– Лажни и неточни се информациите за сумата која наводно била платена за вакцини, а документите кои се пласираат по нивните портали се целосен фалсификат. Институциите си започнаа постапки со кои ќе се докаже дека немално ништо спорно, ниту е направена било каква финансиска штета. Но, она што ќе остане е штетата која ја напрви ВМРО-ДПМНЕ во овој процес и сите блокади и деструкции од почеток на пандемијата. Но, јас веќе нема да молчам веќе. Утре до граѓанскиот суд ќе поднесам тужба за навреда и клевета и нарушување на мојата чест и углед против Миле Лефков, пратеник од ВМРО-ДПМНЕ кој денес на прес конференција изнесе низа лаги во однос на цените и набавката на вакцините. Уште еднаш сакам да порачам, престанете безочно да ги лажете граѓаните со фалсификати и измислици, тоа не ви носи политички поени а сериозно може да ја искомпромитира набавката на вакцините – реагира министерот Филипче на Фејсбук.

The post Филипче ќе го тужи Лефков, пратеникот на ВМРО-ДПМНЕ: Престанете безочно да ги лажете граѓаните! appeared first on plusinfo.mk.

„Поради нивната незаинтересираност, негрижа и неспособност да се справат и да помогнат на граѓаните во овие тешки времиња, ние како пратеничка група поднесовме точно 397 амандмани кои се однесуваат токму на најголемите проблеми и предизвици со кои се соочува Република Македонија во изминатиов период. Имено, поднесовме амандмани кои се однесуваат на здравствената криза предизвикана од ковид- 19 за која сме рекордери во црните статистики и негативен пример, како во Европа, така и пошироко. Поднесовме амандмани за бесплатни ПЦР тестови за сите граѓани, како и дополнителни мерки и помош за здравствените работници, но и за градежни зафати за изградба на нови и реновирање на веќе постоечки инфективни одделенија ширум болниците во Република Македонија – рече пратеникот Стојаноски. 

ВМРО-ДПМНЕ  поднесе амандмани за обезбедување на средства за помош на другите сектори кои се погодени од оваа криза. Бараат да се обезбедат средства за набавка на компјутери за сите ученици од основното и средното образобание кои не можат да ја следат наставата, како и компјутери за сите наставници и професори во основните и средните училишта.

– За овој реален проблем со кој се соочуваат и родителите и децата, но и професорите, власта едноставно како знае и умее, мора да обезбеди средства.   

Поднесовме амандмани кои се однесуваат на заштитата на животната средина односно амандмани кои што мислиме дека доколку се прифатат ќе дадат голем резултат во решавањето на најгорливиот и повеќедеценискиот проблем во зимските денови односно за намалување на загадувањето на воздухот во Македонија. И во врска со ова прашање, владата на Заев покажа дека не води грижа за здравјето и потребите на граѓаните. 

Од друга страна, и покрај овие моментално најголеми и најактуелни проблеми со кои се соочуваме сите граѓани во Република Македонија, ние како пратеници на ВМРО-ДПМНЕ, исто така поднесовме голем број на амандани кои се поврзани и се однесуваат на локалните проблеми и барања на граѓаните односно проблеми со кои граѓаните секојдневно се соочуваат. Тука спаѓаат водоводни и канализациони мрежи, локални и регионални патишта, нови градинки, старечки домови и други проекти кои им се неопходни на граѓаните во секојдневното живеење – вели Стојаноски.

Тој испрати апел до пратениците од владеачкото мнозинство да ги прифатат амандманите.

– Тие се решение на проблемите со кои се соочуваат граѓаните и Република Македонија и тие претставуваат коректор на овој предлог буџет кој е лош за граѓаните, за фирмите, за странските инвеститори, за здравствените работници, за образованието, за земјоделците, за пензионерите и за младите, едноставно овој предлог буџет е лош за сите граѓани на Република Македонија – порача Стојаноски. 

The post ВМРО ДПМНЕ предлага 397 амандмани на буџетот во битката со ковид-19 appeared first on plusinfo.mk.