Студентите се изманипулирани, а трагедијата во Кочани се користи за лични и за партиски цели, остро реагира Факултетско студентско собрание (ФСС) на Правниот факултет „Јустинијан Први“, при УКИМ.

Реакцијата се однесува на потегот на Факултетското студентско собрание на Филозофскиот факултет, чии претставници пред неколку дена изгласаа недоверба на Универзитетското студентско собрание (УСС) на Универзитетот „Св. Кирил и Методиј“. По ова на социјалните мрежи почнаа да се шират видеа од студенти кои ги предупредуваат другите студенти дека опозициска партија им прави поделба за да ја злоупотреби трагедијата на Кочани за да дојде на власт преку протести.

ФСС на Правен предупредува дека тој потег е незаконски и бара извинување од ФСС на Филозофски.

„Наши колеги, но пред сè, пријатели и сограѓани кои длабоко ја чувствуваме болката која ни ја всади трагедијата во Кочани. Сите сме изреволтирани, вознемирени и растревожени од континуираното потфрлање на системот и институциите. Како студенти на Правен, како никогаш досега се соочуваме со тоа дека правдата е само концепт и дека ништо нема да ни ги врати тие прекрасни, млади и надежни животи. Изразуваме големо жалење и негодување што нашите колеги – студентски претставници на Филозофскиот факултет, кои видено не ги познаваат своите надлежности, ниту одговорности (а се бирани од своите студенти), ја узурпираа ситуацијата да изманипулираат искрени и чесни студентски грла во трагедијата која нè снајде“, соопшти ФСС на Правниот факултет.

Согласно член 36 став 3 од Законот за високо образование, објаснуваат тие, студентско собрание на одреден факултет може да именува само двајца делегати во редовите на УСС. Законот остава простор истите делегати да се променат или отповикаат од страна на факултетското собрание кое ги избрало. Дополнително, додаваат, единствен механизам за изразување револт во случај на несогласување на ФСС со работата на УСС е отповикување на избраните претставници и да не именува нови.

„Уште повеќе, ФСС на Филозофскиот факултет, сè уште ги нема отповикано делегатите кои се претходно избрани, иако веќе ги преплавија медиумите за мало внимание „како изгласале недоверба“, туку напротив, истите делегати активно учествуваа на последната седница на УСС. Бараме јавно извинување од страна на членовите на студентското собрание на Филозофскиот факултет, не кон ФСС на Правен, кон УСС или кон УКИМ – туку кон сите нас, студентите, бидејќи го злоупотребуваат просторот со ширење лажни информации, кои за жал, се базираат на нивна правна лаичност“, соопштија студентите од ФСС на Правниот факултет.

Една од причините зад таа лаичност, се додава, е токму и партиската припадност на дел од членовите на тоа собрание, кои впрочем први ја споделија таа вест – не само по студентските канали на комуникација, туку и медиумите.

Тие нагласуваат дека легитимниот студентски гнев треба да биде насочен кон институционални промени и подобрување на системот, а не кон политички агенди кои немаат никаква врска со интересите на студентите.

„Неправото не продуцира право. Партизираните деца не најавуваат непартизираност. Неинформираноста не поттикнува просперитет и здраворазумно дејствување во едно општество. Трагедијата не е политички капитал. Во моменти кога болката нè разорува, а неправдата нè гуши, единственото и рационалното размислување се потребни повеќе од било кога. Тагата ни е заедничка. Гневот ни гори во градите. Но, не смееме да дозволиме да нè поделат токму сега, кога најмногу ни треба сплотеност. Ова не е време за лични агенди и индивидуално профитирање – ова е време за борба, за студентска солидарност и заеднички отпор против корупцијата и нефункционалниот систем. Животот е едноставен и нагло се менува. Видовме…“, соопшти ФСС на „Јустинијан Први“.

Организација потпишана како Независно студенско собрание на 18 март соопшти дека ФСС на Филозофскиот факултет изгласа недоверба на делегатите на УСС на УКИМ.

