Во време на брзи трансформации во енергетскиот сектор, ЕДС ја зајакнува својата стратешка улога како дел од PPC Групацијата, водечка енергетска компанија во Југоисточна Европа.

Со неодамнешното именување на Александар Сарџовски за главен извршен директор, ЕДС не само што го засилува своето оперативно работење, туку и ја потврдува својата посветеност на иновации, одржливост и пазарно ориентиран развој.

PPC Групацијата, која покрај во земјава оперира во Грција, Романија, a има присуство и во Бугарија и Романија, е енергетски гигант со инсталиран капацитет од 12,3 GW и годишно производство на електрична енергија од приближно 21 TWh. Со повеќе од 8,8 милиони потрошувачи и регулирана актива вредна 4,9 милијарди евра, регионалното присуство на PPC ѝ обезбедува на ЕДС стабилна основа за раст и трансформација.

– Фактот што сме дел од PPC ни обезбедува стабилност, сигурност во снабдувањето и пристап до експертиза и технологии што ги унапредуваат нашите услуги. Благодарение на тоа, на нашите клиенти можеме да им понудиме најквалитетни решенија со оптимална цена и енергетска ефикасност – изјави Сарџовски.

ЕДС подготви ново портфолио на пакети за снабдување со електрична енергија, прилагодени на потребите на различни бизнис-сегменти, особено на малите и средни претпријатија. Новите понуди имаат за цел да обезбедат флексибилни, сигурни и одржливи решенија, кои ќе им помогнат на клиентите подобро да го управуваат своето трошење и да ги намалат трошоците.

Во време кога пазарот сè повеќе се насочува кон енергетски решенија кои почисти, поинтелигентни и ориентирани кон корисниците, ЕДС, со поддршка од PPC, е подготвена да придонесе кон модернизација на енергетскиот сектор во регионот.

The post ЕДС КАКО ДЕЛ ОД PPC ГРУПАЦИЈАТА, ЕНЕРГЕТСКИ ЛИДЕР ВО ЈУГОИСТОЧНА ЕВРОПА Обезбедена стабилна основа за раст и трансформација appeared first on plusinfo.mk.