Пожарот што вчера изби над Штип е изгаснат по интервенција на пожарникарите и доброволците, соопштија од Центарот за управување со кризи.

Брзата интервенција на пожарникарите од Територијалната Противпожарна единица и на доброволците пожарникари од Доброволното Противпожарно друштво-Штип ја запре огнената стихија, која се доближуваше до првите куќи во штипската населба Кадидаре.

Во гаснењето учествувале екипи на Територијалната противпожарна единица (ТППЕ) Штип со 20 пожарникари и четири противпожарни возила, Доброволното противпожарно друштво (ДПД) Штип со 10 лица и четири возила, како и екипи од Кочани со две возила и шестмина пожарникари и од Свети Николе со една екипа.

Градоначалникот на Штип, Иван Јорданов, вчера на вонредна прес-конференција изјави дека огнот се ширел на непристапен терен, а граѓаните од повисоките зони можеле да ги видат огнените јазици над градот.

– Заради силниот ветер и непристапниот терен зафати одредени ридови, кои што се веднаш до неколку населби во Штип. Веднаш екипите на ТППЕ заедно со членовите на Доброволното Противпожарно друштво излегоа на терен со целокупаната логистика, ресурси, механизација на Јавните претпријатија за да го локализираат овој пожар, кој заради непристаноста на теренот се шири –

вели Јорданов.

Пожарот избувна вчера попладне откако гром запалил сува трева и грмушки, по што поради силниот ветер брзо се ширеше кон ридовите Клисебаир и Кумлак и се доближи до првите куќи во населбата Кадидаре.

Тој нагласи дека нема простор за паника, бидејќи сите институции биле мобилизирани, додавајќи дека нема повредени лица и не биле загрозени станбени објекти.

ПЛАНОТ Е ДА СЕ НАПРАВИ ПОЈАС ОКОЛУ ПОЖАРОТ, ЗАВИСИ КАКО ВЕТРОТ ЌЕ ДУВА НОЌВА Градоначалникот на Штип побарал помош од Свети Николе, Кочани и од Кавадарци

The post ИЗГАСНАТ ПОЖАРОТ КОЈ БЕСНЕЕШЕ НАД ШТИП Брзата реакција на екипите спречи проширување до првите куќи appeared first on plusinfo.mk.

Градоначалникот на општина Штип Иван Јорданов на вечерашната вонредна прес-конференција изјави дека нема простор за паника и дека се користат сите сили на противпожарната бригада за гаснење на пожарот кој изби на градот кај Плуждино.

Дополнително информираше дека побарал помош и од Свети Николе, Кочани и Кавадарци, а во контакт бил и со Дирекцијата за заштита и спасување и Центарот за управување со кризи.

Според планот на надлежните ќе се направи појаас за пожарот да не се шири. Ситуацијата зависи како ќе се одвива во ноќта во зависност од ветрот кој порано денеска направи вистински хаос и го предизвика овој пожар.

Според првичните информации пожарот најверојатно е предизвикан од гром. Телевизијата М Нет сподели снимка од гаснењето.

The post 📽️ ПЛАНОТ Е ДА СЕ НАПРАВИ ПОЈАС ОКОЛУ ПОЖАРОТ, ЗАВИСИ КАКО ВЕТРОТ ЌЕ ДУВА НОЌВА Градоначалникот на Штип побарал помош од Свети Николе, Кочани и од Кавадарци appeared first on plusinfo.mk.

Пожарникарите од Штип попладнево интервенираат на пожар што избувна во месноста Плуждино, на патот кон градските гробишта, пренесе Скопје1 повикувајќи се на информации од Центарот за управување со кризи.

„Пожарникарите во моментов работат на локализирање на пожарот, спречување на неговото понатамошно ширење и заштита на објектите во близина кои би можеле да бидат загрозени“.

Огнот зафатил сува трева на поголема површина, а според првичните информации најверојатна причина е удар од гром.

„Поради засилениот ветер, огнот брзо се проширил на поголема површина, поради што на терен интервенираат екипи на Територијалната противпожарна единица Штип“, информира ЦУК.

The post ПОЖАРНИКАРИТЕ ВОДАТ БИТКА СО ОГНОТ НАД ШТИП Поради ветрот, пламенот брзо се проширил на сува трева appeared first on plusinfo.mk.

Голем пожар беснее над градот Штип. Зафатени се ридови со трева и грмушки. Видливи се големи огнени јазици. На терен се екипи на Територијалната противпожарна единица на Штип кои интервенираат со сите расположиви средства. Засега нема информации за повредени.

Пожарот почнал попладне од удар од гром над викенд населбите Плуждино и Новакова чешма, по што се проширил кон ридовите над градските гробишта во Штип.

Градоначалникот на општина Штип Иван Јорданов најави вонредна прес-конференција на која ќе информира за справувањето со пожарот и евентуалните ризици по населените места.

