До 18 часот денеска во државата се регистрирани вкупно 15 пожари на отворен простор, од кои пет се сè уште активни, а десет се изгаснати, информираат попладнево од Центарот за управување со кризи (ЦУК).

Активни се пожарите во Општина Василево, помеѓу селата Доброшинци и Василево, каде гори сува трева, стрништа и дива депонија, во Општина Кичево, во атарот на селото Зајас, каде е зафатено стрниште, како и во Општина Кавадарци, помеѓу селата Раец и Ќесендре, каде гори нискостеблеста шума и сува трева.

Активен е и пожарот во селото Теарце, Општина Теарце, каде се зафатени нива, стрништа и сува трева, како и пожарот во месноста Тризла Теке кај Прилеп, каде гори депонија. Според ЦУК, пожарот кај Прилеп се шири во три правци – кон Маркови Кули, кон превојот кај црквата „Богородица“ и кон Три Багреми.

Во меѓувреме, изгаснати се десет пожари на повеќе локации низ државата, меѓу кои во општините Бутел, Шуто Оризари, Битола, Велес, Брвеница, Куманово, Старо Нагоричане, Липково и Македонски Брод.

Од Центарот за управување со кризи апелираат до граѓаните да бидат внимателни и одговорно да се однесуваат при движење и престој на отворено, со цел да се спречи појава на нови пожари.

The post ПЕТ АКТИВНИ ЖАРИШТА НИЗ МАКЕДОНИЈА Алармантна состојба кај Прилеп appeared first on plusinfo.mk.

Во текот на изминатото деноноќие низ државата биле регистрирани вкупно 30 пожари на отворен простор, а според последните информации на Центарот за управување со кризи (ЦУК), во моментов нема активни пожари.

Од ЦУК информираат дека 29 пожари се целосно изгаснати, додека еден пожар е ставен под контрола.

Станува збор за пожарот меѓу селата Слатина и Грешница во општина Македонски Брод, каде што гори нискостеблеста шума и ниска вегетација.

„Во текот на изминатото деноноќие регистрирани се вкупно 30 пожари на отворен простор. Во моментот нема активни пожари. Дваесет и девет пожари се изгаснати, а еден е ставен под контрола“, информираа од Центарот за управување со кризи.

Надлежните служби продолжуваат да ја следат состојбата на терен и апелираат до граѓаните да бидат внимателни при престој во природа, особено поради високите температури и зголемениот ризик од избувнување пожари.

The post ПОЖАРИТЕ СТАВЕНИ ПОД КОНТРОЛА За едно деноноќие регистрирани 30 интервенции низ државата appeared first on plusinfo.mk.

Вкупно седум пожари на отворен простор се регистрирани денеска до 13 часот. Од нив четири се сè уште активни, а три се целосно изгаснати, информираат од Центарот за управување со кризи (ЦУК).

Активни се пожарите во Општина Македонски Брод, каде што гори дабова шума помеѓу селата Слатина и Грешница, како и во Општина Струга, каде што огнот зафатил борова шума меѓу селата Делогожда и Татеши.

Сува трева и ниска вегетација горат во Општина Сарај кај селото Буковиќ, како и во Општина Илинден, во близина на клучката кај Марино.

Противпожарните екипи успеале целосно да изгаснат три пожари.

Изгаснат е пожарот кај фирмата „Енмон“ во Општина Велес, пожарот кај селото Добрејци во Општина Струмица каде што гореа ниска вегетација и стрниште, како и пожарот во близина на гробиштата во Општина Ѓорче Петров.

Според податоците на ЦУК, во моментов нема пожари кои се ставени под контрола.

The post ГОРИ ДАБОВА ШУМА ВО МАКЕДОНСКИ БРОД, А БОРОВА ВО СТРУГА Активни се пожарите во селата Буковиќ и Марино во Скопје appeared first on plusinfo.mk.

Највисоко ниво на опасност од пожар е прогласено за голем дел од Грција, а службите за цивилна заштита издадоа црвено ниво на предупредување за пошироката област на Атина.

