Ковачевски рече дека вчера е потпишан коалициски договор со, како што кажа, сите стожерни партии со кои СДСМ соработува, посочувајќи дека се разговара и со некои други организации со кои би потпишале меморандуми за соработка на изборите.

– Пратеничките листи се креирани. Тие се одобрени на конгресот на СДСМ. Знам дека и најголемиот дел од коалициските партнери веќе ги одобрија на своите партиски тела. Има уште некои организации со коишто разговараме за потпишување на меморандуми за соработка или за декларации и кои се базираат исклучиво на вредности, а тоа е интеграција на Северна Македонија во Европската Унија, зацврстување на улогата на Северна Македонија како значаен член во НАТО и секако унапредување на владеењето на правото и борбата против корупцијата и унапредување на економскиот развој – рече Ковачевски.

Тоа, рече тој, се основите врз основа на кои се разговара за соработка.

Ковачевски тврди дека немало несогласувања за пратеничките листи во СДСМ, туку дека тие биле едногласно потврдени на највисоките тела на партијата, како и дека добиле 99,98% поддршка на Конгресот на партијата.

– Сето тоа потврдува дека не постои никакво незадоволство. Имаше извештај во медиумите, кој беше креиран во еден центар бидејќи ако погледнете во кои медиуми беа лиферувани тогаш ви станува јасно дека се од еден центар. Беа веднаш демантирани од страна на тие мои партиски другари кои беа споменати – рече Ковачевски.

Сите, додаде тој, работиме заедно за победа на изборите.

За изјавата на претседателот на Достоинство и директор на ЦУК Стојанче Ангелов рече дека тој му има кажано и напишано дека без разлика дали ќе ја напушти коалицијата Ковачевски како претседател на Влада нема да предложи негово разрешување.

– И јас на тоа опстојав. И тоа може тој да го потврди. Мислам дека тоа јавно го потврди. Јас сум имал коректен однос со сите коалициски партнери. Сите тие учествуваа во враќањето на демократијата во државата, учествуваа во враќањето на слободата на медиумите. Немојте да заборавите дека пред 7 години Македонија беше заробена држава. Заедно се боревме во пандемијата, во енергетската криза, и заедно обезбедивме членство во НАТО и отпочнување на прегвори со ЕУ – рече Ковачевски.

Мотивите зошто некој напушта коалиција, вели тој, често пати се од различни причини. Смета дека тоа не се идеолошки, туку други причини, но не би навлегувал во тоа.

Одговарајќи на новинарски прашања во врска со најавите на ВМРО-ДПМНЕ во програмата за парламент со 90 пратеници и реорганизација на Владата, за укинување на балансерот и друго, Ковачевски вели дека сега сите политички партии ќе имаат свои понуди во однос на гласачите.

– Ако зборуваме за уставни измени, ако некој поднел иницијатива за уставни измени тогаш тоа сум јас. Веќе имаме во Собранието иницијатива за уставни измени и која е една од одлуките која треба да ја донесеме за продолжување на патот кон полноправно зачленување во ЕУ – рече Ковачевски.

ВМРО-ДПМНЕ, посочува тој, беа против тоа, како што беа и против членство во НАТО и против ЕУ.

– Не презентираа план за клучното прашање за државата, а тоа е за зачленување во Европската Унија меѓутоа зборуваат за различни реорганизации. Ние можеме да разговараме за сите прашања, бидејќи Парламентот е за разговори за сите прашања. И ќе следуваат такви прашања – вели Ковачевски потсетувајќи дека има повеќе закони за коишто ќе треба двотретинско гласање.

Според него, сега нема бегање од клучната тема, а тоа е зачленувањето во ЕУ.

– Клучната одлука е продолжување на европските интеграции и зачленување на земјата во ЕУ – рече Ковачевски додавајќи дека СДСМ нема да се откаже од иднината.

За балансерот рече дека во последно време почнал да се злоупотребува и од таа причина треба да се воведат закони и механизми односно решение.

The post 🎥 ПРАТЕНИЧКИТЕ ЛИСТИ НА СДСМ ДОБИЈА 99,98% ПОДДРШКА Не постои никакво незадоволство во коалицијата, тврди Ковачевски appeared first on plusinfo.mk.

Неофицијално, Ковачевски го прифатил барањето на незадоволниот портпарол на СДСМ, Каевски и на неговото место број 7 во ИЕ1 ќе биде Горан Трајковски, сегашен директор на пазарниот инспекторат.

Според ТВ 24 денешните седници на Централениот и на Извршниот одбор на СДСМ на кои се разгледуваа предложените листи по изборни единици од страна на претседателот на партијата Димитар Ковачевски, се одвивале во тензична атмосфера со бројни реакции од незадоволните членови.

Претходно Клан ТВ објави дека Дарко Каевски и Оливер Спасовски, ја напуштиле седницата на којашто се разговарало за пратеничките листи на СДСМ за изборите на 8 мај, но набрзо потоа Каевски на социјалните мрежи објави дека бил присутен на седницата.

По информацијата дека и потпретседателот на СДСМ, Стефан Богоев ја напуштил седницата на Централениот и на Извршниот одбор на СДСМ, Богоев потврди дека бил присутен и нагласи дека гласал за листите иако не бил на нив.