„Овој модел на студентско претставување е истрошен. Експериментот со УСС заврши, студентите на УКИМ ќе се самоорганизираат пленумски. Тоа за кое пред деценија студентите се бореа, никогаш не го добија. Наместо автентично претставување на студентскиот интерес, го добивме зависниот бирократски лавиринт наречен УСС на УКИМ. Студентите дека не можат да имаат претставнички тела контролирани од властите и партиите. Ова се наши универзитети“, соопшти Независното студентско собрание на УКИМ.“

The post СРАМНА ЗЛОУПОТРЕБА И ПОДЕЛБА НА СТУДЕНТИТЕ, ТРАГЕДИЈАТА НЕ Е ПОЛИТИЧКИ КАПИТАЛ Студентското собрание на Правен бара извинување од колегите од Филозофски appeared first on plusinfo.mk.

На социјалните мрежи се појави фотографија од инцидент на Правниот факултет во Белград. Студентка пропаднала низ подот на читалната. На фотката објавена на страницата „moj_beo_grad“ на Инстаграм се гледаат патиките на девојката кои висат од плафонот.

 

View this post on Instagram

 

A post shared by MOJ – BEOGRAD (@moj_beo_grad_)

 

View this post on Instagram

 

A post shared by MOJ – BEOGRAD (@moj_beo_grad_)

The post 📷 СТУДЕНТКА ПРОПАДНА НИЗ ПОДОТ НА ПРАВНИОТ ФАКУЛТЕТ ВО БЕЛГРАД Колегите ги виделе нејзините патики како висат appeared first on plusinfo.mk.

Ако прошетате низ охридската чаршија, не можете да го одминете дуќанот на Крсте Белев, кој тој го наследил од неговиот татко Ѓорѓи и од чичкото Милан Белев.

Чичко му работел како опинчар до својата 96-та година и неговата слика стои во дуќанот откако тој, пред две години починал.

По неговите стапки оди и нашиот соговорник, господин Крсте кој иако веќе има наследник, поточно, наследничка, не планира да престане со работата.

„Ќерка ми која е инаку, професорка по италијански јазик и зетот, ќе го продолжат занаетот, но и јас не мислам да претанам да работам и ќе терам како чичко ми, речиси до стотка“, вели Крсте и додава: „оти да не работам, не ми фалит ништо“.

Целиот текст прочитајте го ТУКА.

The post ОПИНЧАР СО ФАКУЛТЕТ! Охриѓанецот Крсте Белев има намера да работи до стотка appeared first on plusinfo.mk.

Според Законот за слободен пристап до информации од јавен карактер, МИА побара информации за запишани и дипломирани студенти по право на додипломски и постдипломски студии во изминатите десет години од сите 13 Правни факултети во државава, одговор не добивме само од Меѓународниот универзитет во Струга, од каде, и по истекот на сите рокови предвидени во законот, ни соопштија дека Барањето не било примено поради технички проблеми со електронската пошта.

Преполовување на запишани студенти на додипломски студии по право се забележува на сите државни правни факултети каде што во изминатите десет години се запишале вкупно 8 274 студенти.

На Правниот факултет „Јустинијан Први“ на Универзитетот „Св. Кирил и Методиј“ во Скопје, падот изнесува 52 проценти. Во Кичево, на Правниот факултет во рамките на Универзитетот „Свети Климент Охридски“ во Битола, се забележува пад од 64 проценти, додека, на Правниот факултет при Универзитетот „Гоце Делчев“ во Штип, 55 отсто. Најголем пад, односно цели 88 проценти, има на Државниот Универзитет во Тетово.

На Приватните универзитети, каде што во изминатите десет години на додипломски студии по право се запишале вкупно 5 161 студент, ситуацијата е поделена. На Правните факултети при Американски универзитет на Еврoпа – ФОН, Приватна високообразовна установа – МИТ Универзитет – Скопје, Европски Универзитет и Универзитет Американ Колеџ, има намалување кое се движи од 50 до 100 проценти, додека, на правните факултети при Меѓународниот Балкански Универзитет, Меѓународен Славјански Универзитет Гаврило Романович Державин – Свети Николе, Меѓународен Универзитет Визион – Гостивар и Универзитет на Југоисточна – Тетово, има зголемување е во рамките од 4 до 400 проценти.