Најтешка е ситуацијата во близина на Атина, каде што силните ветрови го отежнуваат гаснењето и предизвикуваат повторно ширење на пожарот.

SCENES A #wildfire burning out of control on the #Greek mainland west of #Athens, one of several blazes burning in parts of the country#climatechange #heatwave pic.twitter.com/njRPV7wUpA

— ShanghaiEyeofficial (@ShanghaiEye) August 1, 2026

Особено драматична ситуација е забележана во областа Порто Гермено, западно од Атина, каде што ноќеска дополнително се разгоре пожарот. Бурните ветрови го сменија правецот и го турнаа пожарот кон брегот, поради што главниот пат беше затворен, а според првичните информации, изгореа најмалку три куќи, а едно противпожарно возило е целосно уништено во пожарот.

Поради пожарот, беа воведени бројни сообраќајни ограничувања, а некои регионални патишта што водат до Порто Жермен и околните населби беа затворени.

Fire Greece Porto Germeno Attica – Meteology Live App pic.twitter.com/eljgilorwc

— Meteology Live (@AppMeteology) August 1, 2026

Од утрово во неговото гаснење се вклучени девет противпожарни возила и четири хеликоптери.
Пожарот се прошири на два фронта, додека во близина на градот Псата е издадено предупредување за евакуација на жителите кон Алегорија и Мегара.

Како превентивна мерка, во текот на ноќта беа евакуирани и населбите Агиа Параскеви, Агиос Нектариос и Крио Пигади.

За време на спасувачката операција, членовите на крајбрежната стража и противпожарната служба евакуираа со чамци 12 лица кои беа заробени на плажата во Порто Жермен. Сите беа безбедно префрлени во Алепо.

. Η #πυρκαγιά στο #ΠόρτοΓερμενό μαίνεται σε πλήρη εξέλιξη και ανεξέλεγκτη.#φωτιά pic.twitter.com/LdPo2D6Ov6

— Alfadios Fasistailidis (@AlfadiosF) August 1, 2026

Грчката крајбрежна стража и пожарникарите организираа спасувачка акција, за време на која 12 лица беа евакуирани од плажата со патролен брод, противпожарен брод и приватен брод.

A large wildfire is currently burning on Kalymnos Island, Greece. pic.twitter.com/z9Bfpy6ZqE

— Weather Monitor (@WeatherMonitors) July 30, 2026

Жителите на градот Довраин во областа Беотија добија ново предупредување за итни случаи преку системот 112 рано утрово со наредба веднаш да се евакуираат кон населбата Тисви.

Пожарот, кој избувна во областите Ксирономи и Каламаки, се прошири кон границата со Атика и им се закани на неколку крајбрежни населби.

На терен беа распоредени повеќе од 325 пожарникари, додека авиони и хеликоптери учествуваа во гаснењето за кратко време наутро. Сепак, воздушните операции набрзо беа прекинати поради исклучително силни ветрови.

Големи пожари сè уште горат на Пелопонез, како и на Крит, каде што ветерот се заканува повторно да го разгори пожарот и го отежнува неговото гаснење од воздух.

The post 🎥 АПОКАЛИПТИЧНИ СЦЕНИ ВО ГРЦИЈА Огнот голта куќи и шуми appeared first on plusinfo.mk.

Во текот на јули, во просек дневно се регистрираа по околу 15 пожари на отворен простор. Благодарение на навремените интервенции на пожарникарите, како и поддршката од воздухопловните средства на Дирекцијата за заштита и спасување, сите пожари беа успешно ставени под контрола и изгаснати, изјави директорот на Дирекцијата за заштита и спасување, Стојанче Ангелов.

Тој посочи дека врнежите во текот на изминатиот период придонеле за намалување на бројот на пожари и го успориле нивното ширење.

– Но, периодот со врнежи заврши. Високите температури, ниската влажност на воздухот и променливиот ветер создаваат услови за брзо настанување, ширење и тешко гаснење на пожарите на отворен простор. Доволна е само една искра. Најголемиот број пожари настануваат ненамерно. Граѓаните најчесто не сакаат да предизвикаат пожар, но едно невнимание може да доведе до сериозни последици – рече тој.

