До 12:30 часот денеска, низ целата држава се евидентирани вкупно 14 пожари на отворен простор, од кои четири сè уште се активни, шест се под контрола, два се локализирани, а два се целосно изгаснати, информираат од Центарот за управување со кризи (ЦУК).

Како што соопшти Центарот за управување со кризи (ЦУК), активни се пожарите во село Николиќ во општина Дојран, каде што гори нискостеблеста шума, под Солунска Глава во општина Чашка – помеѓу местата викани Изворите на Бабуна и Бабина дупка. Таму се работи за шумски пожар каде што, според ЦУК, нема активен пламен, само чад во карпест дел.

Активни се и пожарите во местото Преовце во општина Куманово и во село Ругинце во Старо Нагоричане, на двете локации е зафатена ниска вегетација.

Под контрола се шест пожари, од кои пет се во општина Македонски Брод: с. Рамне – с. Ковче (ниска вегетација, проширен од фабриката Самоков); с. Слатина (мешана шума); с. Слатина кај Слатински Извори (нискостеблеста мешана шума); во кругот на фабриката СУМБРО (ниска вегетација) и
помеѓу селата Црешнево, Крапа и Локвица (деградирана дабова шума и грмушки). Под контрола е и пожарот помеѓу селата Блаце и Горњани, место викано Рамна шума (шумски пожар) во Општина Чучер Сандево.

Двата локализирани пожара за кои соопштува ЦУК се во село Бешиште, место викано Бешишки Рид во општина Прилеп (приземен во мешана шума) и во село Делисинци во Свети Николе (ниска вегетација, стара напуштена куќа).

Според известувањето на ЦУК за состојбата до 12.30 часот, изгаснати се пожарите кај црквата „Света Троица“ во Чучер Сандево (ниска вегетација) и во село Белица во Македонски Брод (нискостеблеста шума).

The post 14 ПОЖАРИ НА ОТВОРЕНО ГОРАТ НИЗ ДРЖАВАТА Активни се четири огнени линии, најмногу во Дојран, Куманово и Чашка appeared first on plusinfo.mk.

Пожарот што синоќа ја зафати околината на Смилковското Езеро и Железара не е случаен, туку подметнат – обвинија јавно градоначалниците на Гази Баба и Бутел, како и министерот за внатрешни работи. Институциите потврдуваат: има фотографии, изјави од очевидци и сомнителен образец на појава на пожарите.

Градоначалникот на Гази Баба, Бобан Стефковски, кој беше на теренот додека пожарникарите се бореа со огнената стихија, јавно објави докази – меѓу нив и фотографии од изгорени ракавици и остатоци од гуми, кои биле пронајдени токму во жариштето.

„Еве ги доказите: Остатоци од изгорена гума и ракавици се пронајдени на Смилковското Езеро. Сѐ е јасно, пожарот е подметнат. Жалосно е ако некој мисли дека на овој начин ќе добие политички поени“, напиша Стефковски на Фејсбук, објавувајќи фотографии од теренот.

И неговиот колега, градоначалникот на Бутел Дарко Костовски, на социјалните мрежи порача дека има многу очевидци кои веќе дале изјави во МВР и потврдуваат дека пожарот бил подметнат.

Дополнително, министерот за внатрешни работи Панче Тошковски синоќа по итниот состанок на Kризниот штаб во Владата рече дека сите вчерашни пожари биле подметнати.

– Имаме доволно индиции. Не е случајност – додека се гаснеше еден пожар, почнуваше друг, па трет… Сѐ е многу симптоматично. Не можам да откривам детали за да не ја загрозам предистрагата – изјави Тошковски.

Пожарот зафатил широка територија, а благодарение на брзата реакција на службите, бил спречен да стигне до населените места и до фабриките во Железара, потврди Стефковски. На терен се интервенирало со сите расположливи сили, меѓу кои Противпожарната бригада, екипи од „Комунална хигиена“ и МВР.

