Пратеникот од Левица, Амар Мециновиќ кој на последните избори беше кандидат за градоначалник на Скопје и балерината Стефанија Гаштарска која пред неколку години стана позната на социјалните мрежи објавувајќи содржини за балет, балетски техники и секојдневни видеа од својот живот, истовремено на своите профили на Инстаграм споделија заеднички фотографии.

Двојката била на заедничко планинарење и се искачила на врвот Плат, на Шар Планина, а на фотографиите, освен планински предели, чисто небо и прекрасни кадри од Шар Планина, се гледаат и нивните насмеани лица додека прегрнати уживаат во денот и во нивната љубовна врска.

 

View this post on Instagram

 

A post shared by Stefanija Gashtarska | Ballerina (@stefi.balet)

Мециновиќ, покрај политичкиот ангажман, е познат и како голем вљубеник во природата и планинарењето. На неговиот профил на Инстаграм веќе подолго време може да се забележат фотографии од различни планинарски авантури, а честопати апелира и за поголема грижа, заштита и зачувување на планините и природните убавини.

 

View this post on Instagram

 

A post shared by Амар Мециновиќ (@amarmecinovic)

Иако досега својот приватен живот го чуваа подалеку од јавноста, со овие фотографии Стефанија и Амар решија да ја обелоденат својата љубов.

The post 📷 БАЛЕРИНА И ПРАТЕНИК, НОВ ПАР НА МАКЕДОНСКАТА ЈАВНА СЦЕНА Стефанија Гаштарска и Амар Мециновиќ ја обелоденија љубовната врска appeared first on plusinfo.mk.

Владата преку конкретните директни и индиректни мерки што ги презема го штити стандардот на граѓаните и не дозволува висок раст на цените, а инфлацијата од 4% е прифатлива во кризна состојба, вели пратеникот од редовите на ВМРО-ДПМНЕ Игор Здравковски.

– Според многу параметри, посебно за време на криза, 4% инфлација, според Организацијата за земјоделие (ФАО) дури и до 8% инфлација, е прифатливо во кризна состојба. Со мерките коишто беа директно за нафтата, со акцизите и со ДДВ-то, немаме енормен скок на цените, затоа што најголемиот инпут во одредувањето на цената се енергенсите. Основните прехранбени производи, во најголем дел имаат 5% стапка на ДДВ. Зборуваме тука за производи од брашно, производи од млеко итн., коишто се навистина основни – изјави Здравковски во емисијата Анализа на ТВ 24.

За стабилизација на цените на земјоделските производи, според него, придонесува мерката за намалување на маржите за ѓубривата.

-Во делот на земјоделието ги ограничивме маржите за вештачкото ѓубриво. Имаме директни и индиректни мерки кои ќе дадат резултат и во иднина – рече Здравковски. 

Тој додаде дека и поддршката во делот на компаниите е многу поголема за разлика од претходно.

–  Дополнително, сметам дека поддршката и во делот на компаниите е многу поголема за разлика од претходно. Имаме конкретни мерки, за оваа година се предвидени нови 25 милиони – реле Здравковски. 

The post ОГРАНИЧЕНИ СЕ МАРЖИТЕ ЗА ВЕШТАЧКОТО ЃУБРИВО Пратеникот Здравковски смета дека со конкретни мерки се штити стандардот на граѓаните appeared first on plusinfo.mk.

Правилникот за одгледување канабис за медицински цели, донесен во времето на власт на СДСМ, е во колизија со законот, затоа што се дозволува да се произведува цвет од канабис кој не ги задоволува ГМП-нормите – рече на денешната прес конференција пратеникот на ВМРО-ДПМНЕ Бране Петрушевски.

– Познанството со Зоран Заев и Венко Филипче, како и блискоста со СДС биле најважен критериум за апликантите за добивање на лиценца за медицински канабис. Не можел кој било да извади таква лиценца, затоа што тоа било резервирано за луѓето блиски до кланот Заеви и до Филипче, затоа и во струмичкиот регион во Македонија има најмногу фабрики за марихуана за медицински цели. За да им тече бизнисот и да ги вртат милионите, Заев и Филипче во 2020 година планираа целосно легализирање на марихуаната и со тоа сакаа Македонија да ја прават светска туристичка атракција. За среќа на граѓаните, овој обид не им успеа, а сега гледаме и која им била целта – рече Петрушевски.