The post ГОЛЕМ ПОЖАР БЕСНЕЕ НАД ШТИП Огнот тргнал од гром, видливи се огромни огнени јазици appeared first on plusinfo.mk.

Преку усвоениот Ребаланс на Буџетот, на денешната седница на Советот на Град Скопје биле обезбедени 50 милиони денари за изградба на нова противпожарна станица за потребите на Бригадата за противпожарна заштита на Град Скопје.

Новата станица, како што информираат од прес-службата на Град Скопје, ќе биде лоцирана во Општина Аеродром, во близина на Центарот за јавно здравје, и претставува значајна инвестиција во безбедноста на граѓаните и унапредувањето на условите за работа на скопските пожарникари.

Со реализацијата на овој проект, како што се наведува во соопштението, ќе се овозможи подобра организација на противпожарните служби, побрза реакција при интервенции, поефикасно спасување човечки животи и зголемена заштита од пожари и други вонредни ситуации во урбаните и приградските подрачја на градот.

„Пожарникарите секојдневно се соочуваат со сериозни ризици во извршувањето на своите задачи и затоа заслужуваат современи услови за работа, модерна опрема и соодветна инфраструктура. Изградбата на новата станица е конкретен чекор кон целосна модернизација на Противпожарната бригада на Град Скопје и создавање систем кој ќе биде подготвен, брз и ефикасен кога тоа е најпотребно“, посочуваат од Град Скопје.

Градот Скопје изразува благодарност до сите советници кои го поддржале овој проект и придонеле за неговата реализација.

„Станува збор за инвестиција од трајно значење која директно ќе придонесе за поголема безбедност и подобар квалитет на живот на сите граѓани. Град Скопје продолжува посветено да работи на реализација на проектите кои носат конкретни резултати и придобивки за градот и неговите жители“, се вели во соопштението на Град Скопје.

The post ЌЕ СЕ ГРАДИ НОВА БАЗА ЗА СКОПСКИТЕ ПОЖАРНИКАРИ ВО АЕРОДРОМ Градот обезбеди 50 милиони денари од буџетот appeared first on plusinfo.mk.

Директорот на Дирекцијата за заштита и спасување, Стојанче Ангелов, најави дека ќе ангажира пензионирани полицајци и војници, како и лица кои на друг начин ги напуштиле полицијата и Армијата, за справување со пожарите во текот на летната сезона.

– Ќе побарам и полицајци, ова сѐ уште јавно не сум го објавил, ексклузивно го кажувам во вашата емисија. Станува збор за пензионирани полицајци или лица кои на друг начин ја напуштиле полицијата или Армијата, а кои ќе ракуваат со водните пумпи, односно со пумпите со кои се прскаат изгорените површини. За да немаме потреба од ангажирање локални пожарникари, бидејќи минатото лето на тие позиции поставувавме искусни пожарникари. Верувам дека по интензивната обука што ќе ја организираме и по учеството во помали и помалку ризични пожари, тие ќе стекнат доволно искуство за успешно да ја извршуваат оваа задача – изјави Ангелов во емисијата „За или против“ на Алфа телевизија.

Тој посочи дека освен пензионирани лица, можат да се пријават и поранешни вработени во полицијата и Армијата кои по друг основ ги напуштиле службите.

– Нека дојдат, нека помогнат на татковината и нека заработат средства кои воопшто нема да бидат за потценување – рече Ангелов.

Според него, во изминатите две години се набавени повеќе од 30 противпожарни возила и е зголемен бројот на пожарникари.

– Пожарите ќе почнат, но имаме доволно капацитети и нема потреба од паника. Ако се појават неколку пожари истовремено, државата има капацитет да испрати повеќе противпожарни единици и тие да бидат локализирани за неколку часа или денови. Проблемот настанува кога има голем број пожари во исто време. Се сеќавам на период кога имавме 66 пожари на отворен простор истовремено, а минатото лето бројката достигнуваше и до 45 или 46 пожари дневно. Околу 10 јуни секоја година започнува сезоната на сериозни пожари, иако бројот засега е мал. Откако овие лица ќе потпишат договори, секој од нив ќе задолжи конкретно возило. Така ќе имаме многу подобра организација, бидејќи секој што работи со едно возило најдобро ги познава неговите карактеристики и специфики – истакна Ангелов.

The post АНГЕЛОВ СО НОВ ПЛАН ЗА ПОЖАРИТЕ Директорот ги повика пензионираните полицајци и војници да се вклучат во битката со огнот appeared first on plusinfo.mk.

Пожарникарите интервенираа низ повеќе градови во Србија по силното невреме и поплави. Најтешко било во Врање. Таму екипите со часови испумпувале вода од поплавени објекти и површини. Невремето отави зад себе поплавени улици, паднати дрвја и пожари предизвикани од громови.

