Масовниот прекин на електричната енергија во Сан Франциско во саботата попладне создаде неочекуван хаос. Автономните такси возила на компанијата „Waymo“ останале заглавени на раскрсници и булевари, додека целиот град бил без струја.

Енергетската компанија PG&E потврди дека дефектот настанал поради пожар во трафостаница што предизвикал „широко распространета штета“. Повеќе од 100.000 домаќинства останале без електрична енергија.

Waymo’s self-driving cars were put on pause by the company on Saturday in San Francisco after the autonomous vehicles were baffled by the lack of traffic signals due to a widespread power outage in the city. https://t.co/t6NgkBCTe7 pic.twitter.com/cXoK0yuvTw

— ABC News (@ABC) December 21, 2025

Видеа на социјалните мрежи покажале десетици робот-такси возила паркирани среде улица, без можност за движење. Сообраќајот бил парализиран, а возачите се обидувале да ги заобиколат замрзнатите возила.

– Привремено ја прекинавме услугата во целата област заради безбедност, но брзо ја обновивме кога снабдувањето беше стабилизирано – изјави портпаролот на „Waymo“.

Градоначалникот Даниел Лури испратил дополнителни полициски и противпожарни екипи за регулирање на сообраќајот, бидејќи голем дел од семафорите биле исклучени. Прекини биле забележани и на линиите на приградската железница.

„Waymo“ наведе дека останала во постојан контакт со градските служби и дека ќе изврши детална анализа на инцидентот за да спречи вакви застои во иднина.

The post 📽️ КОЛАПС НА РОБО-ТАКСИЊАТА ВО САН ФРАНЦИСКО Кога нема струја и роботите стивнуваат appeared first on plusinfo.mk.