Според него, дека ова било планирано од Заев и Филипче се гледа во подзаконскиот акт, односно Правилникот за одгледување на канабис за медицински цели.

– Овој Правилник, донесен во времето на власт на СДСМ, е во колизија со законот, затоа што се дозволува да се произведува цвет од канабис кој не ги задоволува ГМП-нормите. Со ова, логично е дека со неговото користење или во процесот на екстракција, маслото кое се произведува не може да биде лиценцирано, а најмалку да се најде во промет.

Ги прашуваме Заев и Филипче кој бил мотивот за ова?

Зошто е направен подзаконски акт кој е во колизија со законот и со самото тоа овој процес е незаконски?

Дали на Заев и Филипче целта им била продавање на канабис на црниот пазар?

Затоа ли Заев и Филипче овие денови се толку испаничени?

Затоа ли Заев излезе да го брани неодбранливото, додека во тоа време Филипче се упати кон Грција да се види со него?

И дали Заев и Филипче стојат позади промената на Правилникот.

Сите сомнежи и индиции за криминалот со дрогата водат кон Заев и Филипче. Јавното обвинителство ова да го истражи до крај, еднаш правда и одговорност за ова криминално дуо, мора да има – рече Петрушевски.

The post ЛЕГАЛНИОТ КАНАБИС Е ВСУШНОСТ НЕЛЕГАЛЕН Петрушевски тврди дека Правилникот за негово одгледување е противзаконски appeared first on plusinfo.mk.

Зекирја Таири од ВЛЕН од изборната единица 1 е наредниот кандидат за пратеник во Собранието на местото на Беким Сали, кој вчера беше избран за министер за евроинтеграции. Државната изборна комисија (ДИК) на денешната 164-та седница го разгледа дописот од претседателот на Собранието, Африм Гаши дека согласно Уставот и изборниот законик на доскорешниот пратеник Сали му завршува мандатот и Собранието треба да го верифицира мандатот на наредниот пратеник од листата на ВЛЕН.

– Врз основ на овој допис од страна на претседателот на Собранието Африм Гаши, Државната изборна комисија согласно одредбите од изборниот закон ги спроведе дејствијата во својата надлежност за верификација на мандат на нареден пратеник од истата листа на кандидати и за таа цел ДИК по повод спроведената законска постапка изготви предлог извештај – рече претседателот на ДИК Борис Кондарко.

Согласно Уставот и законските прописи е утврдено дека на Беким Сали му е престанат мандатот вчера и на негово место треба да биде наредниот пратеник од коалицијата Вреди, Зекирја Таири од изборната единица 1, и оти ДИК за тоа треба да го информира. ДИК го разгледа известувањето за престанокот на мандатот на Сали и со допис го известува наредниот кандидат Зекирја Таири од овластениот подносител, коалиција Вреди.

– И согласно законскиот рок со посебно известување до архивот на ДИК, кандидатот Зекирја Таири од листата на кандидати за Собранието во изборна единица 1 од овластен подносител коалиција Вреди во законскиот рок потврди и ја извести Државната изборна комисија дека го прифаќа мандатот за пратеник во Собранието за остатокот од мандатот – рече Кондарко.

ДИК го издава уверението кое Таири го прифатил и ќе го достави до Собранието кое ќе ја продолжи постапката за верификација на мандатот.

Претседателот на ДИК, потсети дека редовно течат подготовките на одржување на повторените локални избори за 11 јануари, идната година во општините Гостивар, Врапчиште, Центар Жупа и Маврово Ростуше.

The post НОВ ПРАТЕНИК ВО РЕДОВИТЕ НА ВРЕДИ Зекирја Таири на местото на Сали, новиот министер за евроинтеграции appeared first on plusinfo.mk.

Данскиот министер за надворешни работи, Ларс Локе Расмусен, денеска изјави дека неговата земја инсистира сите, вклучително и САД, да го почитуваат „територијалниот интегритет на Кралството Данска“.

Изјавата на Расмусен е одговор на тоа што американскиот претседател Доналд Трамп го објави именувањето на гувернерот на Луизијана, Џеф Лендри, за специјален пратеник на САД за Гренланд.

Расмусен во кратката изјава објавена од неговото министерство рече дека „именувањето го потврдува континуираниот американски интерес за Гренланд“.

– Сепак, инсистираме дека сите, вклучително и САД, мора да покажат почитување кон територијалниот интегритет на Кралството Данска, рече Расмусен.