The post 📷 НЕЗАДОВОЛЕН ОД СЕДМАТА ПОЗИЦИЈА Каевски побарал да биде тргнат од пратеничката листа на СДСМ appeared first on plusinfo.mk.

Ковачевски е носител на листата на СДСМ и коалицијата во Првата изборна единица во која ко-носителка е претседателката на ЛДП, Моника Зајкова.

Во Втората изборна единица прв на листата ќе биде поранешниот министер за внатрешни работи, Оливер Спасовски и ко-носител Фатмир Битиќи.

Потпретседателката на СДСМ, Сања Лукаревска ќе ја предводи пратеничката листа во „тројката“, а ко-носител е министерот за земјоделие Љупчо Николовски,

Во „четворката“ листата ја предводи поранешниот министер за здравство Венко Филипче заедно со министерката за труд и социјала Јованка Тренчевска.

Претседателот на Собранието Јован Митрески и министерката за култура Бисера Костадиновска-Стојчевска ќе ја предводат листата на СДСМ и коалицијата во „петката“.

Во Шестата изборна единица листата на СДСМ ќе ја ја предводи Славјанка Петровска, а зад неа е Агрон Демири.

Во обраќањето пред делегатите, Ковачевски истакна дека СДСМ е партија која секогаш е отворена пред граѓаните и не се срами да признае дека тие во изминатите седум години правеле и грешки.

– Знам дека во нашата држава сè уште има граѓани чие секојдневие е тешко, кои живеат во сиромаштија. Знам дека има граѓани кои се заглавени во лавиринтите на правниот систем. Знам дека има многу простор за подобрување на состојбите во здравството и во образованието. Сето тоа го знам!  Но, знам и нешто друго. Во изминатите седум години донесовме и многу храбри и државнички одлуки – рече лидерот на СДСМ и поранешен премиер, Димитар Ковачевски.

Тој во обраќањето ги повика граѓаните на претстојните избори да ги поддржат СДСМ и кандидатот за претседател Стево Пендаровски.

The post КОВАЧЕВСКИ ВО „ЕДИНИЦА“, СПАСОВСКИ ВО „ДВОЈКА“ Објавени носителите на пратеничките листи на СДСМ appeared first on plusinfo.mk.

„Ова не е точно воопшто! Јас сум бил во СДСМ против режимот на ДПМНЕ кога беше најтешко, тука сум и сега, ќе останам и во иднина!“ – вели Богоев во објавата на Фејсбук.

Претходно во медиумите се појави вест дека седницата на Извршниот одбор на СДСМ ја напуштиле и Оливер Спасовски и Дарко Каевски, незадоволни од предлог листите на партијата за претстојните избори. Каевски потоа демантираше дека ја напуштил седницата, а Спасовски сè уште не се огласил ни со потврда, ни со демант.

The post БОГОЕВ НЕ ЈА НАПУШТИЛ СЕДНИЦАТА НА СДСМ „Гласав за листите иако не сум на нив“ appeared first on plusinfo.mk.

Претходно седницата ја напуштиле и поранешниот премиер и министер за внатрешни работи, Оливер Спасовски како и портпаролот и актуелниот пратеник Дарко Каевски. Нешто подоцна Кавески во објава на Фејсбук демантираше дека тој ја напуштил седницата поради незадоволство.

Претходно Клан ТВ објави дека атмосферата на седницата на Извршниот одбор е многу тензична и има огромно незадоволство во рамките на СДСМ поради, како што велат, самоволието на претседателот на СДСМ, Димитар Ковачевски, и наметнувањето на листи на кои што нема голем дел од најистакните членови на СДСМ.

The post ТЕНЗИИ И РАСКОЛ ВО СДСМ По Спасовски и Каевски, и Стефан Богоев ја напуштил седницата на Извршниот одбор appeared first on plusinfo.mk.

– Наjмлаку зависи од нас дали изборната кампања ќе биде фер зашто сме опозиција, но убеден сум дека ќе имаме огромна поддршка од народот – рече Николоски.

За случувањата во Алијанса за Албанците, Николоски рече дека има голема разединетост во власта, и како што истакна, според него, време е ДУИ да оди во опозиција.

– Власта со години се обидуваше да направи раздор во ВМРО-ДПМНЕ, тоа не успеа. Но, наместо еден обединет фронт каков што беше најавуван, европски или не знам каков, сега ќе имаме, очигледно, најразединет возможен фронт на власта. Време е ДУИ да оди во опозиција, се создава силен отпор кон ДУИ во политичките партии на Албанците во Македонија – изјави Николоски.

На новинарско прашање дали ВМРО-ДПМНЕ разговарала за идно коалицирање со албанските партии, Николоски изјави дека размислувале, но сè уште не разговарале.

За пратенички листи и изборни единици, Николоски рече дека за листите ќе се знае кон крајот на март и почетокот на април, а за носителите веројатно нешто порано.

The post ПРАТЕНИЧКИТЕ ЛИСТИ НА ВМРО-ДПМНЕ ЌЕ БИДАТ ПОЗНАТИ ДО КРАЈОТ НА МАРТ Сè уште не сме разговарале за предизборно коалицирање, вели Александар Николовски appeared first on plusinfo.mk.