Во неколку градови громови предизвикале пожари, по што интервенирале противпожарни екипи. Дополнителен проблем создал силниот ветер.

Во Бујановац, граѓаните објавуваа снимки од делови на градот под вода.

Штети биле пријавени и врз земјоделски посеви. Невремето погодило и други делови од земјата.

 

View this post on Instagram

 

A post shared by 𝗛 𝗔 𝗜 𝗟 𝗭 | SRB |® (@hailz_srbija)

 

View this post on Instagram

 

A post shared by Bujanovačke (@bujanovackeportal)

The post 📽️ВО СРБИЈА ПАЃАА ДРВЈА, СЕ ПОТОПИЈА УЛИЦИ На некои места невремето предизвика пожари appeared first on plusinfo.mk.

Екипите на ЈП „Чистота и зеленило“ со механизација се обидуваат да го изгасат пожарот кој избувна синоќа на депонијата Краста во близина на Куманово, соопшти денеска директорот на претпријатието, Сашо Томиќ.

Тој информираше дека сите расположливи екипи се на депонијата и во текот на денот со затрупување на земја ќе се обидат целосно да го изгасат чадењето. Вчера интервенирале и кумановските пожарникари со едно возило од 20: 35 до 23:10 часот.

Депонијата Краста, лоцирана на регионалниот пат Куманово-Пчиња ќе стане претоварна станица од каде сметот од Куманово ќе се носи во Свети Николе, преку проект финансиран од ЕУ во кој се вклучени општини од североисточниот и источниот регион.

Платформата на сметот пред извесен период беше затрупана со земја, израмнета што не дозволуваше да се шири непријатниот мирис и да се потпалува, како што беше пракса изминативе децении, што беше причина за постојани блокади од жителите на блиското село Пчиња кои бара нејзина дислокација.

Краста ќе стане збирна станица на која ќе се селектира отпадот и ќе се транспортира до регионалната депонија. Депонијата Краста функционира од 1958 година и зафаќа површина од 12, 5 хектари. Тука се складира сметот на градот со над 100.000 жители.

The post ГОРИ ДЕПОНИЈАТА КРАСТА КАЈ КУМАНОВО Екипите на „Чистота и зеленило“ се мачат да ја угаснат appeared first on plusinfo.mk.

Осумдесет и петгодишна жена загинала во пожар што ноќеска избувнал во куќа во скопската населба Пинтија, објави Скопје 1. Пожарот бил пријавен по полноќ. Причината засега останува непозната.

Од Министерството за внатрешни работи соопштиле дека случајот бил пријавен во 01:48 часот. Пожарот избувнал во куќа во сопственост на С.К. (45), каде живеела и нејзината мајка М.В. (85).

Според неофицијални информации на Скопје1, огнот избувнал на долниот кат од куќата. Жената не успеала навреме да излезе.

Екипа на Итната медицинска помош констатирале смрт на местото, соопшти МВР. На други лица им била укажана прва помош. Соседите биле вознемирени.

The post НЕ УСПЕАЛА ДА ИЗЛЕЗЕ ОД КУЌАТА Жена изгоре во пожар во Пинтија appeared first on plusinfo.mk.

Вистинска драма се одвивала околу 2 часот по полноќ во населбата Нов Белград во главниот град на Србија, кога во станбена зграда избувнал голем пожар што брзо се проширил низ објектот.

Полиијатата и обвинтелството уште го истражуваат случајот. Според сведоци и соседи, постои сомнеж дека пожарот започнал од полнач за мобилен телефон кој бил оставен вклучен во текот на ноќта.

Нема потврда дека оставениот полнач е причината за пожарот.

Српските медиуми пишуваат дека 15 пожарникари речиси 2 часа се бореле со пламенот. Покрај целосно уништениот стан, оштетени биле и неколку соседни станови.

„Сите истрчавме на улица“

Сирени од пожарникари и полиција ја разбудиле целата населба, а густ чад почнал да се шири низ ходниците.

Исплашените станари панично излегувале од зградата.

– Беше страшно. Нѐ разбудија сирени и врева. Кога погледнавме низ прозорецот, видовме огромни пламени како излегуваат од станот – рекол еден од соседите.

Баба, дедо и внуци едвај избегале

Најголема среќа во целата несреќа е што никој не бил повреден. Станарите од опожарениот стан, баба, дедо и нивните внуци, успеале навреме да излезат од домот и да се спасат.

Но, претрпеле силен шок, а станот речиси целосно изгорел.

The post ПОЛНАЧ ЗА МОБИЛЕН ПРЕТВОРИЛ СТАН ВО ПЕКОЛ? Баба, дедо и внуци едвај се спасиле во Нов Белград appeared first on plusinfo.mk.