Претходно овој месец, Данската одбранбена разузнавачка служба во годишниот извештај соопшти дека САД ја користат својата економска моќ за да ја „наметнат својата волја“.

Трамп денеска во објава на платформата „Трут Соушл“ (Truth Social) соопшти дека го именувал гувернерот на Луизијана, Џеф Лендри, за специјален пратеник на Соединетите Држави за Гренланд.

Лендри на платформата Х напиша дека му е „чест да служи на оваа волонтерска позиција за Гренланд да стане дел од САД“.

The post НА ТРАМП НЕ МУ ПОМИНУВА МЕРАКОТ ЗА ГРЕНЛАНД Именуваше специјален пратеник за данскиот остров appeared first on plusinfo.mk.

Обвинителството во хрватскиот град Вараждин подигне обвинение против две лица, татко и син, под сомнение дека организирале производство на над 1,3 милиони лажни ковид тестови во Турција и ги продавале ширум Европа, при што оствариле нелегална финансиска добивка од околу 450.000 евра.

Обвинителството наведе дека е подигнато обвинение против 26-годишен и 66-годишен маж поради фалсификување лекови или медицински производи и перење пари.

Обвинителството не ги објави имињата на осомничените, но според хрватските медиуми, станува збор за син и татко, Филип и Анѓелко Михалиќ. Таткото е поранешен пратеник од владејачката Хрватска демократска заедница (ХДЗ).

Според обвинението тие од 26 август 2022 до 25 мај 2023 година организирале производство на лажни ковид тестови. Во фабрика во Истанбул биле произведени 1,3 милиони лажни тестови кои биле прикажани како оригинални и биле увезени во Хрватска преку нивна фирма, а потоа биле продавани во Хрватска, Грција, Романија, Австрија., Шпанија и Германија.

The post ПРОИЗВЕДУВАЛЕ ЛАЖНИ КОВИД ТЕСТОВИ, „ЗГРНАЛЕ“ 450.000 ЕВРА Поранешен хрватски пратеник и негов син уапсени за криминал appeared first on plusinfo.mk.

За реконструкција на студентските домови Владата има обезбедено 30 милиони евра и таа ќе се одвива во три фази, така што до крајот на мандатот сите домови ќе целосно реконструирани, рече пратеникот на ВМРО-ДПМНЕ Бојан Стојаноски на денешната собраниска седница на Комисијата за финансирање и буџет.

Тој се осврна на амандман на Левица за студентските домови, како и на коментари на претставници на Левица на социјалните мрежи за состојбата со студентското сместување.

– Двата дома, коишто сте ги напишале на ваков амандман и тоа што го барате апсолутно се реконструираат. До сега Владата има обезбедено 30 милиони евра за реконструкција на студентски домови. Заради добрата работа во реконструкцијата доби грант од 5 милиони евра од германската банка за развој, а во три фази ќе се реконструираат сите студентски домови. Секоја фаза чини по 17 милиони евра и до крајот на мандатот сите студентски домови ќе бидат реконструирани. Понатаму, во Штип, затоа што тука е напишан и градот Штип, ќе се гради нов медицински факултет и паралелно со тоа ќе се изгради и комплетно нов студентски дом – рече Стојаноски.

Тој рече така реагираат и така реализираат сериозни политичари кои ги решаваат проблемите на граѓаните, а не како пратениците на Левица, кои како единствена работна активност го сфаќаат коментирањето по социјалните медиуми како Фејсбук и Инстаграм.

The post ЗА СТУДЕНТСКИТЕ ДОМОВИ СЕ ОБЕЗБЕДЕНИ 30 МИЛИОНИ ЕВРА ОД БУЏЕТОТ До крајот на мандатот на оваа влада сите ќе бидат реконструирани appeared first on plusinfo.mk.

Пратеникот на Демократскиот сојуз на Косово Арменд Земај истепа случаен минувач на плоштадот во Приштина.

Настанот се случил додека Земај давал изјава на плоштадот, кога граѓанин на поминување му дофрлил „лажго“ и „сите лажете“. Пратеникот возвратил, а вербалната расправија набрзо преминала во размена на тупаници, во која минувачот го извлекол подебелиот крај.

Косовската полиција потврди дека инцидентот навистина се случил, а јавноста бурно реагираше откако видеото беше објавено на мрежата „Х“.

Демократскиот сојуз на Косово веднаш го осуди нападот, опишувајќи го како „директно прекршување на институционалното достоинство и демократската култура“.

