Нестабилно време нѐ очекува попладне и особено кон крајот на денот. По претпладнево со сонце и умерена облачност, како и слаб до умерен југоисточен ветер, попладневните часови ќе донесат промени. Се очекува променливо облачно време проследено со локални врнежи од дожд, а на места ќе има и појава на грмежи.

УХМР предупредува дека процесите ќе бидат поинтензивни во доцните вечерни часови и во текот на ноќта, кога на одредени локации ќе има услови за невреме со пороен дожд, електрични празнења и засилен ветер.

Минималните утрински температури ќе се движат од 6 во Маврово до 13 во Скопје, а максималните дневни од 13 во Маврово и 24 Целзиусови степени во Гевгелија.

Во Скопје времето наутро ќе биде стабилно, со сонце и слаб до умерен јужен ветер. Но, и главниот град нема да биде поштеден од нестабилноста. Кон крајот на денот и особено во ноќните часови, ќе има повремен дожд и грмежи, а делови од скопската котлина се изложени на ризик од појава на краткотрајно но интензивно невреме. Температурата ќе се движи од 13 до 23 степени.

Во сабота не очекува сончево време со мала до умерена локална облачност, што создава идеални услови за прошетки, активности на отворено и патувања.

„Стабилна атмосфера со многу сонце и само повремена облачност е карактеристична за саботата, без најави за врнежи,“ информираат од УХМР.

Ќе дува слаб до умерен ветер од северозападен правец, кој ќе го освежува воздухот и ќе придонесе за пријатно чувство и покрај благото зголемување на температурите.

Според прогнозата, минималните утрински температури ќе се движат од 5°C до 11°C, а максималните дневни температури ќе достигнат од 18°C до 23°C.

В недела ќе имаме сончево и топло време со мала до умерена облачност, што го прави денот совршен за престој во природа и дружење на отворено.

„Ќе имаме стабилно и потопло време во недела, со температури кои на места ќе достигнат до 25°C,“ информираат од Управата за хидрометеоролошки работи.

Ќе дува слаб до умерен ветер од јужен правец, кој ќе придонесе за пријатна топлина во текот на денот, особено во рамничарските и јужните делови на земјава.

Според прогнозата, утринските температури ќе се движат од 4°C до 10°C, додека дневните ќе достигнат вредности меѓу 20°C и 26°C.

The post ОД СОНЦЕ ДО НЕВРЕМЕ ЗА НЕКОЛКУ ЧАСА Попладне со врнежи, грмежи и силен ветер, вечерта доаѓаат електричните празнења appeared first on plusinfo.mk.

На локално ниво, највисоки износи се трошат за плати и придонеси, договорни услуги, градежни објекти. На приходната страна пак дел од општините не успеале да го остварат планот за наплата на даноците.

Општина Арачиново од годишните планирани приходи за 2024 година реализирала 81,5%. На приходната страна големо потфрлување има кај клучниот извор на финансирање, од данок на имот собрала 69.500 евра што е само 53,1% во однос на планот. Помалку пари се собрани и од данок на доход и од данок на специфични услуги. Буџетските трошења на оваа општина во однос на планот се реализирани со стапка од 78,3%. Најголем дел од буџетот или 1,8 милиони евра се потрошиле за плати и придонеси а повисоки трошковни ставки се „договорните услуги“ и „поправки и тековно одржување“.

Реализација на Буџет 2024

Приходи Расходи

Општина Арачиново 81,5% 78,3%

Општина Гостивар 95,8% 95,5%

Општина Дебар 92,8% 91,2%

Општина Кичево 90,9% 90,7%

Извор: МФ

Општина Гостивар е една од оние кои успеале да ја наполнат општинската каса блиску до планот – со реализација на вкупните приходи од 95,8%. Наплатата на данокот на имот изнесува 90,5% а нешто повеќе од годишниот план била реализацијата по основ на данок на доход. Највисока приходна страна се државните трансфери. На расходната страна и оваа општина лани имала помала реализацијата во однос на планот, од 95,5%. За основни плати и придонеси биле потрошени 16,7 милиони евра. Повисоки трошковни ставки се „други градежни објекти“, „поправки и тековно одржување“ и „договорни услуги“.

