На територијата на Македонија до утрово во 07:00 часот регистрирани се вкупно 30 пожари на отворен простор, покажуваат податоците на Центарот за управување со кризи. Од нив, три сè уште се активни, четири се ставени под контрола, а останатите 23 се изгаснати.

Во моментов најтешката состојба е во Гевгелиско, каде што на Кожуф планина кај селото Петрово гори букова шума. Вториот пожар е забележан над селото Бенче, на планината Добра Вода во општина Македонски Брод, каде што огнот зафатил дабова шума и папрат. Третиот активен пожар се наоѓа во општина Студеничани, помеѓу селата Цветово и Драчевица, во атарот на местото Умово, каде што пламените јазици уништуваат поголема шумска површина.

Од друга страна, четири пожари се под контрола. Во скопската општина Гази Баба, екипите интервенираат во селото Трубарево каде што горел електричен отпад, како и во Виниче, во месноста Муратица, каде што огнот зафатил нискостеблеста шума. Во Студеничани се локализирани пламените јазици околу селото Батинци, додека во Демир Хисар пожар зафатил градска депонија.

Поголем дел од вчерашните пожари, меѓу кои и оние што гореа во Чучер Сандево, Сарај, Кисела Вода, Шуто Оризари, Кочани, Тетово, Гостивар, Битола, Крушево и Куманово, се успешно изгаснати. Дел од нив зафатиле депонии, други ниска вегетација, а имало случаи и на опожарени шумски предели.

Надлежните апелираат на зголемена претпазливост и соработка од граѓаните, со цел спречување на нови пожари и заштита на природните ресурси и населените места.

The post ОГНОТ БЕСНЕЕ НА ТРИ МЕСТА Шумите и депониите низ Македонија во пламен, екипите на терен appeared first on plusinfo.mk.

Според најновите информации од Центарот за управување со кризи (ЦУК), до 20:30 часот на територијата на Македонија биле регистрирани вкупно 15 пожари на отворен простор. Иако огнената стихија ја зафати државата во текот на целиот ден, засега нема активни пожари, два се ставени под контрола, а тринаесет се целосно изгаснати.

Под контрола е пожарот на планината Кожуф во општина Гевгелија, каде гори приземна вегетација. Истовремено, се следи ситуацијата и во повеќенаменското подрачје „Јасен“ кај Македонски Брод, каде што огнот зафати мешана шума. Таму интервенираат противпожарните служби и пожарот не се шири.

Останатите тринаесет пожари се целосно изгаснати, и тоа на повеќе локации низ земјата. Во село Долгаец, општина Долнени, изгоре дел од мешаната шума, додека во Делчево беше зафатена градската депонија. Пожар имаше и во Куманово, во близина на филтер станицата, каде гореше ниска вегетација.

Во централното градско подрачје на Скопје, кај Кеј 13 Ноември, изгоре куп ѓубре, додека во општина Илинден беа зафатени две локации – во село Миладиновци и во индустриската зона Бунарџик, каде огнот зафати ниска вегетација и едно патничко возило.

Во Ѓорче Петров пожар избувна покрај реката Лепенец, каде што изгоре ѓубре, а слична ситуација имаше и во Сарај, во близина на езерото Треска. Прилепската општина се справи со пожар во село Десово, каде што беа зафатени ниска вегетација и ѓубре.

Во Гостивар исто така беше изгаснат пожар на депонија, а во Кавадарци, кај селото Фариш, изгоре дел од ниската вегетација. Општина Боговиње се соочи со огнена стихија на дивата депонија во селото Боговиње, додека пак во Скопје, во општина Гази Баба, пожар го зафати Вардариште.

Иако повеќето пожари се успешно изгаснати, надлежните служби апелираат граѓаните да бидат внимателни, особено во периоди на високи температури, бидејќи дури и мала искра може да предизвика сериозни последици.

The post МАКЕДОНИЈА ГОРЕШЕ ЦЕЛ ДЕН Активни пожари нема, два се под контрола, 13 се изгаснати appeared first on plusinfo.mk.

Центарот за управување со кризи утринава информира дека на територија на државата има активни четири пожари и тоа во општините Чашка, Липково, Студеничани и Македонски Брод.

