– За настанот дознав од медиумите. Прво сакам да изразам сочувство до семејството на загинатиот, а на повредените да им посакам побрзо закрепнување од оваа сообраќајна незгода. Разговарав со директорот на Управата за извршување на санкции, и ме информираше дека тој имал целосна документација за лекување. Тоа е право на секој затвореник, како што има право на годишен одмор, има право на викенд, така има право на лекување. За деталите ве упатувам на Управата за извршување на санкции. Не знам зошто се упатил кон Скопје, можеби поради лекарска помош, треба да прашате во Управата – изјави Заев.

И Маричиќ рече дека разговарал со директорот на Управата за санкции и дека тоа што било објавено преку соопштение е точната верзија.

– Врз база на медицинска документација добил 30 дневен прекин на санкцијата за да ги заврши работите. Ова не е ниту прв ниту последен затвореник кој ја користел оваа допуст за прекин на издржување на казна – рече Маричиќ.

The post ЗАЕВ ОБЕЛОДЕНИ ДЕКА КИЧЕВСКИОТ БИЛ НА ЛЕКУВАЊЕ Премиерот не знае зошто тој патувал кон Скопје appeared first on plusinfo.mk.