Дваесетгодишна државјанка на Турција денеска била пронајдена почината во стан во Штип. Случајот го потврди СВР-Штип.

Од полицијата информираат дека пријавата била добиена во 14:48 часот. Според првичните информации, пожарникари интервенирале за да влезат во станот преку балкон, бидејќи вратата била блиндирана.

На местото излегла екипа на полицијата и Итната медицинска помош, која констатирала смрт.

Засега не може да се утврди дали станува збор за насилна смрт.

Телото на девојката е предадено на обдукција во Клиничката болница во Штип.

The post СТУДЕНТКА ОД ТУРЦИЈА ПРОНАЈДЕНА МРТВА ВО СТАН ВО ШТИП Вратата била блиндирана, пожарникарите влегле преку балкон appeared first on plusinfo.mk.

Три лица се повредени во тешка сообраќајна несреќа што вечерва се случи на регионалниот пат село Караорман – Штип, на потегот кој важи за една од најопасните „црни точки“ во регионот. Поради несреќата, патот е целосно затворен за сообраќај од 19:35 часот.

Од СВР Штип информираат дека полициски службеници се на терен и во тек е увидот на местото на несреќата.

– Екипи од СВР Штип излегoa на лице место, увидот е во тек и утре ќе има повеќе информации – соопштуваат од полицијата.

За извлекување на повредените лица од возилото морале да интервенираат и пожарникари, по што сите тројца биле пренесени во Клиничката болница Штип за укажување лекарска помош.

Патниот правец Караорман – Штип, кој ги поврзува општините Штип и Карбинци, одамна е означен како ризичен поради честите несреќи на тој дел од трасата.

The post ПОЖАРНИКАРИ ГИ СЕЧЕА ВОЗИЛАТА ЗА ДА СПАСАТ ЖИВОТИ Три лица тешко повредени во несреќа на патот кон Штип appeared first on plusinfo.mk.