Ангелов апелира граѓаните да не фрлат отпушоци од цигари на отворен простор, особено од возила во движење и низа други апели.

– Не палете огнови и скари во шуми и на места со сува вегетација.
Исчистете ја сувата трева и грмушки околу вашите домови и викендички и направете заштитен појас.
Не палете стрништа и пасишта. Со тоа го загрозувате животот на луѓето и имотот, а сторителите ќе бидат санкционирани.
Внимавајте при користење алати кои создаваат искри, како брусилици и апарати за заварување.
Земјоделците да бидат внимателни при користење уреди за плашење птици кои можат да предизвикаат пожар – рече Ангелов.

Тој ги повика граѓаните секое сомнително однесување веднаш да го пријават во најблиската полициска станица или на бројот 112. Ангелов ги повика граѓаните да пријават лица кои носат сомнителни течности, факели, големи петарди или други предмети и активности што можат да предизвикаат пожар.

– Во услови на екстремно високи температури, потребна е максимална внимателност. Една искра може да предизвика голема трагедија. Сите кои ќе предизвикаат пожар треба да завршат во затвор! Аларм! Тревога! Ве молам бидете внимателни! Доволна е искра за страшна трагедија! – рече директорот на ДЗС, Ангелов.

The post „СИТЕ КОИ ЌЕ ПРЕДИЗВИКААТ ПОЖАР ТРЕБА ДА ЗАВРШАТ ВО ЗАТВОР!“ Стојанче Ангелов апелира да не се палат огнови и скари во шуми appeared first on plusinfo.mk.

До 13 часот денеска на територијата на државата се евидентирани вкупно пет пожари на отворен простор, од кои два се активни, еден е ставен под контрола, а два се изгаснати, соопшти Центарот за управување со кризи.

Според информациите од ЦУК, активни се пожарите во општина Долнени, кај селото Вранче, каде гори нива со жито, како и во општина Кичево, зад спортската сала „Јанчица“, каде е зафатена сува трева.

Под контрола е пожарот во општина Кавадарци, кај селото Долна Бошава, каде гори ниска вегетација.

Во меѓувреме, изгаснати се два пожара и тоа во општина Желино, кај селото Дебарце, каде била зафатена ниска вегетација, како и во општина Гостивар, кај селото Горна Бањица, во кругот на фабриката САЕМ, каде гореле сува трева и дрвени отпадоци.

The post ГОРИ ВО ДОЛНЕНСКО, КАВАДАРЕЧКО, КИЧЕВСКО И ГОСТИВАРСКО Евидентирани вкупно пет пожари appeared first on plusinfo.mk.

Стотици туристи се евакуирани додека пожарникарите се борат со големи шумски и пожари на отворен простор во Лондон и во англиската грофовија Сафок. Речиси половина од Англија е погодена од пожари, а властите предупредуваат и на исклучително сериозна суша што дополнително ја влошува состојбата.

Пожарот во областа Данвич Хит избувнал вчера околу 17:30 часот и брзо се шири кон нуклеарната електрана „Сајзвел Б“, која се наоѓа на околу четири километри од огнената линија.

Противпожарната и спасувачка служба на Сафок соопшти дека вложува огромни напори за заштита на куќите, додека во текот на ноќта биле евакуирани околу 200 камп-приколки од туристичкиот комплекс „Cliff House Holiday Park“.

Wildfires are now sweeping through Suffolk, UK, as emergency crews tackle a major blaze just miles from a nuclear power station, which has been placed on high alert. pic.twitter.com/Z7uEsF91EP

— Weather Monitor (@WeatherMonitors) July 30, 2026

Експертите предупредуваат дека на Велика Британија ѝ се закануваат „исклучително разорни“ пожари, бидејќи делови од Англија се целосно исушени по повеќенеделните високи температури.