Во општина Чашка, над Богомила гори мешана шума, во општина Липково помеѓу селата Ваксинце и Слупчане е опожарена нискостеблеста шума, во општина Студеничани, поточно кај селото Дречавица има шумски пожар во планина, а во општина Македонски Брод кај село Грешница гори деградирана нискостеблеста шума.

Под контрола се пожарите во општина Долнени, кај село Стровија, зад место викано Гајдарец – Клепало каде е опожарена нискостеблеста шума и во општина Желино, кај село Церово, каде гори мешана шума.

Според информациите на ЦУК, изминатото деноноќие имало вкупно 23 пожари од кои 17 се изгаснати.

The post 4 ПОЖАРИ СÈ УШТЕ ГОРАТ ВО МАКЕДОНИЈА Активни огнови има во Чашка, Липково, Студеничани и во Македонски Брод appeared first on plusinfo.mk.

Состојбата со пожарите на територијата на Македонија е алармантна. Заклучно со утрово, во периодот од 24 до 25 јули, регистрирани се вкупно 33 пожари на отворен простор, од кои 7 се активни, уште 7 се под контрола, а 19 се изгаснати, соопштуваат од Центарот за управување со кризи.

Најопасните жаришта и понатаму се борат со огнената стихија. Во општините Василево, Радовиш и Берово, гори обемен предел на планината Голем Готен и Малешевските Планини, каде се зафатени нискостеблести шуми, смрека и густа ниска вегетација. Исто така, огнот не стивнува кај селото Бешиште во Прилеп, каде што се шири кон село Градешница, опфаќајќи мешана шума и ризичен терен.

Во Македонски Брод, пожарот околу селото Црешнево зафати ниска вегетација, а истата ситуација се повторува и во Штип каде кај селата Драгоево и Селце гори прнар, нискостеблеста шума и сува трева. Дополнителни активни жаришта се регистрирани и во Кочани (кај село Нивичани), Карбинци (Јунузлија) и во општина Зелениково (село Гумалево), каде пламените јазици зафаќаат шуми и пасишта.

Сепак, дел од пожарите се веќе ставени под контрола, иако и таму ситуацијата бара будно следење. Таков е случајот со пожарот меѓу селата Царевиќ и Смолани во Прилеп, каде што гореше мешана шума. Под контрола е и огнот кај селото Латово во Македонски Брод, како и неколку жаришта во околината, вклучувајќи го и оној помеѓу Локвица и Крапа.

На терен активно дејствуваат и екипите од Ресен, каде кај селото Долно Перово беше запален простор со трска и ниска вегетација. Од огнот беа загрозени и предели во Желино, каде меѓу селата Церово и Групчин се прошири пожарот низ деградирана шума.

Во позитивната колона се наоѓаат деветнаесет изгаснати пожари, кои беа регистрирани во последните 24 часа. Меѓу нив, пожари гореа и во самиот главен град во Шуто Оризари, Гази Баба, Аеродром и Студеничани, каде најчесто се работело за запалено ѓубре или ниска вегетација. Значаен дел од нив се случиле и на диви депонии, како онаа во населбата Тризла во Прилеп и во Дрисла кај Скопје.

Во Куманово беа активни три пожари, сите поврзани со запалена сува трева, додека во Радовиш, Гостивар и Зелениково беа изгаснати пожари во ниска вегетација. Пожарот во Сопиште зафатил и напуштен објект, а благодарение на брзата интервенција на пожарникарите не е дозволено да се прошири.

Надлежните апелираат до граѓаните да се воздржат од активности што можат да предизвикаат нови пожари, особено палење стрништа, отпад или користење отворен оган во природа. Од ЦУК и натаму ја следат состојбата на терен со зголемено внимание, имајќи предвид нестабилните временски услови и ризикот од нови пожари.

The post СЕДУМ ПОЖАРИ СЀ УШТЕ ГОРАТ Каде беснее огнот и што е под контрола? appeared first on plusinfo.mk.

Во изминатото деноноќие, Македонија беа регистрирани вкупно 38 на отворен простор, од кои шест сѐ уште се активни, пет се ставени под контрола, а дури 27 се изгаснати. Надлежните служби се во постојана акција, но високите температури и сувата вегетација дополнително ја отежнуваат ситуацијата.

