Канада ги вклучи на списокот на терористички организации движењето „Прауд Бојс“ и уште 12 други групи, соопшти канадското Министерство за јавна безбедност.

Речиси сите членови на движењето се во САД, но основачот е од Канада.

„Тоа е неофашистичка организација која прибегнува кон политичко насилство и чии членови делат мизогинистички, исламофобични, антисемитски, антиимигрантски идеологии или идеологија на надмоќ на белата раса“, додаде канадското министерство.

„Прауд Бојс“ јасно ја изразија својата поддршка за Доналд Трамп и честопати се појавуваа вооружени на митинзите за негова поддршка.

The post Канада ги прогласи „Прауд Бојс“ за терористи appeared first on plusinfo.mk.