Земјата ја погоди четвртиот топлотен бран годинава, а температурите вчера достигнаа и до 35 степени Целзиусови.

Поради високите температури издадени се портокалови предупредувања за Источен Мидлендс, источна и југоисточна Англија, како и за Лондон. На граѓаните им е препорачано да ги избегнуваат подрачјата зафатени од пожарите и, поради густиот чад, да ги држат прозорците и вратите затворени.

Противпожарната служба на Сафок го прогласи пожарот за голем инцидент поради неговите размери и сложеноста на интервенцијата.

Огнот избувнал во близина на крајбрежните куќи познати како „Coastguard Cottages“.

Иако пожарот се движи кон нуклеарната електрана „Сајзвел Б“, засега не се смета дека објектот е непосредно загрозен.

Командантот на противпожарната станица Ден Дејвис изјави дека првите екипи затекнале голем шумски пожар кој, под влијание на силниот ветер, многу брзо се ширел.

– Во моментов на терен има околу 90 пожарникари кои во исклучително тешки услови вложуваат огромни напори за да го стават пожарот под контрола. Ќе останеме овде сè додека огнот целосно не биде изгаснат – рече Дејвис.

Британската Агенција за здравствена безбедност (UKHSA) го задржа портокаловото предупредување поради високите температури до четврток наутро, наведувајќи дека горештините претставуваат сериозен ризик, особено за постарите лица и другите ранливи категории граѓани.

Директорката за води во Агенцијата за животна средина и претседателка на Националната група за суша, Хелен Вејкем, изјави дека водата моментално се троши побрзо отколку што природата може да ја обнови.

– Втората последователна летна суша претставува исклучително сериозна состојба која ќе остави долгорочни последици врз животната средина, растителниот и животинскиот свет, но и врз економијата – предупреди таа.

Британската метеоролошка служба процени дека сите нови пожари што ќе избувнат во Лондон, југоисточна и источна Англија би можеле да станат „исклучително разорни“.

Според податоците на Националниот совет на противпожарни служби (NFCC), пожарникарите во Англија и Велс во текот на 2026 година интервенирале на 706 пожари на отворен простор, од кои повеќе од 200 биле регистрирани само во последните две недели.

Во моментов низ Обединетото Кралство се активни осум големи пожари, кои се под постојан надзор, додека надлежните предупредуваат дека и понатаму постои висок ризик од избувнување нови огнени стихии.

Во меѓувреме, пожарникарите во Шкотска продолжуваат да се борат со голем пожар во планинската област Кенгормс, кој трае веќе две недели.

A huge wildfire has been burning in the Cairngorms National Park for 10 days. Some residents of the village of Nethy Bridge have been evacuated. My thoughts are with the residents in this beautiful part of the Scottish Highlands. pic.twitter.com/FgamAAlwgk

— James Melville (@JamesMelville) July 25, 2026

Поради пожарот биле евакуирани повеќе домаќинства, а огромни површини шуми, вресишта и пасишта целосно изгореле.

Заменик-помошникот началник на Шкотската противпожарна и спасувачка служба, Мајкл Хамфрис, изјави дека екипите постигнуваат значителен напредок во гаснењето, но предупреди дека опасноста од повторно разгорување сè уште е голема.

– Ова е катастрофален пожар за дивиот свет и за локалната заедница, која ни даде огромна поддршка. За да го ставиме под контрола, моравме да изградиме голем број противпожарни појаси – рече Хамфрис.

The post 📽️ ГОЛЕМИ ПОЖАРИ ВО БРИТАНИЈА, ОГНОТ СТИГНА БЛИЗУ НУКЛЕАРНА ЦЕНТРАЛА Евакуирани стотици туристи, властите предупредуваат и на недостиг од вода appeared first on plusinfo.mk.

Џорџ и Амал Клуни биле принудени да го напуштат својот дом во Франција поради големите пожари што во моментов зафаќаат делови од Франција, Шпанија, Италија и Грција.