Над 50 проценти пад има и на магистерските студии по право

Намалување на бројот на запишани студенти има и на магистерски студии, каде што во изминатите десет години, од 903 запишани студенти на 11 правни факултети во академската 2013/14, бројот се намалува над 50 проценти, односно 426 запишан студент по право во 2022/23 година.

Од вкупно 5 750 запишани студенти на магистерски студии по право во изминативе десет години, 4425 се запишале на државните универзитети. На УКИМ  се забележува пад од 49 проценти, на УКЛО – 62, УГД – 76 и Универзитетот во Тетово – 57 отсто.

На приватните факултети се запишале 1 325 при што на Универзитетите ФОН, Европски, Славјански, Американ и Југоисточна Европа има пад кој се движи од 25 до 100 проценти, додека, на Универзитетот Визион во Гостивар и Меѓународниот Балкански Универзитет имаат раст од 250 – 300 отсто.

И дипломираните, односно магистрираните студенти се преполовуваат низ текот на годините. Па така, од 1 103 дипломирани студенти по право во 2013 година, во 2022 дипломираат 622, а од 588 магистранди кои магистрирале во 2013, бројката се намалува на 351 во 2022.  Падот во овој дел изнесува 43, односно 40 проценти.

The post ЌЕ СТАНАТ ДЕФИЦИТАРНИ Преполовен е бројот на студенти по право appeared first on plusinfo.mk.

Коренот на сите проблеми со правосудниот испит е во Правниот факултет „Јустинијан Први“ и во незаконитата студиска програма за првиот циклус на правните студии (додипломски студии) усвоена во 2005 година, која потоа се одрази и на Законот за високото образование (ЗВО) и на Законот за правосудниот испит, кои мораа да бидат променети.

Три големи незаконитости

Програмата имаше три големи незаконитости, кои беа во директна колизија со тогашниот ЗВО:

Прво, спротивно на член 104 од тогашниот ЗВО, таа предвидуваше три години на прв циклус правни студии (иако по тогашниот ЗВО додипломските студии мораа да траат најмалку 4 години – види слика од ЗВО 2000 подолу).

Второ, студиската програма не предвидуваше дека студентите кои ќе го завршат првиот циклус на правни студии ќе добијат диплома со степенот „дипломиран правник”, иако тоа по член 124 од тогашниот ЗВО беше задолжително (види слика од ЗВО 2000 подолу). Наместо тоа, нашите дипломирани студенти добиваа диплома „правник“. Навидум бенигно, но всушност оваа незаконитост ги исклучи нашите дипломци од можноста да полагаат правосуден испит по дипломирањето на првиот циклус. Ова затоа што според тогаш важечките прописи, правосуден испит можеа да полагаат само лица со степен „дипломиран правник“ (а нашите дипломци од првиот циклус добиваа диплома за „правник“, иако по тогашниот ЗВО им следуваше диплома со степен „дипломиран правник).

И трето, спротивно на тогаш важечките прописи, на предметните професори им беше наметната проверка на знаењата преку тестови со прашања со заокружување на однапред понудени одговори. Уште повеќе, таквите тестови не ги спроведуваа професорите, туку факултетската администрација, со прашања добиени од професорите. А според тогаш важечките прописи, секој предметен професор сам си го одредуваше начинот на проверка на знаењата. Но, Наставно-научниот совет на „Јустинијан Први“ им го ускрати тоа право и им наметна централизирано испитување, преку тестови со заокружување што ги спроведуваше администрацијата (една декада подоцна, Владата на Груевски проба овој „изум“ да го примени на државно ниво, преку т.н. „државен испит“). Професорите беа сведени на „изработувачи“ на испитни прашања со однапред дадени одговори (од кои само еден смееше да биде точен).

