Премиерот Христијан Мицкоски изјави дека министри за правда од редовите на ДУИ во претходните влади не сакале да го решат прашањето со полагањето на правосудниот испит, додека актуелната Влада работи на изнаоѓање одржливо решение за надминување на проблемот.

Во интервју за Алсат телевизија, Мицкоски посочи дека уште од самиот почеток има јасен став дека теоретскиот дел од правосудниот испит треба да може да се полага и на јазиците на кои државата дозволила да се одвива високо образование.

– Од прв ден сум го кажал тоа и стојам зад ставот дека ако државата дозволила да се формира високо образование на јазик различен од македонскиот, како што се албанскиот, турскиот и англискиот, тогаш не гледам причина теоретскиот дел од правосудниот испит да не се полага и на некој од тие јазици – изјави Мицкоски.

Премиерот нагласи дека ставот на Венецијанската комисија е оти во правосудството мора да постои еден заеднички јазик – „лингва франка“, но оцени дека тоа не е во спротивност со можноста теоретскиот дел од испитот да се полага и на друг јазик.

– Статистиката е немилосрдна и покажува дека речиси 95 отсто од кандидатите Албанци кои досега го полагале правосудниот испит, и теоретскиот и практичниот дел, на македонски јазик, успешно го положиле. Тоа значи дека апсолутно не станува збор за дискриминација – рече Мицкоски.

Тој додаде дека сегашниот закон не го уредува начинот на полагање, туку му остава можност на министерот за правда преку подзаконски акт да ги регулира овие прашања.

– Изминатите години повеќе министри Албанци од редовите на ДУИ не сакале да го решат овој проблем. Оваа Влада има желба и работи на тоа да најде начин како тој да биде надминат. Министерот Филков е дел од Владата што бара решение, за разлика од претходните влади – истакна премиерот.

The post ДУИ ИМАШЕ МИНИСТРИ ЗА ПРАВДА, НО НЕ ГО РЕШИ ПРОБЛЕМОТ Мицкоски откри дека се бара одржливо решение за правосудниот испит appeared first on plusinfo.mk.

The post НЕ БИЛ ГОСТИН, НЕКА КАЖЕ ЗОШТО ЗАГЛАВИ ПРАВОСУДНИОТ ИСПИТ Валдет Џафери од ДУИ прозван од ВРЕДИ appeared first on plusinfo.mk.

Против кого протестира Бујар Ахмети, против самиот себе или против својот чичко Али Ахмети, прашува Вреди преку соопштение.

„Денес политичката иронија го достигна врвот. Бујар Ахмети, внук на Али Ахмети, кој бил заменик-член во комисијата за полагање на правосудниот испит, испит што се одржува само на македонски јазик, беше забележан на протестот на студентите кои бараа можност истиот испит да го полагаат и на албански јазик. Затоа се поставува прашањето: против кого протестира Бујар Ахмети? Против самиот себе, како дел од системот што со години ја одржуваше оваа неправда? Или против својот чичко, Али Ахмети, кој повеќе од 22 години беше на власт и именуваше министри за правда кои не презедоа ниту еден чекор за решавање на ова прашање?“, прашува Вреди.

Оттаму велат дека на албанските студенти не им требаат фотографии и политички театар, туку конкретни решенија, кои ДУИ не ги обезбеди 22 години по ред.

Вреди оценува дека времето на политички манипулации со националните прашања е завршено и порачуваат дека правосудниот испит ќе може да се полага и на албански јазик.

The post БУЈАР АХМЕТИ ПРОТЕСТИРА ПРОТИВ СЕБЕ ИЛИ ПРОТИВ ЧИЧКОТО АЛИ АХМЕТИ? Бил заменик-член во комисијата за полагање правосуден испит appeared first on plusinfo.mk.

Устен демарш му бил упатен денеска на вонредниот и ополномоштен амбасадор на Република Албанија во Република Северна Македонија, Денион Меидани, кој бил повикан во Министерството за надворешни работи и надворешна трговија.

Дознаваме дека на средбата присуствувал неговиот заменик и нему му бил упатен устниот демарш во врска со несоодветните изјави на амбасадорот во јавноста, во изминатиот период, коишто се движат на границата меѓу вообичаената и легитимна дипломатска комуникација и потенцијално мешање во внатрешните работи во земјата на акредитација.

На средбата било нагласено дека во иднина е потребно јавните настапи и изјави да бидат во духот на одличните пријателски односи и меѓусебното почитување меѓу двете земји, како и согласно вообичаените дипломатски стандарди и практики.