Славниот брачен пар живее со своите деветгодишни близнаци, Александар и Ела, во местото Брњол, во регионот Прованса-Алпи-Азурен Брег во југоисточна Франција. Нивниот имот се наоѓа во една од областите погодени од пожарите кои деновиве се шират низ јужна Европа.

За евакуацијата Клуни го известил градоначалникот на Брњол преку писмо, што го потврдил и неговиот претставник за медиумите.

– Драг Дидие, во овој момент не знаеме дали нашиот прекрасен дом ќе ја преживее оваа страшна ситуација. Додека го напуштаме Брњол, сакаме да нагласиме две работи: прво, се надеваме дека вие и жителите на нашиот град сте безбедни, и второ – Амал и јас сме цврсто решени, без оглед на тоа што ќе се случи, да останеме дел од оваа заедница и да учествуваме во нејзината обнова. Го сакаме Брњол и нашите пријатели кои живеат таму – порачал актерот, пренесува „Пипл“.

Џорџ Клуни (64) и Амал Клуни (48) својот приватен живот внимателно го држат далеку од очите на јавноста. Сепак, актерот минатата година во интервју за магазинот „Есквајр“ откри дека токму поради децата одлучиле главното живеалиште да им биде фарма во Франција.

– Бев загрижен за растењето на децата во Лос Анџелес и во холивудската култура. Во Франција славата воопшто не е важна. Не сакам да растат оптоварени со папараци и споредби со други деца на славни личности – изјави тогаш Клуни.

The post ЏОРЏ КЛУНИ И АМАЛ ЕВАКУИРАНИ ПОРАДИ ПОЖАРИТЕ ВО ФРАНЦИЈА Актерот и неговото семејство морале да го напуштат домот appeared first on plusinfo.mk.

Словенија прогласи портокалова и црвена фаза на опасност од пожари поради екстремно високите температури што се очекуваат до крајот на неделата.

Највисокото ниво на опасност – црвена фаза – е прогласено за подрачјата Копер, Сежана, Дивача, Хрпелје-Козина, Комен, Нова Горица, Мирен-Костањевица и Ренче-Вогрско. Во останатиот дел од земјата е на сила портокалова фаза, што означува висок ризик од избувнување пожари.

Поради опасноста, во цела Словенија е забрането палење оган на отворено, фрлање запалени предмети, користење уреди што можат да предизвикаат пожар надвор од населените места, како и употреба на огномет.

Инспекторатот за заштита од природни и други несреќи, заедно со полицијата, најави засилени контроли за време на периодот на зголемена опасност.

Во меѓувреме, Агенцијата за животна средина на Словенија (АРСО) предупреди дека топлотниот бран дополнително ќе се интензивира. За југозападниот дел на земјата е издадено црвено предупредување, каде што температурата може да достигне и до 39 Целзиусови степени, при слаб ветер.

Според прогнозите, денеска максималните температури ќе се движат меѓу 31 и 36 степени, а во следните денови ќе продолжат постепено да растат.

Во моментов портокалово предупредување за високи температури важи за југоисточниот и централниот дел на Словенија, додека во петок ќе биде проширено на целата земја. Во сабота и недела највисоко ниво на предупредување повторно ќе важи за југозападниот дел.

Според Универзалниот термички климатски индекс, најголемо топлотно оптоварување се очекува во регионот Горишка и долината Випава, но екстремно високи температури ќе има и во други делови на земјата, особено во југозападниот и централниот регион.

Метеоролозите предупредуваат дека најопасниот период ќе биде во текот на пладневните и попладневните часови.

The post ЦРВЕН АЛАРМ ВО СЛОВЕНИЈА Доаѓа пеколен викенд, воведен највисок степен на предупредување appeared first on plusinfo.mk.

Шумски пожари денеска избувнаа ширум западна Турција, уништувајќи повеќе домови и принудувајќи на евакуации и затворање патишта, додека пожарникарите се борат со огнените стихии.

Властите предупредија на опасноста од ширење пожарите поттикнати од екстремните температури и силните ветрови.

