изградил станбена зграда на два ката со вкупна корисна површина од 1.001 м2, со деловен простор и шест стана.​

Обвинителниот акт е произлезен по спроведена предистражна и истражна постапка од поранешното Јавно обвинителство за гонење на кривични дела поврзани и кои произлегуваат од содржината на незаконското следење на комуникациите. Скопјанецот се товари согласно член 244-а став 1 од Кривичниот законик.

Во една од снимките од прислушуваните разговори претседателите на ВМРО-ДПМНЕ и ДУИ се договарале за објектот наспроти американската амбасада, градежните инспектори да бидат толерантни.

The post Обвинителен акт против 50-годишен скопјанец кој со амин на лидерите градел на Кале appeared first on plusinfo.mk.