– Оваа предлог-резолуција во онаа форма во којашто веќе беше споделена со сите пратеници е предложена со цел да помине со најширок можен консензус. Цениме дека оваа предлог-резолуција ќе ги зајакне и македонските дипломатски позиции, но исто така ќе влијае и како фактор на сплотување наместо поларизација внатре во македонското општество – изјави Милошоски.

Тој ги повика пратениците на СДСМ, ЛДП, Левица, Алијанса, ДОМ, Демократски сојуз и сите други пратеници, уште денес да го стават својот потпис и да се придружат на предлог-резолуцијата за утврдување на македонските државни позиции за евроинтеграции, за да не се дозволи блокадите и националните понижувања да ни станат предмет на преговори и „виткање на кичма“ во некој следен период.

– Се надевам дека пратениците и партиите коишто декларативно истакнаа дека ќе ја поддржат Предлог-резолуцијата таква каква што е, од денес па во следните неколку дена истата ќе ја потпишат и очекуваме претседателот на Собранието Џафери, во најскоро можно време истата да ја стави на пленарна седница за да можеме да се изјасниме, очекувајќи дека ќе имаме широк политички консензус – рече Милошоски.

The post ВМРО-ДПМНЕ ја достави Резолуцијата во Собранието appeared first on plusinfo.mk.

Трајанов предложи воведување казна од 3 години затвор за оној функционер којшто ќе ја злоупотреби власта при вработување, како и промени во политичкиот систем во земјава за негова демократизација.

Тој образложи дека треба да се остави можност претседателот на државата да може да го распушта парламентот, како што е во повеќе држави, а  решението кај нас предвидува самораспуштање на пратениците.

– Треба да се преиспита правилото на Бадентер, коe во одредени мменти се јавува како кочница. – рече Трајанов.

Трајанов предложи рационализација на јавната администрација и Македонија да биде една изборна единица, а пропорционалниот модел да остане.

Седницата и денеска почна со задоцнување од околу 30 минути. Се очекува до пред полноќ да биде избрана новата влада предложена од мандатарот Зоран Заев.

The post Трајанов предложи казна од три години затвор за злоупотреби при вработување appeared first on plusinfo.mk.