АЛБАНСКИОТ АМБАСАДОР ВО СКОПЈЕ ПРЕД ОТПОВИКУВАЊЕ? Јавно ги поддржал протестите за полагање правосуден испит на албански јазик

The post УСТЕН ДЕМАРШ ЗА АЛБАНСКИОТ АМБАСАДОР ВО ЗЕМЈАВА Дал несоодветни изјави кои претставуваат мешање во внатрешните работи appeared first on plusinfo.mk.

Министерот за правда, Игор Филков, испрати реакција за протестите за полагање на правосуден испит на албански јазик.

„Најостро реагирам на обидот, полагањето на правосудниот испит да се претвори во поле за политички притисок и етничка конфронтација. Правосудниот испит не е прашање на политика, туку прашање на стручност, професионалност и почитување на правниот поредок на државата. Обидите да се прикаже законската обврска за познавање на македонскиот јазик како дискриминација се опасна манипулација со јавноста и директен удар врз уставниот поредок.

Македонскиот јазик е службен јазик на целата територија на Република Северна Македонија и темел на институционалниот и правниот систем.

Недозволиво е чувствителни теми што директно го засегаат правниот систем да се користат за собирање политички поени или за создавање меѓуетнички тензии.

Правосудниот испит се спроведува согласно важечките закони и професионални стандарди, а не според дневно-политички агенди или притисоци од улица. Правото на протест е демократско право, но никој нема право преку насилни протести да бара уривање на критериумите и стандардите во правосудството.

Министерството за правда останува отворено за аргументиран институционален дијалог, но нема да дозволи девалвација на правосудниот систем, ниту поткопување на улогата на македонскиот јазик како столб на државноста и институционалниот поредок.

Македонскиот јазик не е пречка — тој е обврска, уставна вредност и гаранција за функционирање на државата“, се наведува во реакцијата на министерот Филков.

The post НЕДОЗВОЛИВО Е ТЕМИ ОД ПРАВНИОТ СИСТЕМ ДА СЕ КОРИСТАТ ЗА МЕЃУЕТНИЧКИ ТЕНЗИИ Остра реакција на министерот за правда appeared first on plusinfo.mk.

Барањето на албанските студенти за полагање на правосудниот испит на мајчин јазик се решава институционално. На работната средба со претседателот на Владата постигнат е конкретен договор институциите да најдат решение и веќе активно се работи на тоа решение, кое ќе биде во интерес на граѓаните, соопшти Вреди.

„Студентите побараа правосуден испит, но Вреди самоиницијативно ја мапираше целата соодветна проблематика. Нема да застанеме само тука, веќе работиме на законски решенија со кои сите професионални испити и постдипломски лиценци за работа во земјата ќе им бидат достапни на младите на нивниот мајчин јазик. Наша цел е логичен и праведен систем: тој што студирал на албански, да може на албански да ја добие и својата лиценца за работа“, се наведува во соопштението од Вреди.

Оттаму додаваат дека кога Вреди се нафаќа за решавање на наследените проблеми, тие стануваат реалност.

„Како што по пример, веќе успешно е решено прашањето со стручните медицински испити за лекарите и стоматолозите на мајчин јазик, како што го решивме правото за воспитувачите во градинките, и како што донесовме достоинствени и долгоочекувани решенија за статусот на Медресата и дислокацијата на казината, така брзо и ефикасно ќе ги затвориме и сите преостанати неправди кои со години беа оставени како заложници“, нагласуваат од Вреди.

Од партијата велат дека младите во нив имаат партнер кој создава еднаквост, достоинство и реална претставеност во институциите.

„Наша обврска е да создадеме услови во кои младите повеќе нема да имаат потреба да протестираат, туку ќе имаат причини да слават и да ја градат својата иднина дома. Вреди на дело докажува дека политиката ја разбира единствено како обврска за носење решенија, а не како платформа за празни зборови и бескрајни ветувања. Нашата мисија е јасна, институционално да ги исправиме неправдите кои со децении беа наталожувани како последица на половични решенија и политички пазарења од минатото“, велат од Вреди.

Тие јпорачуваат дека не смее и нема да дозволат зад искрените студентски иницијативи да се кријат компромитирани политичари и структури кои се болни за власт и кои преку ноќ станале „загрижени“ за правата кои самите ги газеле и игнорирале повеќе од две децении.

