Премиерот Христијан Мицкоски во рамки на престојот во Минхен оствари средба со претседателот на Украина, Володимир Зеленски, на која фокусот бил ставен на безбедносните предизвици во Европа и можностите за праведен и одржлив мир.

Двајцата лидери разговарале за потребата од европско единство и солидарност во услови на војна и глобални турбуленции, како и за продлабочување на билатералната соработка.

– Веруваме дека мирот мора да биде изграден врз правда и почитување на достоинството на народите. Само таков мир носи стабилност и сигурна иднина за Европа. Македонија ќе продолжи да биде глас на разумот, партнер на стабилноста и поддржувач на праведниот мир – изјави Мицкоски по средбата.

На разговорите било отворено и прашањето за економската размена и поддршката во процесите на напредок на државите, при што, како што истакнал премиерот, „напредокот е можен кога има визија, храброст и јасна определба“.

Средба и со Гренел

Претходно, Мицкоски во Минхен се сретна и со Ричард Гренел, специјален пратеник на американскиот претседател Доналд Трамп за специјални мисии.

Премиерот оцени дека станува збор за продуктивна средба со одлична дискусија, при што биле потенцирани стратешките односи со САД како темел на стабилноста и економскиот развој на земјава.

– САД остануваат нашиот најголем поддржувач и стратешки партнер. Во време на глобални предизвици, зајакнувањето на ова партнерство е од клучно значење за нашата национална безбедност и економски напредок – истакна Мицкоски.

Тој додаде дека се гради партнерство засновано на взаемна почит, економска соработка и заедничка посветеност на мирот и стабилноста.

The post 📽️ 📷 МИРОТ МОРА ДА БИДЕ ПРАВЕДЕН ЗА ДА БИДЕ ТРАЕН Мицкоски се сретна со Зеленски во Минхен appeared first on plusinfo.mk.

– Запирање на убивањата на територијата на Украина ќе биде еден од приоритетите на новата администрација на Трамп – рече Келог.

Во интервју за „Фокс бизнис“, Келог изјави дека Трамп знае дека претходните обиди за постигање мир меѓу Русија и Украина, вклучувајќи ги и Минските договори, доживеаја целосен неуспех, па затоа тој нема намера да оди по истиот пат.

Според Келог, Трамп ја разбира важноста на односите што ги има со своите сојузници, како и оние со Владимир Путин. Тој е човекот кој може да го спроведе тоа до некаква завршница во релативно блиска иднина, нагласи Келог.

– Претседателот е доследен во своите цели: сака да ги запре убивањата и да донесе мир во регионот. Тоа не е негов единствен меѓународен приоритет, но тој се стреми кон мир кој ќе биде праведен, одржлив и безбеден – изјави Келог.

Келог во друга прилика претходно изјави дека Украина и Русија се подготвени за мировни преговори. Според него, недостасува само „арбитер“ кој ќе може да ги „раздели“ двете завојувани страни.

Келог ќе ја посети Украина на почетокот на јануари 2025 година за да „собере факти“, соопштија дел од американските медиуми.

The post ЗАПИРАЊЕТО НА УБИВАЊАТА ВО УКРАИНА Е ПРИОРИТЕТ ЗА ТРАМП Сака да постигне праведен, одржлив и безбеден мир appeared first on plusinfo.mk.