Најкритичните огнени линии се во јужниот и централниот дел на државата. Во општините Василево, Радовиш и Берово, околу селата Нивичино, Мал Готен и во Малешевските планини, пожарот зафаќа нискостеблеста шума, смрека и густа ниска вегетација. Проблематична е и општина Македонски Брод, каде што на неколку фронта околу селата Грешница, Локвица, Крапа и Латово, гори мешана шума, сува трева и деградирана дабова шума. Во месноста Маркова Стапалка, пожарите се распространуваат низ грмушки и сува трева.

Во Прилеп, пожар беснее на подрачјето од село Штавица кон Чумово, Волково и Прилепец, каде што е зафатена ниска вегетација и деградирана шума. Во Желино, помеѓу селата Церово и Групчин, пламените јазици уништуваат нискостеблеста и деградирана шума.

Пет пожари се ставени под контрола благодарение на навремени интервенции. Во Ресен, меѓу селата Шурленци и Езерани, бил зафатен појас од трска и ниска вегетација. Во Дојран, пак, пожарот кај село Николиќ се проширил низ мешана шума. Во Велес, огнот се рашири кај Џидимирци, Крушје и Иванковци, но бил локализиран пред да предизвика поголема штета.

Исто така, во гостиварското село Симница и на Радобилски Рид во Прилеп, каде што пожарот се простирал помеѓу селата Царевиќ и Смолани, се интервенираше успешно, а огнот е ставен под контрола.

Од друга страна, охрабрувачка е веста дека 27 пожари се целосно изгаснати. Најголем дел од нив се регистрирани низ скопскиот регион во Студеничани, Шуто Оризари, Сарај, Кисела Вода и Гази Баба, каде горела сува трева и ѓубре. Слична е ситуацијата и во Прилеп, Долнени, Струмица и Гевгелија.

Во североисточниот регион, Куманово и околните села, како и Липково, Старо Нагоричане и Кратово, исто така беа зафатени од повеќе пожари. Сите тие се изгаснати, вклучувајќи го и големиот пожар кај филтер-станицата во Кратово.

Пожарите не ја заобиколија ниту западна Македонија. Во Брвеница, Желино и Гостивар, пожарите зафатија ниска вегетација, шума и отпад, но се успешно ликвидирани.

Надлежните апелираат до граѓаните за внимателност и пријавување на секое сомнително движење или појава, бидејќи и најмалото невнимание може да предизвика катастрофа.

The post 27 ПОЖАРИ ИЗГАСНАТИ, НО 6 СЀ УШТЕ БЕСНЕАТ Македонија во борба со огнената стихија appeared first on plusinfo.mk.

Заклучно со 21 часот Македонија се евидентирани вкупно 30 пожари на отворен простор, информира Центарот за управување со кризи (ЦУК). Од нив, четири пожари се активни, седум се под контрола, а 19 се целосно изгаснати.

Активни пожари се регистрирани во следните региони: во Василево, кај село Нивичино каде гори нискостеблеста шума; во Македонски Брод, кај село Грешница каде се зафатени мешана шума и ниска вегетација; во Прилеп, помеѓу селата Царевиќ и Смолани каде исто така гори мешана шума и ниска вегетација; и во регионот Прилеп/Кавадарци, помеѓу селата Никодин, Ракле и Фариш каде гори ниска вегетација и ретка шума.

Пожарите кои се под контрола се лоцирани во: Велес, во селата Џидимирци, Крушје и Иванковци каде гори мешана нискостеблеста деградирана шума; во Дојран, кај село Николич со нискостеблеста шума; на градската депонија во Демир Хисар; во Македонски Брод, кај селата Црешнево, Локвица и Крапа каде гори дабова шума, грмушки и ниска вегетација; во Липково, кај село Ваксинце со ниска вегетација и стрниште; во Росоман, кај село Трстеник со напуштени ниви; и во Индустриската зона на Илинден каде гори ниска вегетација, слама и објект.

