Повод за ова, како што информираат од Движењето, е одбивањето на Бугарија да го регистрира Македонскиот клуб за етничка толеранција, со што се кршат неколку основни одредби на правото, директивите, процедурите и на практиките  на Европската Унија.

„Со пријавата се бара правен лек со цел Република Бугарија да биде натерана да ја регистрира оваа забранета македонска организација (како и други организации) и да се наведе Европската Унија да стави крај на бугарското систематско кршење на правата на Македонците“, информира ММДЧП.

Ова следи по 14 успешни судски процеси кои македонски организации ги отпочнаа против Бугарија пред Европскиот суд за човекови права, за разни кршења на човековите права и за сузбивање на основното право на граѓаните на здружување во културни, политички и други видови на организации само поради нивната македонска етничка припадност.

„Сега, борбата за основните човекови права на Македонците е префрлена врз самата ЕУ, конкретно врз Европската комисија која доби нови овластувања да ги казнува земјите-членки кои не го почитуваат правото на ЕУ. Комисијата сега има моќ да спроведува пресуди на Европскиот суд за човекови права“ појаснуваат од Движењето.

Пријавата ја поднеле друштвата Нов Асном, Македонското меѓународно движење за човекови права, Светскиот македонски конгрес – Канада и друштвотот Етничка толеранција.

The post МАКЕДОНСКИ ДРУШТВА ЈА ПРИЈАВИЈА БУГАРИЈА ВО ЕК ЗА КРШЕЊЕ НА ЕВРОПСКОТО ПРАВО Бараат казна за системско кршење на правата на Македонците appeared first on plusinfo.mk.