Овој дефект имаше директни импликации и на правосудниот испит, бидејќи испитите со прашања со однапред понудени опции нужно водеа до стекнување на површни знаења за материјата, а потоа резултираа и со сериозни тешкотии во полагањето на правосудниот испит (поради празнините во знаењата на кандидатите), па во 2013 година се воведе полагање правосуден испит преку тестови со прашања со избор на однапред понудени опции.

Нов закон, стари проблеми

Независно од флагрантната незаконитост, студиската програма беше акредитирана и по неа започнаа да студираат студенти од учебната 2005/2006 година. Да биде работата уште пострашна, и други правни факултети во државата ги презедоа истите решенија.

Проблемот со дефектноста на дипломата беше оставен да се реши подоцна, бидејќи ионака првите дипломци не можеа да се појават пред 2008 година.

И навистина, во 2008 година се донесе нов Ззакон за високо образование (во чие изготвување, според кажувањето на професорот Аднан Јашари, учествувале и неколку професори од нашиот Факултет). Со овој закон беше избришана обврската за додипломски студии да се стекнува степенот „дипломиран” а и се дозволи првиот циклус на студии да може да трае и три години. (види слика од чл. 94 од ЗВО 2008 подолу)

Тоа секако не го реши проблемот на трите запишани генерации студенти на правни студии по незаконитата студиска програма. Но, иако понеповолен за дотогаш запишаните студенти од Правниот факултет, новиот ЗВО се применуваше ретроактивно и на нив.

ЗВО од 2008 година не го реши ни проблемот со дефектните дипломи на студентите запишани пред неговото донесување, бидејќи дипломците на првиот циклус на Правниот факултет и понатаму не можеа да полагаат правосуден испит.

Почетокот на хаосот

Логично, следеше измена на законот кој го регулира полагањето правосуден испит, затоа што требаше да се регулираат различните ситуации во кои наоѓаат кандидатите за полагање на испитот. Од една страна беа оние запишани пред учебната 2005/2006 година, со стандардни четиригодишни додипломски правни студии и со диплома со степен дипломиран правник. Од другата страна беа новите кандидати, со тригодишни додипломски студии, со звање „правник“, кои системот не ги пррепознаваше, па поради тоа за нив беше нужно да се пропишат и завршени постдипломски студии како услов за полагање на правосуден испит. Тоа и се случи во 2010 година и оттогаш почна вистинскиот хаос, со мноштво различни кандидати, со различни дипломи и звања.

А во хаосот лесно се манипулира. Што би рекол Балашевиќ: „Свашта се роди у мутној води…Ко живот води у мутној води, мора све трикове добро да зна“.

Јас сум за „Бистра вода“!

Некои системски грешки во законодавството тешко може да се исправат. Но, барем можеме да не ги повторуваме. Законскиот хаос со правосудниот испит е запрен во 2019 година, со донесувањето на нов закон со експлицитни решенија наменети за запирање на секакова злоупотреба. И на законскиот хаос во високото образование, создаден со бројните измени од 2008 до 2016 година, му се стави крај со донесувањето на нов Ззакон за виусоко образование во 2018 година.

И одеднаш, креаторите на хаосот од 2005 година не мируваат и денес ни нудат да нѐ вратат во бездната во која нѐ имаа втурнато и од која едвај се извлековме. Тие би сакале да нѐ вовлечат во матни води. А во матните води, сешто може да се роди!

Имаме одлична можност да преминеме на слушање на „Бистра вода“ на Влатко Стефановски, наместо постојано да го преслушуваме „Блузот на матната вода“ (Блуз мутне воде) на Балашевиќ. Јас сум за Влатко, се надевам и вие!

(Фејсбук пост на професорот Тони Дескоски. Посочените фотографии се во постот)

The post БЛУЗОТ НА МАТНАТА ВОДА Професорот Тони Дескоски за корените на хаосот со правосудниот испит appeared first on plusinfo.mk.

– Со неговата смрт загубивме драг и почитуван колега, доајен од областа на вовед во правото и автор на бројни научни и стручни трудови, успешен интелектуалец, извонреден предавач, одличен педагог, посветен наставник и особено ценет пријател, објави Правниот факултет на Фејсбук.