Изгаснати се пожарите во повеќе места ширум државата, меѓу кои Ранковце (Иваница, Десетак, Коп), Куманово (Четирце, Пчиња), Липково (Виштица), Старо Нагоричане (Стрновац), Кратово (Трновац), Јагуновце, Теарце (Доброште), Тетово (покрај патот Тетово–Гостивар), Свети Николе (Кантонче), Битола (населба Довлеџик), Карбинци (Долни Балван), Штип (градска депонија), Делчево (Стар Истевник), Аеродром (ул. Гаврил Константиновиќ), Гази Баба (стрелиште Камник) и Сарај, каде горела ниска вегетација и ѓубриште крај Вардар.

Противпожарните служби продолжуваат со интензивни активности за гаснење и ставање под контрола на активните пожари, а јавноста се повикува да ја почитува забраната за палење стрништа и да ја намали ризикот од нови пожари.

The post ЧЕТИРИ ОГНИШТА СЀ УШТЕ СЕ ЗАКАНА Евидентирани се 30 пожари, 19 се изгаснати, а седум под контрола appeared first on plusinfo.mk.

Пожарот во дојранското село Николиќ е ставен под контрола, но четири други пожари и натаму се активни и со сериозен потенцијал за ширење, информира Центарот за управување со кризи (ЦУК).

Според најновите податоци, активни се пожарите кај велешките села Џидимирци, Крушје и Иванковци, како и на поширокиот потег меѓу селата Црешнево, Локвица, Крапа и Слатина во општина Македонски Брод.

ЦУК соопшти дека вкупно 18 пожари се изгаснати низ повеќе региони во државата. Во скопскиот регион се ставени под контрола пожарите кај село Горњани и над црквата „Св. Троица“ во Чучер Сандево, како и во близина на Смилковско Езеро и село Раштак кон Љуботен во општина Гази Баба.

Пожарите кај селата Љубин и Крушопек кон село Лака во општина Сарај, како и на булевар „Борис Трајковски“ во Кисела Вода, каде гореа градежни материјали, се исто така целосно изгаснати.

По два пожари се изгаснати во Кумановско – кај селата Четирце и Пчиња – и во општина Долнени, кај Црнилиште и Слепче. Интервенирано е и во населбата Баир во Битола, каде пожарот е успешно ликвидиран.

Дополнително, пожарите се изгаснати и во општините Кичево, Струга, Штип, Пробиштип, Кратово и Теарце.

Надлежните апелираат граѓаните да бидат внимателни и да пријавуваат каква било појава на чад или пламен за навремена интервенција, бидејќи високите температури и сувото време остануваат ризик за нови пожари.

The post СЕ ГАСИ, НО И СЕ ПАЛИ Активни пожари во 4 региони, 18 изгаснати низ Македонија appeared first on plusinfo.mk.

Пет од вкупно девет регистрирани пожари на отворен простор во Македонија сè уште се активни, соопштија директорот на Центарот за управување со кризи (ЦУК) Мухамед Аљи и директорот на Дирекцијата за заштита и спасување (ДЗС) Стојанче Ангелов на денешната заедничка прес-конференција.

Активни се пожарите кај селото Николич во општина Дојран, кај селото Крушје во општина Велес, во Македонски Брод меѓу селата Црешево, Локвица, Карпа и Слатина, кај селото Раштак во општина Гази Баба и во општина Сарај.

Во гаснењето се вклучени двата Ер трактори на ДЗС, локални противпожарни единици и 30 припадници на Армијата кај Велес. Во Дојран интервенира и доброволното противпожарно друштво, а во Македонски Брод учествуваат екипи од ЈП Македонија пат.

– Повеќето пожари се на тешко пристапни терени каде што има деградирана и нискостеблеста шума, трње, но еден од нив зафатил и делумно квалитетна шума кај село Крапа – изјави Стојанче Ангелов.

Според него, еколошката штета е присутна, но сепак значително помала од лани.

ДЗС уверува дека нема директна закана по населени места, викенд куќи или имоти. Пожарот кај село Николич, кој се движи кон Валандово, според Ангелов, до крајот на денот ќе биде ставен под контрола.

– Таму веќе дејствуваат авионите на ДЗС, пожарникари од Валандово, Гевгелија и Струмица, како и екипи на Национални шуми кои ја координираат акцијата – изјави тој.

The post ДВА ЕР ТРАКТОРИ ГИ ГАСНАТ ПОЖАРИТЕ Шумите горaт во Дојран, Велес, Македонски Брод, нема загрозени куќи appeared first on plusinfo.mk.