Во однос на планот за годишните приходи, Општина Дебар успеала да оствари 92,8% и потврдувањето е како последица на понискиот износ на државните трансфери. Оваа локална самоуправа успеала да наплати повисок износ од планираниот по основ на данокот на имот со натфрлање од околу 15% а повеќе пари од планираното наплатила и од данок на доход и од данок на специфични услуги. На буџетската расходна страна, вкупните трошења се реализирале со стапка од 91,2%. И кај оваа општина највисока расходна ставка се основните плати и придонеси за што лани биле потрошени 4,9 милиони евра. Повисоки износи се одлеале по основ на „други градежни објекти“ и комунални услуги, греење, транспорт“.

Реализација на приходи од данок на имот

Општина Арачиново 53,1%

Општина Гостивар 90,5%

Општина Дебар 115,0%

Општина Кичево 114,7%

Извор: МФ

Во групата локални самоуправи кои успеале да наплатат повеќе даноци во однос на планот е Општина Кичево. Вкупните буџетски приходи лани биле реализирани со 90,9% а целосното неостварување е главно поради понискиот износ на државни трансфери. Наплата на данокот на имот изнесува 14,7% повеќе во однос на планот а повеќе пари се собрале и од данокот на доход додека најголем износ е собран од наплата на „даноци на специфични услуги“. На расходната страна од буџетот на општината реализацијата изнесувала 90,7%. За исплата на плати и придонеси лани се потрошиле 11,4 милиони евра а зад оваа ставка според износот е ставката „други градежни објекти“. Позначајни износи се одлеале и о основ на „договорни услуги“ и „разни трансфери“.

Во следното продолжение на анализа ќе се објават буџетските податоци за Струга, Тетово, Чаир, Сарај и Град Скопје.

The post КАКО СЕ ПОЛНЕЛЕ И ПРАЗНЕЛЕ ОПШТИНСКИТЕ КАСИ? Арачиново, Гостивар, Дебар и Кичево најмногу трошеле за плати и договорни услуги appeared first on plusinfo.mk.

Ова го изјави денеска на прес-конференција министерката за финансии Нина Ангеловска.

Ангеловска рече дека во ваква  кризна ситуација мора да биде задоволна и со минусна ситуација во однос на полнењето на државната каса, но подвлече дека  досега е реализиран 44 отсто од планот.

– Даночните приходи во првата половина од годината, бележат пад од 13 отсто на годишно ниво и изнесуваат 47,3 милијарди денари. Само за јуни, согласно сценариото од ребалансот проекциите беа во надолна линија со очекуван пад од нешто над минус 20 отсто, додека остварениот пад е минус 14,4 отсто- врече Ангеловска.

Според неа,  позитивни движења има кај персоналниот данок на доход што е резултат на дел од мерките преземени од владата со кои се помогнати компаниите и работниците.

– Во второто тримесечје  движењата по месеци се -11,7 отсто (април), -25,7 отсто (мај), за во јуни да биде регистрирана позитивна стапка 1,7 отсто – рече Ангеловска..

Таа нагласи дека се забележува позитивен тренд кај придонесите кои растат со стапка од 8 отсто или вкупно досега изнесуваат 31,7 милијарди денари.

Ангеловска рече дека здравствената криза е причина за брзото празнење на државната каса.

– Вкупните расходи изнесуваат 113 милијарди денари, што е зголемување од 9,9 отсто на годишно ниво или 10,2 милијарди денари што е 46,7 отсто од буџетираните расходи – рече Ангеловска.

Дефицитот во буџетот во првото полугодие е во износ од 25,9 милијарди или 3,8 отсто од БДП, и е согласно проекциите, односно се одвива според планираната динамика.

Таа рече дека јавниот долг во вториот квартал изнесувач  50, 7 отсто од БДП и тој ќе се зголеми до крајот на годината зависно на  повлекување на парите од ММФ, еврообврзница…

Ангеловска тврди дека има пари во  буџетот за покривање на дефицитот и за  евентуален нов шок.

– Може да бидеме сигурни дека средствата се обезбедени. Буџетот ќе одговори на состојбата рече таа.

Ангеловска смета дека последните два квартала од годината ќе покажат посилно забрзување на заздравувањето на економијата.

The post Економијата полека закрепнува, расте оптимизмот и за полнење на државната каса appeared first on plusinfo.mk.