Обвинителството во швајцарскиот кантон Вале денеска соопшти дека истрагата за пожарот во ноќен клуб во Кран-Монтана е проширена и сега опфаќа пет актуелни и поранешни локални функционери, меѓу кои и градоначалникот Николас Феро.

Семејствата на жртвите од пожарот во барот „Констелејшн“, во кој загинаа 41 лице, а 115 беа повредени, посочуваат дека градоначалникот на Кран-Монтана, Феро, сноси дел од одговорноста поради наводната пасивност во врска со непочитувањето на мерките за заштита од пожари во градот.

Според досегашните наоди од истрагата, пожарот бил предизвикан од прскалки и пиротехнички средства кои го запалиле таванот на барот.

Сопствениците на барот, Жак и Џесика Морети, ги негираат обвинувањата, истакнувајќи дека објектот бил инспектиран трипати – во 2016, 2018 и 2019 година – и дека тогаш не биле утврдени поголеми неправилности.

Досега, против семејството Морети, како и против шефот на безбедносните служби на Кран-Монтана и неговиот претходник, е покрената истрага за убиство од небрежност, предизвикување телесни повреди и предизвикување пожар од небрежност.

Во меѓувреме, адвокатите на семејствата на жртвите побараа истрагата да се прошири и да ја опфати целата градска администрација.

The post ИСТРАГАТА СЕ ШИРИ ПО ТРАГЕДИЈАТА ВО ШВАЈЦАРИЈА Под сомнение и градоначалникот на Кран-Монтана appeared first on plusinfo.mk.

Првите единаесет жртви од катастрофалниот пожар во швајцарскиот ски-центар Кран-Монтана, во кој загинаа вкупно 40 лица, се идентификувани, соопшти локалната полиција.

Меѓу идентификуваните има осум млади лица на возраст од 16 до 24 години кои живееле во Швајцарија. Италијанските медиуми јавуваат дека меѓу загинатите има и тројца италијански државјани.

Во меѓувреме, роднините на другите исчезнати лица продолжуваат да чекаат информации за нивната судбина. Дел од повредените сè уште не се идентификувани, а многумина имаат тешки изгореници и се лекуваат во специјализирани медицински центри.

Според Федералната служба за цивилна заштита и помош при катастрофи на Германија, земјата примила вкупно 11 тешко повредени лица од Швајцарија на лекување. Засега не се планирани нови трансфери, соопштија надлежните.

Гвидо Бертоласо, одговорен за здравство во италијанскиот регион Ломбардија, изјави дека идентификацијата на некои од повредените е исклучително тешка поради сериозноста на нивните повреди.

– Нивните лица се целосно преврзани. Не можеме да ги отстраниме завоите за да ги идентификуваме. Тие се интубирани и не можат да зборуваат – изјави Бертоласо.

Во центарот на Кран-Монтана, граѓаните и понатаму се собираат во близина на местото на трагедијата, оставајќи цвеќе, писма, свеќи и плишани играчки во спомен на загинатите. Швајцарскиот министер за правда Беат Јанс, кој го посети местото на настанот, ја опиша трагедијата како „незамислива“ и нагласи дека властите ќе сторат сè што е потребно за целосно разјаснување на одговорноста за инцидентот.

Истражните органи соопштија дека против сопствениците на барот е покрената истрага под сомнение за предизвикување смрт од небрежност, телесни повреди од небрежност и ненамерно предизвикување пожар. Според првичните информации, пожарот на новогодишната ноќ најверојатно бил предизвикан од прскалки поставени на шишиња шампањ, од кои се запалил таванот на просторијата.

Швајцарија прогласи национален ден на жалост за 9 јануари. Во 14:00 часот ќе се огласат сите црковни ѕвона низ земјата, а ќе биде одржана и минута молчење. Доцна синоќа во црквата во Кран-Монтана се одржа комеморативна служба со присуство на луѓе од сите возрасти, а за денеска по службата е закажан тивок марш до барот „Констелејшн“.

The post ИДЕНТИФИКУВАНИ ПРВИТЕ 11 ЖРТВИ ОД ПЕКОЛОТ ВО КРАН Дел од повредените сè уште без идентитет, не можат да се препознаат appeared first on plusinfo.mk.