Дипломатскиот демарш испратен минатата недела исто така прашува кои земји би можеле да придонесат за гаранциите, кои би биле спремни да распоредат војници во Украина како дел од мировниот договор и какви воени капацитети би можеле да распоредат во Украина, предводена од Европската унија.

Американскиот претседател Доналд Трамп ги шокираше европските сојузници оваа недела со тоа што го покани рускиот претседател Владимир Путин, без да се консултира со нив или со Киев, и прогласи итен почеток на мировните преговори.

Целосниот текст што го доби Ројтерс покажува дека САД исто така прашуваат што сакаат од Вашингтон за возврат.

„Овој потег ќе биде поздравен од многу европски влади, кои јасно ставија до знаење дека можат да обезбедат безбедносни гаранции само со поддршка од САД“, се вели во текстот.

Двајца европски дипломати рекоа дека сè уште има дебата за тоа како ќе реагираат европските влади, но некои веруваат дека тоа треба да биде колективен одговор.

Францускиот претседател Емануел Макрон ги повика европските лидери на состанок во понеделник во Париз каде ќе се дискутираат стратешките прашања поврзани со војната во Украина.

„Ако воените трупи од трета земја треба да бидат распоредени во Украина како дел од мировниот договор, колкав број на такви војници би биле потребни под европско раководство? Како и каде ќе бидат распоредени овие сили и колку долго?“, се вели во прашалникот.

Земјите, исто така, се прашани какви дејствија САД, сојузниците и партнерите мора да бидат подготвени да преземат доколку Русија ги нападне овие сили.

„Кои дополнителни способности, опрема е подготвена да ѝ ги обезбеди вашата влада на Украина за да ја подобри својата преговарачка позиција и да го зголеми притисокот врз Русија?“

Финскиот претседател Александар Стуб потврди дека САД ги доставиле документот.

– Американците им дадоа на Европејците прашалник за тоа што би било изводливо. Ова ќе ги принуди да одлучат дали да одговорат колективно или индивидуално – рече Стуб на прес-конференцијата на конференцијата за безбедност во Минхен, пренесе Еуроњуз.

Американскиот прашалник, објасни тој, треба да се гледа како „добра вест“, бидејќи сугерира дека сојузниците имаат време да се подготват. Тој оцени дека ЕУ не треба да се грижи за тоа кој ќе биде на преговарачката маса и дека треба да се фокусира на обезбедување на Украина со „одржливи безбедносни аранжмани“.

– Мислам дека суштината е многу јасна на преговарачката маса, ако има маса, тоа ќе бидат Украина, Русија, САД и Европа во една или друга форма – рече тој.

The post САД Ѝ ИСПРАТИЛЕ 6 ПРАШАЊА НА ЕУ ПОВРЗАНИ СО УКРАИНА Дали сте спремни и што ќе дадете за одбраната на Киев? appeared first on plusinfo.mk.

Во рамките на упатствата за превенција и спречување на ширењето на новиот коронавирус, Министерството за поморство и островска политика на Грција, воведе специјални прашалници кои патниците, пополнети треба да ги достават при влегувањето во бродот или траектот, јави дописничката на МИА од Атина.

Прашањата се однесуваат на изминатите 14 дена, а патниците ќе треба да одговорат дали имаат/имале ненадејни симптоми со температура, кашлање или отежнато дишење; дали имале близок контакт со лице заразено со ковид-19; дали се грижеле за лице заразено со ковид-19, дали посетиле или биле на мало растојание со лице заразено со новиот коронавирус; дали патувале (со било кое превозно средство) заедно со лице заразено со ковид-19; дали живееле во ист дом со заразен и дали работеле на мало растојание или биле во иста средина со лице заразено со ковид-19.

Во прашалникот се заведуваат и личните податоци, а во случај , врз основа на одговорите, да се констатира дека патникот има симптоми или на било каков начин во изминатите две седмици бил во контакт со заразено лице со ковид-19, тогаш нема да му биде дозволено да се качи на брод.

Бродската компанија, два месеци ќе ги чува прашалниците, согласно предвидените одредби од законот за заштита на лични податоци.

Паралелно, прашалници треба да пополнат и оние кои патуваат со брод на релација Грција –Италија, како и членовите на екипажот.

Прашалниците на англиски и на грчки јазик се достапни во туристичките агенции, во бродските компании како и на сајтот на Министерството за поморство и островска политика на Грција.

Од понеделникот, до 15 јуни во сила се посебни превентивни мерки за бродовите во Грција. Засега дозволено е само патување на островот Крит, а од понеделник се очекува да се укине забраната за патување на сите острови.

The post Ако патувате со брод во Грција треба да пополните прашалник за ковид-19 appeared first on plusinfo.mk.

По околу шест недели, стоматолошките ординации ги отворија вратите за пациентите, но со препораки за строго почитување на мерките за заштита од ширење на ковид-19. Дел од стоматолозите реагираа дека на првиот работен ден не им биле обезбедени сите неопходни заштитни средства, дека требало да избираат меѓу маска и визир…

Стоматолошката комора на својата веб страна го објави соопштението од Фондот за здравство во кое се наложува да се почитуваат протоколите и упатствата за работа во стоматолошките ординации.

„Здравствени услуги од специјалистичко–консултативна стоматолошка здравствена
заштита и општа стоматологија.

По препорака на Комисијата за заразни болести, од 13.05.2020 година сите
стоматолошки ординации во Република Северна Македонија започнуваат со работа. Со
тоа стоматолошките услуги на осигурените лица ќе ги пружаат избраните лекари
стоматолози и лекарите специјалисти од дејноста орална хирургија, ортодонција и
протетика.

Притоа сите стоматолошки здравствени установи кои се во мрежата, се ставаат во
рестриктивен режим на работење, со што се должни да се придржуваат кон
протоколите и упатствата за работа во услови на сеуште постоечка закана од инфекција
со COVID 19, изготвени од страна на Стоматолошка комора на Северна Македонија.“

Протоколите наложуваат дензифициенс на влезот од ординацијата, како и во чекалната каде е дозволено да седат само двајца пациенти кои пред да седнат на „жешкото“ стоматолошко столче, ќе треба таму да ги остават сите предмети  коишто не можат да се дезинфицираат.

The post Прво мерење температура и прашалник, па вадење заб appeared first on plusinfo.mk.