Вака дел од партиските лидери со коишто разговараше Плусинфо го коментираат последното соопштение на Министерството за правда преку кое се молат политичките партии да ја изгласаат амнестијата, затоа што „тоа било хуманитарен чин што ќе ги испразни затворите“.

Лидерот на Демократски сојуз, Павле Трајанов, вели дека лично нема ништо против амнестијата, но како што посочува, сега не е вистинско време за такво нешто.

– Апсолутно сега не одговара времето за амнестија која може да се толкува и како милост од државата. Амнестија обично се дава при промена на власта, односно при промена на режим, а тоа претставува чин на милост или корекција на неправдата. А тоа што актуелната власт инсистира на закон за амнестија е апсолутна лудост. Ние како партија нема да поддржиме амнестија сѐ додека целосно не се разреши ситуацијата со Кривичниот законик. Од Министерството за правда велат дека со изгласувањето на измените на Законот за амнестија ќе се изврши хуманитарен чин со кој ќе се испразнат затворите, но ние не сме хуманитарна организација, туку сме држава. А државата треба да функционира по одредени стандарди исто како што функционираат останатите демократски држави. Хуманитарни акции нека си прават хуманитарните организации, но државата мора да води сметка за владеење на правото. Ние генерално не сме против амнестија како чин на милост на државата, но во оваа констелација на односи апсолутно е лудо да се инсистира на нов Закон за амнестија – ни изјави Трајанов.

Проблемот со пренатрупаноста во затворите не се решава со амнестија, туку со сеопфатни програми и со осовременување на казнено-поправните установи.

Јована Мојсоска Левица

Од Левица, пак, велат дека воопшто не им е испратен допис од Министерството за правда во врска со предлог-законот за амнестија.

– Го немаме разгледано предлогот и не можеме детално да го анализираме, но во секој случај, самиот институт амнестија претставува еродирање на правната држава. Тоа најдобро се гледа со новоназначениот директор на затворот „Идризово“, кој всушност е поранешен осуденик кој во 2017 година бил помилуван од претседателот Стево Пендаровски. И чудно е да се поверува дека државата сака да спроведе амнестија само за да се испразнат затворите. А што е со ужасните услови во тие затвори? Нели овие установи треба да претставуваат места за рехабилитација на осудените лица? А напротив, кај нас дури има и зголемување на криминалот во затворите затоа што немаме никакви програми за рехабилитација. Така што, овој проблем не се решава со амнестија, туку со сеопфатни програми и со осовременување на затворите. Во секој случај, амнестијата никако не може да биде решение – вели Јована Мојсоска, член на Президиумот на Левица.

Од опозициската ВМРО-ДПМНЕ не го менуваат ставот. Оттаму најавуваат дека преку демократски алатки ќе го блокираат новиот Закон за амнестија што го подготвува власта.

– Тој закон којшто е предложен, а од вчера и на јавноста достапен е Закон за амнестија на криминалци за кои одредени политички партии во минатото даваа ветување дека или ќе бидат ослободени целосно или делумно. За жал, тие политички партии или дел од тие политички партии денеска се во Владата и можете да видите дека таквиот закон не одговора, ама буквално ниту на потребите, ниту на очекувањата на граѓаните и во име на тоа ВМРО-ДПМНЕ не само што нема да го поддржи овој Закон за амнестија, туку ќе го блокира преку демократски алатки – порача лидерот на партијата, Христијан Мицкоски.

Премиерот Димитар Ковачевски, пак, денеска порача предлог-законот за амнестија да не се отфрла, туку да се отвори парламентарна дебата.

– Новиот закон не дава никаква амнестија на некој којшто направил тешко дело, точно наведени во самиот Закон. Затоа мислам дека не треба ан блок да се отфрла, туку треба да се отвори парламентарна дебата. Владата ќе го разгледа законот на една од наредните седници и потоа низ процедура ќе биде пратен до пратениците каде што сите пратенички групи ќе можат да го кажат своето мислење – рече премиерот.

Од Министерството за правда денеска соопштија дека од политичките партии e побарано во најкус можен рок да го разгледаат предлог-законот за амнестија и да се произнесат за законското решение, давајќи свои забелешки и сугестии.

„Укажуваме дека состојбата во затворите е алармантна за што укажуваат и бројните меѓународни извештаи кои се занимаваат со ова прашање, како и од страна на Комитетот против тортура во рамките на Советот на Европа“, се наведува во соопштението од Правда.

Со амнестијата се очекува да бидат опфатени лица кои се осудени на казна затвор до 6 месеци, како и осудените лица на кои им е изречена казна затвор над 6 месеци се ослободуваат од издржување на 30% од целокупната казна изречена со правосилна пресуда.

МИНИСТЕРСТВОТО ЗА ПРАВДА МОЛИ – ИЗГЛАСАЈТЕ ЈА АМНЕСТИЈАТА! „Ова е хуманитарен чин што ќе ги испразни затворите“

The post „КОЈ НЕ ГЛАСА ЗА АМНЕСТИЈА, ТОЈ НЕ Е ХУМАН“ Власта сака на емоции да ги фати партиите за со закон да ги испразни затворите appeared first on plusinfo.mk.

Тој на Фејсбук напиша статус неколку дена откако во Собранието не помина предлог-законот за амнестија на осудените за „крвавиот четврток“, а како што посочува, виновниците во врска со амнестијата не треба да се бараат во ВМРО-ДПМНЕ.

Михајловски додава дека кога напишал дека сѐ уште има јуди во партиските редови, мислел за некои помали коалициони партии на ВМРО-ДПМНЕ.

„Јас бев против да се поднесува закон за амнестија бидејќи еднаш побарав и бев одбиен, а беше амнестиран човек кој самиот призна пред судот дека носел оружје на тој 27 април, но детето беше амнестирано бидејќи кажа онака како што му беше напишано од страна на Вилма Рускоска, шефот на организираниот криминал, за да си го оправда измисленото монтирано обвинение. Виновниците во врска со амнестијата не ги барајте во ВМРО-ДПМНЕ, оваа хајка беше осмислена игра на Левица и се реваншираа за претходната ситуација која излезе во јавност кога двајцата левичари направија кворум за отварање на седница (не ми текнува која беше точката на таа седница). Затоа, луѓе, не паѓајте на вакви финти, само штетите на партијата која се бори за нас, ништо повеќе. Доколку имате критики, тогаш критикувајте ги во штабовите вашите претставници, а преку постови џабе пишувате, тоа не допира така како што мислите. Бидете мажи и кажете им во очи и ќе видите каков одговор ќе добиете. Не можам да ве разберам дали очекувате од оние што нѐ осудија да нѐ амнестираат? Видовме во 2018 година како ги амнестираа половината обвинети, беа амнестирани за Крсто, Сашо, Љубен, но за возврат да гласаат и да го променат името. Па, би сакал да ве прашам дали сте за да нѐ амнестираат, а за возврат да ги вметнат Бугарите во Уставот? Мојот одговор е: Не фала, не ми треба таква амнестија што ќе биде на штета на мојот македонски народ. Не сакам многу да должам само ќе повторам дека од левичар никогаш не може да биде десничар, а за да се фрли дамка на ВМРО-ДПМНЕ ова беше смислено од СДС, ДУИ и Левица“, напиша Михајловски на Фејсбук.

The post НЕ САКАМ ДА ИЗЛЕЗАМ ОД ЗАТВОР ПО ЦЕНА НА БУГАРИТЕ ДА ВЛЕЗАТ ВО УСТАВОТ Осудениот Михајловски за „27 април“ не сака да го амнестираат оние кои го осудиле appeared first on plusinfo.mk.