Отпадните води од домаќинствата и индустријата се сериозен проблем за животната средина, но државата не одвојува средства ниту за модернизирање на постоечките, ниту за изградба на нови пречистителни станици, поради како што велат, недостигот на средства за инвестиции.

Решение постои во средствата од околу половина милијарда евра за нови пречистителни станици од меѓународни фондови и ЕУ, но за да се дојде до нив потребно е знаење и капацитет на институциите за изработка и управување со проектите.

Првиот проблем со кој се соочуваат општините и јавните претпријатија е недостигот на стручни лица кои знаат да подготват проектна документација и апликација, како и да го водат процесот од идеја до изградба и ефикасно управување со процесите во пречистителните станици. Со други зборови, недостасува интерес и знаење.

Како една од ретките сериозни можности за излегување од крајно неповолната ситуација е програмата за пречистителни станици на RCDN, која спроведува обуки за трите најважни сегменти од овој проблем:

1. Oбука за градоначалниците, министерствата, директорите на јавните претпријатија, да носат одговорни одлуки, бидејќи пречистителните станици се голема инвестиција каде не смеат да се дозволат никакви експерименти и импровизации.

2. Oбука за инженери и менаџери за тоа што сѐ е потребно за подготовка, пишување проект и апликација и управување со процесот на изработка на документацијата.

3. Обука за персоналот во постоечките станици, за надградба на знаења и вештини и зголемување на ефикасноста на работењето на станиците и нивното одржување, како и намалување на трошоците за третман на отпадните води.

Повеќе детали за програмата за обуки и каде да се пријавите за нив можете да дознаете на линкот.

Доколку јавноста биде гласна и побара решение, локалните власти и јавните претпријатија ќе мораат да реагираат на овој огромен и опасен проблем.

За да не се исклучуваат станиците со цел да не трошат струја, туку да работат ефикасно и со пониски трошоци.

За сите населени места да добијат пречистителни станици и незагадена вода.

За сигурна и безбедна животна средина.

Ова се проблеми кои мора да ги решаваме денес, зашто утре ќе биде доцна. Времето истекува…

The post ПРЕЧИСТИТЕЛНИТЕ СТАНИЦИ ЗА ВОДА НЕ ФУНКЦИОНИРААТ Има ли решение за огромниот проблем? (ВИДЕО) appeared first on plusinfo.mk.

Причината за неработењето на пречистителните станици е недостигот на пари за инвестиции. Државата не предвидува средства за нив ниту на државно, ниту на локално ниво. На располагање се само околу половина милијарда евра наменети за нови пречистителни станици, а добиени од меѓународни фондови и од Европската Унија, со кои може да се изградат неколку модерни пречистителни станици со голем капацитет.

Од Здружението на даватели на комунални услуги на Република Северна Македонија, АДКОМ за Плусинфо велат дека пречистителните станици се од главно значење за поубава и посигурна иднина и квалитетен живот и здравје и незагадена животна средина во која чистите води се клучни.

– Секако дека пречистителните станици за отпадни води придонесуваат кон чиста животна средина. Тие прочистуваат големи количини вода одеднаш со комбинација на процеси, каде се отстрануваат индустрискиот отпад и други загадувачи. Постоењето на секоја таква станица е од клучно значење, и секоја станица која е нефункционална нè враќа чекори назад во обезбедувањето чиста животна средина – ни одговорија од Здружението.

Оттаму додаваат дека во овој момент во Македонија има 19 функционални пречистителни станици за отпадни води, како и дека секогаш е потребна изградба на нови.

– Не можеме доволно да ја нагласиме важноста на пречистителните станици за отпадни води и секоја една новоизградена ќе придонесе за почиста животна средина. Со тоа значително ќе се подобрат условите за живот на нашите граѓани – потенцираат од АДКОМ.

Количеството на отпадни води што ги создале македонските домаќинства и компании во 2021 година се зголемило. Според податоците на Државниот завод за статистика (ДЗС), само 38 отсто од отпадните води лани биле пречистени во соодветни станици за нивен третман. Од друга страна, вкупното количество отпадни води во 2021 година било за 2,8 отсто поголемо во однос на 2020 година.

Министерот за животна средина, Насер Нуредини, на почетокот на октомври рече дека само третина од отпадните води поминуваат низ 26-те пречистителни станици колку што ги има во Македонија, а се со капацитет од 590.000 еквивалент жители.

– Нашата земја има интензивни активности за изградба на пречистителни станици и системи за собирање  отпадни води за градови над 100.000 еквивалент жители како приоритет и за општини над 10.000 еквивалент жители како секундарен приоритет – истакна министерот.

Ова го потенцираше Нуредини во обраќањето на 9. Министерска конференција за животна средина за Европа, што од 5 до 7 октомври се одржа во Никозија, Кипар, каде зборуваше за изградбата на пречистителна станица во Скопје и на колектори за отпадни води и рехабилитација и проширување на канализациска мрежа во општина Кичево и за општина Битола за кои се очекува интензивирање на активностите поради техничката поддршка обезбедена во рамки на ИПА фондовите.