По инцидентот, пратеникот Земај се огласи на својот Фејсбук-профил, изразувајќи жалење и извинување за случката, додавајќи дека реагирал во самоодбрана.

„Денес, за време на јавно интервју, се случи непријатна ситуација поради која искрено жалам. Еден граѓанин, не знам дали случајно или намерно, ме навреди и вербално ме провоцираше со неприфатливи зборови, пред медиумите и новинарот кој го спроведуваше интервјуто. Во тој момент реагирав во самоодбрана, во емоционална состојба, што не ги претставува моите лични убедувања ниту принципите што ги застапувам како пратеник и како член на ДСК. Во вакви случаи, без разлика на провокацијата, насилството во било каква форма не е вистинскиот одговор. За овој чин изразувам жалење и јавно се извинувам“, напиша Земај.

Opposition MP Armend Zemaj (LDK) beat up a Vetevendosje supporter from the diaspora who called him a liar during a live interview. pic.twitter.com/AjQpTwe3py

— kos_data (@kos_data) October 25, 2025

The post 🎥 МУ ДОФРЛИ „СИТЕ ЛАЖЕТЕ“ И ДОБИ ТУПАНИЦИ Пратеник истепа минувач на плоштад во Приштина appeared first on plusinfo.mk.

Поранешниот градоначалник на Кавадарци и пратеник во македонското Собрание, Панчо Минов починал денеска, на 67-годишна возраст.

Минов во два мандатa беше градоначалник на општина Кавадарци од 2000 до 2009 година.

Во Собранието беше пратеник во два навратa, прво од 1990 до 1998 година, а втор пат од 2016 до 2024 година. Беше пратеник на Либерална партија, на ГРОМ и на СДСМ.

Во своето политичко делување Минов покажуваше особен интерес во борбата за потребите на земјоделците, особено за лозарите од Тиквешкиот регион.

На социјалните мрежи од него се простуваат пријатели, политичари и јавни личности.

The post ПОЧИНА ПАНЧО МИНОВ Два пати беше градоначалник на Кавадарци и пратеник во 4 мандата appeared first on plusinfo.mk.

Еден од водечките британски конзервативни политичари, Дени Кругер, денеска стана првиот пратеник од минатогодишните избори што ја напушти главната опозициска централно-десничарска партија и преминха во антиимиграциската партија „Реформа на Велика Британија“, која сега води во анкетите како најпопуларна партија во земјата.

Кругер денеска на прес-конференцијата со лидерот на „Реформа на Велика Британија“ ( Reform UK), Најџел Фараж, рече дека е болно да се напуштат пријателите, но: „Ова е мојот трагичен заклучок: Конзервативната партија е готова, готова како национална партија, готова како главна опозиција“.

Иако партијата на Фараж доби нов член, „Реформа на Велика Британија“ сè уште има само пет места во британскиот Парламент, а анкетите покажуваат дека партијата се искачи на првото место, бидејќи Лабуристичката партија на премиерот Кир Стармер ја изгуби поддршката само една година по доаѓањето на власт.

Кругер, поранешен помошник на премиерите Борис Џонсон и Дејвид Камерон, беше портпарол за социјална помош на владата во сенка. Владата во сенка во Велика Британија е комитет од високи функционери на официјалната опозиција што ја преиспитува работата на сегашната влада.

Конзервативците, познати и како Ториевци, се најстарата и најуспешна политичка партија во Велика Британија, кои се на власт со векови, вклучувајќи 32 од последните 46 години. Тие претрпеа тежок пораз на минатогодишните национални избори и оттогаш опаѓаат во популарноста на анкетите, додека популарноста на Лабуристичката партија на Стармер драстично опадна по политичките грешки и слабиот економски раст.

Најмалку десетина истакнати конзервативци се приклучија на партијата на Фараж, иако Кругер е првиот што го стори тоа како пратеник од минатогодишните избори.

Фараж, познат како револуционерен политички фактор кој стана меѓународно признат од кампањата за Брегзит, најверојатно ќе има најголема корист од падот на поддршката за владата на Стармер. Лидерката на конзервативците, Кеми Баденох, рече дека нема да се исплаши од пребегнувањата.

– Знам дека вакви работи се случуваат кога партијата поминува низ промени – изјави таа за Скај њуз.

The post „ТОРИЕВЦИТЕ СЕ ГОТОВИ“ Британскиот конзервативен пратеник Дени Кругер премина во партијата на Фараж appeared first on plusinfo.mk.