„Студентите протестираа против неправдите кои потекнуваат токму од времето на ДУИ, време кога петмина албански министри за правда не мрднаа со прст за да го решат прашањето на мајчиниот јазик. Тие што со години го стеснуваа здивот на младината, денес нема да ја инструментализираат нејзината иднина за спас на сопствениот капитал. Ние не се криеме од проблемите, туку се соочуваме со нив“, нагласуваат од Вреди.

The post СИТЕ ПРОФЕСИОНАЛНИ ИСПИТИ И ПОСТДИПЛОМСКИ ЛИЦЕНЦИ ЌЕ БИДАТ ДОСТАПНИ НА МАЈЧИН ЈАЗИК Вреди работи на институционално решение appeared first on plusinfo.mk.

Денешниот протест заврши, но вистината остана: ДУИ 20 години манипулираше со употребата на албанскиот јазик – беше истакнато на прес конференција на партијата Вреди посвеетена на протестот организиран од студентите-Албанци за полагање на правосудниот испит на албански јазик.

– Денес сме тука затоа што вистината мора да се каже јасно и гласно: студентите протестираа против неправда која потекнува токму од времето на владеењето на ДУИ. Сите Албанци знаат дека правосудниот испит никогаш не се одржувал на албански јазик.

Протестот е демократско право и никој тоа не го оспорува. Но, ние реагираме против оние кои се обидуваат да го манипулираат истиот за политички цели.

Денес на протестот, без ни малку срам, се појавија и двајцата главни виновници што правосудниот испит не се одржува на албански јазик: Муса Џафери и Блерим Беџети.

Токму тие што денес се обидуваат да ја разгорат оваа тема, ја користеа власта за лично богатење во периодот кога проблемот требаше да биде решен“ – рече Бесар Дурмиши на прес конференцијата на Вреди.

Дурмиши во продолжение директно им се обрати на студентите-Албанци:

– Почитувани студенти, ние отворено разговаравме со вас. Го прифативме вашето барање и ви ветивме дека проблемот ќе биде решен. Вие побаравте правосудниот испит да биде на албански јазик, а ние работиме сите професионални испити да бидат достапни и на албански јазик.

Во таа насока, денес во Владата се одржа средба меѓу премиерот Христијан Мицкоски и претседателите на Вреди. Затоа со целосна сигурност ви порачуваме: многу скоро испитите ќе бидат и на албански јазик.

Албанците не се наивни. Тие многу јасно гледаат дека зад оваа врева не стои грижата за студентите, туку борбата за изгубената власт. Затоа, вистинското прашање е: Зошто Али Ахмети се крие зад студентите? Зошто не им кажува на Албанците дека ова прашање не го реши кога целата власт беше во негови раце?

Уште еднаш, Али Ахмети покажа дека „го фрла каменот, а ја крие раката”. Го потпалува огнот од позади, додека ги турка другите напред, а потоа се обидува политички да профитира.

Затоа, ова прашање не смее да се претвори во судир меѓу институциите и студентите.

Студентите се наши деца. Затоа ги повикуваме студентите да не подлегнуваат на политички манипулации и да имаат доверба дека ова прашање веќе е преземено од Вреди и дека неговото решение е многу блиску – рече Дурмиши.

The post НЕ ПОДЛЕГНУВАЈТЕ НА МАНИПУЛАЦИИТЕ НА ДУИ, БЛИСКУ СМЕ ДО РЕШЕНИЕ! Вреди им се обрати на студентите-Албанци appeared first on plusinfo.mk.

На денешниот протестен собир, на кој студенти Албанци бараа право да полагаат правосуден испит на албански јазик, се случи тежок инцидент во строгиот центар на Скопје, кога групa млади луѓе, кои според информациите биле меѓу учесниците на протест, влегоа во жестока физичка пресметка.

Според она што се гледа од снимката што ја објавија повеќе медиуми, а првично порталот Ора24.мк. се чини дека едно момче е нападнато од група од пет-шест напаѓачи. Видеото содржи сцени на насилство и може да биде вознемирувачка за дел од публиката.

Полицијата го потврди инцидентот во одговор до порталот Курир.мк.

„Денеска (18.05.2026) околу 17:45 часот полициски службеници од СВР Скопје приведоа три лица македонски државјани пред Министерството за правда поради нарушување на јавниот ред и мир“ – напиша МВР.

 

View this post on Instagram

 

A post shared by Ora24.tv (@ora24.tv)

The post 🎥 (ВОЗНЕМИРУВАЧКО) ЖЕСТОКА ТЕПАЧКА НА ПРОТЕСТОТ ЗА ПРАВОСУДНИОТ ИСПИТ Петмина се нафрлија на едно момче appeared first on plusinfo.mk.