Нуредини ја најави и реализацијата на проектот „Општинска водна инфраструктура Северна Македонија“ со заем од ЕИБ во висина од 50 милиони евра, со кој покрај изградба и рехабилитација на инфраструктура за водоснабдување, собирање и третман на отпадни води, ќе се реализираат и вонредни мерки за заштита од поплави во сите општини во земјава.

The post 62% ОД ФЕКАЛИИТЕ НИ ЗАВРШУВААТ ВО РЕКИТЕ Зошто пречистителните станици се последна грижа на државата? appeared first on plusinfo.mk.

Отпадните води од домаќинствата и индустријата создаваат огромен притисок врз животната средина. Во нашата држава постојат пречистителни станици што воопшто не функционираат, а постојат и такви кои работат неефикасно. Во моментот имаме дури 17 нефункционални станици! Итно се потребни нови пречистителни станици за најмалку 34 населени места кои немаат или за кои воопшто не е предвидена изградба на системи за собирање и третман на отпадни води. Ова е проблем кој сериозно влијае на квалитетот на живот, здравјето и животната средина, но доколку не се реши итно, ќе има трајни и големи негативни последици врз животот на населението и развојот на општеството во иднина.

Главната причина за овие проблеми е претпоставувате, недостигот на средства за инвестиции. Државата не предвидува такви средства ниту на државно, ниту на локално ниво. Но, на располагање стојат средства од околу половина милијарда евра за нови пречистителни станици од меѓународни фондови и ЕУ, доволни за неколку сериозно модерни пречистителни станици со голем капацитет. Се поставува логичното прашање – како да стигнеме до овие средства?

Првиот проблем со кој се соочуваат општините и јавните претпријатија е недостигот на стручни лица кои знаат да подготват проектна документација и апликации, како и да го водат процесот од идеја до изградба и ефикасно управување со процесите во пречистителните станици. Со други зборови, решението постои, но недостасува интерес и знаење. Доколку јавноста не биде гласна и не побара решение, локалните власти и јавните претпријатија ќе останат неми на овој повик за решение.

Како една од ретките можности за излегување од оваа крајно неповолна ситуација е програмата за пречистителни станици на RCDN (регионална мрежа на асоцијации од Западен Балкан поддржана од Германската агенција за интернационална соработка) и поддржана од SECO (Швајцарска агенција за развој и соработка), која спроведува обуки за трите најважни сегменти од овој проблем:

1. Oбука за градоначалниците, министерствата, директорите на јавните претпријатија да носат одговорни одлуки (бидејќи пречистителните станици се голема инвестиција со која не смеат да се прават никакви експерименти и импровизации);

2. Oбука за инженери и менаџери за тоа што сѐ е потребно и како да започнат со подготовки, пишување на проект и апликација и управување со тимовите во процесот на изработка на документацијата, и

3. Обука за персоналот во постоечките станици за надградба на знаења и вештини и зголемување на ефикасноста на работењето на станиците и нивното одржување, како и намалување на трошоците за третман на отпадните води.

Од тимот на RCDN споделуваат дека не е целта само да се изградат пречистителни станици, туку да се зголеми ефективноста и ефикасноста кај сите засегнати страни.

– Одржувањето повлекува трошоци, а во моменти на кризи како сега, јавните институции одлучуваат во целост да ги исклучат пречистителните станици со цел заштеда на енергија. Наместо тоа да резултира со фрапантно загадување на животната средина поради испуштање необработен отпад, постои алтернатива за попаметно користење на станиците преку која истите ќе трошат знаително помалку енергија, а отпадните води ќе бидат чисти и нема да бидат штетни за околината – велат од RCDN.

Одговорноста за здрава и чиста животна средина е на секој од нас. Поголема свесност за користење на природните ресурси ќе придонесе кон нивно зачувување и долгорочно користење. Мора да реагираме на ова веднаш! Времето истекува…

The post ВО МОМЕНТОВ ИМАМЕ ДУРИ 17 НЕФУНКЦИОНАЛНИ СТАНИЦИ! Пречистување на отпадни води – зошто и како? (ВИДЕО) appeared first on plusinfo.mk.

Тој објаснува дека институциите кои раководат со пречистителните станици се соочуваат со неможност да ги платат високите сметки за електрична енергија и дека тие институции веќе најавуваат дека нема да бидат во можност да ја прочистуваат отпадната вода.

– Пречистителните станици се актуелни деновиве поради виоските сметки за струја кои им доаѓаат. Одговорните лица на пречистителните станици во градовите каде што ги има, најавуваат дека нема да бидат во можност да ја прочистуваат отпадната вода. За тоа разговарав со раководителот во Управата за животна средина и отпадни води за да направат една информација до Владата – алармираше Стојковски.

Тој предупреди и на тоа дека есенва голем дел од фабриките наместо гас ќе користат мазут и други нееколошки горива. Енергетската криза ќе предизвика и зголемено загадување на воздухот, велат од Државниот инспекторат.

The post ФЕКАЛИИТЕ „БЕЗ ПАРДОН“ ЌЕ ГИ ПОЛНАТ РЕКИТЕ Цената на струјата ќе ги затвори пречистителните станици appeared first on plusinfo.mk.