Проф. д-р Димитар Бајалџиев (1944-2022) беше и министер за образование и наука од септември 1992 до декември 1994 година, поранешен декан на Правниот факултет и член на Деканатската управа.

Погребот ќе биде извршен утре на Градските гробишта во Бутел.

The post ЗАМИНА ДОАJЕНОТ НА МАКЕДОНСКОТО ПРАВО Почина проф. д-р Димитар Бајалџиев appeared first on plusinfo.mk.

Казнено-поправните и воспитно-поправните установи се должни да обезбедат непречено остварување на ова право на осудените лица, контактирање со надворешниот свет преку телефонирање.

Што виде Комисијата за превенција од тортура во КПД „Идризово“?

За жал, во установите во нашата држава телефонските говорници со години се нефункционални, тврди проф. д-р Александра Груевска Дракулевски, редовен професор на катедрата за криминологија и пенологија на Правниот факултет во Скопје. Таа вели дека токму тоа е и причината за нелегално внесување и користење мобилни телефони во нашите казнено-поправни установи.

– Овој проблем со години се нотира и во извештаите на Комитетот за превенција од тортура и се истакнува како една од главните причини за корупција во македонските пенитенцијарни установи. Во извештајот на КПТ од 12.10.2017 година, за посета остварена во декември 2016 година, посебно се акцентира проблемот на корупција во КПД Идризово. Како што стои во извештајот, цитирам: „Комитетот за превенција од тортура утврди дека во КПД Идризово секој аспект на затворањето е за продажба, од добивањето место во пристојна ќелија, преку домашното отсуство, до лековите, мобилните телефони и до дрогата. Понатаму во извештајот се вели, цитирам: „Мобилните телефони беа присутни низ целиот затвор, а паметните телефони чинеа околу 300 евра плус мала дневна исплата на затворските службеници за да не ги пријават“. „Мобилните телефони јавно се користат.“ „Фактот дека јавните говорници не функционираат му погодуваат на бизнисот со мобилни телефони да цвета“. Истите забелешки се нотираат и во последниот извештај на КПТ од 29 јули 2021 година за посета остварена во периодот од 7 до 9 декември 2020 година, како и во претходниот извештај од 11 мај 2021, за посета остварена во периодот од 2 до 10 декември 2019 година – вели професорката.

Таа потенцира дека од безбедносни причини никаде во светот не е легализирана употребата на мобилни телефони во затворите, ниту, пак, некаде на затворениците им е дозволен слободен пристап до интернет. Груевска Дракулевски е сигурна дека проблемот во нашите затвори може да се реши веднаш, со поставување телефонски говорници.

– Како позитивен пример би го истакнала Затвор Битола, која е единствената установа во која функционира телефонска говорница. Во фокусот на сузбивање на корупцијата треба да биде професионализација на затворскиот персонал, строги контроли при влез и излез од установите, дисциплински мерки за затворениците кај кои ќе бидат пронајдени мобилни телефони, ефикасни истраги за затворскиот персонал и дисциплински мерки и кривични постапки. Потоа, неопходни се блокатори што ќе ја оневозможуваат комуникацијата преку мобилни телефони, како и други современи начини за откривање и лоцирање на шверцувани 2Г, 3Г, 4Г и вај-фај мобилни уреди – тврди професорката.

Таа вели дека поседувањето и користењето на мобилни телефони во казнено-поправните установи може да му погодува на организираниот криминал. Може да се злоупотребува за контрола на злосторнички здруженија, банди, заради упатување закани на сведоци, жртви и оштетени, за планирање бегства или организирање други сериозни кривични дела. Затворениците, исто така, може да користат паметни телефони за да соберат разузнавачки информации за затворскиот персонал, за лицата кои го спроведуваат законот и да им упатуваат закани на нив или на членови на нивните семејства.

Затворската корупција „цвета“ и во поразвиените земји

Колегата на Александра Груевска Дракулевски, проф. д-р Гордан Калајџиев, се согласува со констатацијата дека мобилните телефони се извор на корупција во затворите.