Неколку илјади студенти Албанци, како и граѓани од сите возрасти, попладнево одржаа протест во центарот на Скопје на кој побараа да се дозволи полагање на правосудниот испит на албански јазик во Македонија.

Покрај нивните барања, внимание привлече иконографијата на протестот – бројните албански знамиња и транспаренти, покажување „орли“ со раце, а дел од учесниците извикуваа „УЧК, УЧК…“. Според регистарските таблички на возилата паркирани околу Чаршијата, на протестот имаше и бројни учесници дојдени од соседно Косово.

На протестот доминираа албански знамиња, како и знамиња на ЕУ и САД. Не можеше да се забележи ниту едно македонско државно знаме.

Беа истакнати повеќе транспаренти со политички и етноцентрични пораки: „Студентите не се предаваат“, „Овој јазик има маченици зад себе“, „Не ми ја допирајте иднината“, „Знаењето нема забранет јазик“, „Политиката го зароби Уставниот суд“…

Демонстрантите се собраа собраа на плоштадот на влезот во Скопската чаршија, продефилираа на улицата Македонија и плоштадот Македонија, се задржаа пред Министерството за образование, а потоа преку Камениот Мост се вратија назад.

„Обединете се со студентите – сите заедно“, гласеше главниот слоган на протестот, кој е втор по ред организиран од студентите-Албанци, како резултат на, како што велат, отфрлањето на нивното барање за полагање на правосудниот испит на албански јазик.

Неколку часа пред студентскиот протест, премиерот Христијан Мицкоски имаше средба со копретседателите на Вреди Билал Касами и Изет Меџити по која беше соопштено дека „институциите активно работат на изнаоѓање решенија, кои ќе бидат целосно усогласени со Уставот и со Законот за употреба на јазиците, со цел обезбедување правна сигурност и функционалност“.

По состанокот на Касами и Беџити со Мицкоски нивната партија најави „добри вести поврзани со прашањето за полагањето на правосудниот испит на албански јазик,“.

Во сооппштението на партијата се вели дека „Вреди докажува дека прашањата на Албанците не се решаваат со празни декларации ниту со политички импровизации, туку со конкретна институционална работа“ и дека „решенијата нема да бидат половични, туку целосни, применливи и долгорочни, во интерес на студентите и на сите граѓани“.

ПРАВОСУДНИОТ ИСПИТ ЌЕ СЕ ПОЛАГА И НА АЛБАНСКИ ЈАЗИК Вреди тврди дека го решава тоа што ДУИ не го решила

The post ДА СЕ ПОЛАГА НА АЛБАНСКИ ИЛИ ДА СЕ ЗАБОРАВИ НА СЀ МАКЕДОНСКО? Протестот за правосудниот падна на испитот на политичка коректност appeared first on plusinfo.mk.

Тоа што ДУИ не го реши две децении, ние го решаваме со конкретни чекори: Правосудниот испит ќе се полага и на албански јазик!, соопшти Вреди преку соопштение.

„Вреди докажува дека прашањата на Албанците не се решаваат со празни декларации ниту со политички импровизации, туку со конкретна институционална работа и со целосни и одржливи решенија“, се наведува во соопштението од Вреди во кое се додава дека само еден ден откако копретседателите на Вреди, Билал Касами и Изет Меџити, најавија добри вести поврзани со прашањето за полагањето на правосудниот испит на албански јазик, денес тие учествуваа на работна средба со премиерот Христијан Мицкоски за унапредување на конкретното решение за овој долгогодишен проблем.

На средбата се разговарало за употребата на јазиците при полагањето на правосудниот испит, со јасен фокус решението да биде целосно, функционално и во согласност со Уставот и Законот за употреба на јазиците.

„За разлика од претходната власт, која повеќе од две децении го држеше ова прашање нерешено и го користеше само за политичка пропаганда, Вреди постапува со одговорност и институционална сериозност за да ги гарантира правата на Албанците во пракса. Вреди верува дека образованието, правдата и јазичната еднаквост се темел на модерна и праведна држава. Затоа, решенијата нема да бидат половични, туку целосни, применливи и долгорочни, во интерес на студентите и на сите граѓани“, се наведува во соопштението на партијата Вреди.

The post ПРАВОСУДНИОТ ИСПИТ ЌЕ СЕ ПОЛАГА И НА АЛБАНСКИ ЈАЗИК Вреди тврди дека го решава тоа што ДУИ не го решила appeared first on plusinfo.mk.