Најмалку 7 провинции, вклучувајќи ги и туристичките центри Анталија и Мугла, денеска пријавија активни шумски пожари, додека пожарите во 3 други градови се ставени под контрола, јави државната новинска агенција Анадолија.

Breaking news: A fire that broke out in Antalya, Türkiye, spread to a residential area; one house burned down. pic.twitter.com/d6FDFnfsDO

— SULTAN’S THE OTTOMAN. (@Fener34King) July 29, 2026

Во западната провинција Балкесир, властите превентивно евакуираа 210 домови во областа Едремит, изјави гувернерот Исмаил Устаоглу.

Друг пожар избувна во областа Сејдикемер во егејската провинција Мугла, каде што беа евакуирани 65 жители од 43 домаќинства, а од претпазливост беше испразнета и државната болница, соопшти кабинетот на гувернерот. Пожарот почнал на земјоделско земјиште, по што се проширил на блиската шума.

Massive fast-moving forest fire in Seydikemer, Muğla Province, Turkey (29.07.2026) pic.twitter.com/y1dvvsy8fg

— رضوانہ (@Rizvana_Raza) July 29, 2026

Сите пациенти од државната болница во Сејдикемер се безбедно префрлени во блиските болници како мерка на претпазливост, соопшти министерот за здравство Кемал Мемишоглу.

Југоисточно од Мугла, во Анталија, шумскиот пожар стигна до станбените области во населбата Јазитир во областа Кумлуџа, каде што пламенот уништи неколку домови, а жителите беа принудени да бегаат заедно со својот добиток.

Властите исто така ги затворија патиштата кон туристичките места Адрасан и Олимп.

Шумски пожари денеска беа одделно пријавени и во западните провинции Ајдин, Балкесир, Ќутахија, Чанаккале и Јалова, јужно од Истанбул.

За ставање под контрола на пожарот во Мугла, властите ангажираа 5 противпожарни авиони, 12 хеликоптери и 373 припадници на службите, додека хеликоптери и бројни противпожарни возила беа испратени на пожарот во Анталија.

Автопатот Анталија-Сејдикемер беше затворен поради густиот чад.

Forest fire in Seydikemer, Muğla, Türkiye.

Firefighting efforts are ongoing as crews continue battling the fast-moving blaze.

A total of 121 homes have been evacuated, and 202 residents have been relocated to safe areas.

The Seydikemer–Antalya highway has been closed to… pic.twitter.com/cy9E8IO1Pv

— Weather Monitor (@WeatherMonitors) July 29, 2026

-Екстремната топлина, силните ветрови и сувото време се главните причини за избувнувањето на шумските пожари – изјави гувернерот на Анталија, Хулуси Шахин.

Турската државна метеоролошка служба за утре предвидува температури од 39 степени Целзиусови во Анталија и 36 степени во Мугла.

Со денови беснеат големи шумски пожари во Франција, Шпанија и во Португалика, како и во Италија и во Грција.

Функционерка на ЕУ предупреди дека ризикот од големи пожари во Европа брзо расте, постои опасност големите пожари во Шпанија да се прошират на поголемиот дел од континентот до почетокот на август. Марија Зубер, раководителка на Европскиот центар за координација на итни интервенции (ERCC), рече дека следните земји со зголемен ризик се Грција, Италија и делови од централна Европа.

Таа нагласи дека наредните денови ќе бидат многу тешки за Франција.

– Ако пожарите во Португалија и во Шпанија не бидат ставени под контрола дотогаш, цела Европа би можела да биде во пламен – предупреди таа.

Според неа, сезоната на пожари во 2026 година би можела да стане најлошата во европската историја, надминувајќи го минатогодишниот рекорд. Ова се должи на обилните дождови во текот на зимата и пролетта, кои поттикнаа раст на бујна вегетација, додека летните топлотни бранови и продолжената суша ја претворија таа вегетација во лесно запаливо гориво.

The post 🎥 И ВО ТУРЦИЈА БЕСНЕАТ ГОЛЕМИ ПОЖАРИ Предупредување дека може да гори цела Европа стаса од Брисел appeared first on plusinfo.mk.