– Ниту една држава не дозволува мобилни телефони во затворите. Мене ако ме прашате, јас би ги легализирал, бидејќи се извор на корупција. Треба да се има предви и фактот дека и пристапот до информации служи во процесот на рехабилитација и ресоцијализација – вели за Плусинфо професорот по кривично право.

Калајџиев открива дека проблем како нашиот имаат и многу поразвиени земји во Европа.

– Пред извесно време имав прилика да посетам неколку затвори во Австрија. Во Централниот затвор во Виена беше многу строго од секој аспект, но во помалите затвори во внатрешноста на земјата имав прилика да видам како затворениците слободно користат мобилните телефони – додава Калајџиев.

Тој го нотира и проблемот со условниот допуст, кој судиите редовно им го оневозможуваат на затворениците. Калајџиев смета дека ваквиот ригиден став кон луѓето осудени на затворска казна, само дополнително ја развива корупцијата во затворите.

Шпанските сопчиња се минато

На неодамна одржаниот научен собир во Битола, на кој експерти говореа за правилниот пристап во рехабилитацијата на затворениците, беа посочени примерите на Финска и на Естонија.

Во Финска на затворениците им е дозволено да испраќаат и-мејл пораки, со што можат да останат во контакт со надворешниот свет. Во Естонија, пак, затворениците целото плаќање го вршат електронски, со што се намалува можноста за корупција.

– Минатото ни покажа дека „шпанските сопчиња“, осуденичкиот чекор и молчењето, присилната работа и темните ќелии не се решението. Времето нè научи дека ниту смртната казна не е одговорот за успешно спречување на криминалот, а сегашноста ни укажува дека е потребно да сме „хумани во строгоста“, затоа што само така ќе успееме во никогаш завршливата борба со криминалното однесување. Нема да го затвориме кругот, но секогаш ќе сме еден чекор понапред. Третманот на осудените лица претставува клучен аспект во процесот на издржување на казната затвор. Активната вклученост на осудените лица и довербата меѓу нив и нас, на крајот резултира со успешно исполнување на трите „Р“, односно нивна рехабилитација, ресоцијализација и реинтеграција, по што заедницата добива повторно корисен член, чии ставови се во иста насока со тие на мнозинството – објаснува проф. д-р Ангелина Станојоска, раководител на Центарот за научноистражувачка работа на битолскиот Правен факултет.

The post 300 ЕВРА МЕСЕЧНО ЗА МОБИЛЕН ВО КПД ИДРИЗОВО Неколку телефонски говорници ќе го решат проблемот, ама тогаш камо мито? appeared first on plusinfo.mk.

Девојка од Македонија која студира на Правниот факултет во Марибор, објави интересна фотографија на социјалната мрежа Твитер, а на која се гледа погледот низ прозорецот од предавалната.

Ако погледнеш низ прозорецот тогаш најверојатно ќе си го видиш автомобилот што си го паркирал/а на паркингот, но нема да можеш да му одолееш на графитот што е нацртан на ѕидот од спротивната зграда.

„Како ли да се фокусирам на предавањето? Гледам низ прозорецот и мислам на бившиот“, гласи еден од коментарите.

Паркинг зад Правен pic.twitter.com/KHD3OdEBPx

— Алтан (@ivettelhiem) March 9, 2022

The post ДА ТИ Е МЕРАК ДА ПАРКИРАШ ЗАД ПРАВЕН ФАКУЛТЕТ Го слушаш професорот, а мислиш на бившиот (ФОТО) appeared first on plusinfo.mk.

Информираат дека во досегашната истрага, не се пронајдени материјали поврзани со приемните испити на слушатели во Академијата на судии и јавни обвинители.

„Што се однесува до Софтверот за полагање на испитот за прием на слушатели во Академијата на судии и јавни обвинители, истиот не е одземен“, посочуваат од ОЈО.​

The post Обвинителството влезе во Правниот факултет, одземени се компјутери appeared first on plusinfo.mk.