The post 📷 НАЈДЕНИ ИЗГОРЕНИ ГУМИ И РАКАВИЦИ КАЈ СМИЛКОВСКО Стефковски објави докази дека пожарот кај езерото е подметнат appeared first on plusinfo.mk.

Вчера на магистралниот пат Охрид – Кичево, во близина на охридскиот аеродром, се случи тешка сообраќајна несреќа во која едно лице го загуби животот, а има и неколку повредени.

Според првичните информации, до несреќата дошло при директен судир меѓу две патнички возила, кој предизвикал сериозни последици и блокада на сообраќајот на овој дел од патот.

Веднаш по пријавата, на местото на трагедијата интервенирале екипи на Итната медицинска помош, Територијалната противпожарна единица од Охрид и сообраќајната полиција.

„На лице место беа испратени сите надлежни служби, брза помош, пожарна и полиција и веднаш се започна со спасувачка и истражна акција“, информираат од полицијата.

Извршен е увид за да се утврдат причините и околностите под кои дошло до несреќата. Повеќе детали за идентитетот на жртвата и бројот на повредените се очекуваат во текот на денот.

The post ТРАГЕДИЈА КАЈ ОХРИДСКИОТ АЕРОДРОМ Едно лице загина, неколку повредени во страшна сообраќајка appeared first on plusinfo.mk.

Денеска во 10:45 часот во близина на село Банско, Струмичко, изгоре автомобил, информираа од ТППЕ Струмица.

Во гаснење на запалениот автомобил учествувале тројца пожарникари и едно противпожарно возило. Пожарот во моментот на пристигнувањето на пожарникарите бил во разгорена фаза и за кратко време бил локализиран и изгаснат.

Во информацијата од струмичките пожарникари се наведува дека е причинета значителна материјална штета.

The post 🎥 ИЗГОРЕ АВТОМОБИЛ КАЈ СТРУМИЧКО БАНСКО Пожарникарите не успеале да го спасат возилото appeared first on plusinfo.mk.

Се запали голем пластичен контејнер вечерва на булеварот Партизански одреди, во Центар, кај Архитектонскиот факултет.

Огнот гореше неколку минути и за среќа, не ги зафати соседните два контејнера.

Прва на местото стигна полицијата, а потоа и пожарникарите, кои брзо и ефикасно го изгаснаа огнот.

Пожарот предизвика силна смрдеа и токсичен чад.

Пластичните контејнери на „Комунална хигиена“ често горат во пожар.  Во некои случаи ги палат несовесни граѓани,а  понекогаш тоа се случува од невнимание на пример, со цигара. Во зимскиот период садовите за отпад горат и затоа што граѓаните кои се грат на дрва, понекогаш сосе пепелта, фрлаат и недоизгасната жар.

Во пожари страдаат и подземните контејнери.

The post 🎥 СЕ ЗАПАЛИ ГОЛЕМ ПЛАСТИЧЕН КОНТЕЈНЕР ВО ЦЕНТАР Пожарникарите беа брзи, ама околината добро засмрде appeared first on plusinfo.mk.

Автомобил „БМВ“ сопственост на М.Г., синоќа беше целосно опожарен во Охрид.

Од охридската полиција потврдуваат дека пријава за опожарено возило добиле утрината околу 3 часот. По увидот и насоките од обвинител ќе се утврдуваат причините за опожарувањето.

Од противпожарната единица во Охрид преку социјалните мрежи информираа дека имале тежок пристап до запалениот автомобил поради несоодветното паркирање на возила.

„Ноќеска нешто по 01:30 ТППЕ Охрид прими дојава за запалено возило во стар дел на град, на тешко пристапен терен. Апелираме граѓаните да ги паркираат своите возила на соодветни места како би овозможиле полесен пристап на возилата на ТППЕ и Брза Помош“, велат од ТППЕ Охрид.

Повеќе детали се очекуваат во текот на денот.

The post 📷 ОПОЖАРЕНО БМВ ВО ОХРИД Пожарникарите не можеле да припарат, паркирани возила им го попречиле патот appeared first on plusinfo.mk.

Пожарот во депото на „Македонски железници-Транспорт“ е изгаснат, се работи на расчистување на теренот, вели командантот на Единицата за противпожарна заштита на Град Скопје, Звонко Томески.

Тој истакна дека е интервенирано со 10 противпожарни возила и 30 пожарникари.

Како што претходно информираше Плусинфо од лице место првата пријава за пожар во депотот пристигнала во 1 часот по полноќ, а интервенцијата траела до 3:30 часот.

„Од 01.20 часот на ул. Трета Македонска Бригада (Опш.Аеродром) со 20 пожарникари и 8 ПП возила интервенирале на стари и неисправни Вагони од Железници на РСМ Транспорт АД – Скопје“, соопштија од Пожарната служба.

• ПОЖАР БЕСНЕЕ ВО МАГАЦИН НА ЖЕЛЕЗНИЦИ, ГОРАТ СТАРИ ВАГОНИ Црн чад се издигна над Кисела Вода

Утрово нешто пред 9 часот пожарот повторно се разгорел, при што биле повикана противпожарната единица за да интернвенира.

„Во 03.30 часот пожарот бил локализиран од екипа на Бригата за противпожарна заштита Скопје, а повредени лица нема. Во 09.00 часот во СВР Скопје било пријавено дека пожарот повторно се активирал“, велат од МВР.

Присутни се и инспектори од МВР, ќе се прегледуваат надзорните камери за да се утврди што се случило.

Штетата дополнително ќе се утврдува, а надлежните потврдија дека нема повредени лица при оваа интервенција.

The post 📷 📽️ ИЗГАСНАТ ПОЖАРОТ ВО ДЕПОТО НА ЖЕЛЕЗНИЦИ Интервенирале 10 противпожарни возила и 30 пожарникари appeared first on plusinfo.mk.

Според информациите од Територијалната противпожарна единица Велес, повикот за интервенција го добиле во 17:05 часот, по што веднаш излегле на терен со една противпожарна единица и четворица пожарникари.

– Возилото беше изгаснато за кратко време, а повредени, за среќа, немаше – информираат од велешката Противпожарната единица.

За среќа во пожарот немало повредени лица па поради тоа не била повикана екипа од Брзата помош – Велес за да интервенираат.

Причините за пожарот засега не се познати, а настанот е под истрага на надлежните органи.

The post 📷 ВОЗИЛО СЕ ЗАПАЛИ КАЈ ПАТАРИНАТА ОТОВИЦА Пожар на автопатот Велес – Скопје, пожарникарите брзо интервенираа appeared first on plusinfo.mk.

Како што информираат оттаму, наизменичниот сообраќај е поради опожарено патничко моторно возило на коловозот.

The post ИЗГОРЕ АВТОМОБИЛ НА ПЛЕТВАР Сообраќајот се одвива на една лента со пропуштање appeared first on plusinfo.mk.

Нема повредени лица, а пожарите ги изгаснале скопските пожарникари.

„На 12.10.2024 година во 2.42 часот во СВР Скопје било пријавено дека на улицата Цветан Димов во Скопје било опожарено патничко возило опел мерива со скопски регистарски ознаки, сопственост на Н.Н. од Скопје. Од пожарот биле зафатени две возила опел со скопски регистарски ознаки, сопственост на Е.Р. од Скопје и возило тојота, со скопски регистарски ознаки, сопственост на приватна фирма од Скопје“, соопшти полцијата.

Вчера наутро три возила се запалија на улицата Венјамин Мачуковски. Прво се запалил рено меган со скопски таблички, сопственост на С.С.(34) од село Р`жаничино, а потоа биле зафатени и скопско пежо, сопственост на Р.Џ.(33) и мазда со скопски регистарски ознаки, сопственост на А.Н.(40).

The post ГОРАТ КАКО СВЕЌИ – 4 АВТОМОБИЛИ ЗАПАЛЕНИ ВО ЧАИР Вкупно 7 возила изгореа за 2 дена во Скопје appeared first on plusinfo.mk.