Неколкукратно подобро се справивме со пожарот во Кочани отколку швајцарските власти со пожарот во Кран-Монтана, рече  премиерот Христијан Мицкоски одговарајќи на новинарско прашање.

Прашан дали чувствува дека Владата добро се справила со трагедијата во Кочани пред една година, Мицкоски одговори:

– Апсолутно да. Апсолутно да, но кога правите споредба на лоши настани, делувате некрофилски. Јас не сакам да бидам и да делувам некрофилски, но ќе дадам целосен одговор на вашето прашање, затоа што ако се спореди тоа што ние како Влада го направивме, со она што се случи во Кран-Монтана во Швајцарија, можам да кажам дека неколкукратно подобро се справивме. Во сите параметри, во сите споредби. За жал, не постои начин да ги вратиме тие кои не се повеќе меѓу нас. Но, од аспект на системска реакција, кога ќе го споредиме тој настан, со оној настан што се случи во дискотеката во Кран-Монтана, Швајцарија, неколкукратно подобро, верувале или не, системот македонски, институциите македонски реагираа подобро, отколку системот во Швајцарија и институциите во Швајцарија. И тоа се бројки.

Пожарот во дискотеката „Пулс“ во Кочани се случи пред една година на 16 март, за време на настап на групата „ДНК“. Повеќето членови на бендот загинаа во несреќата. Вкупната бројка на загинати е 63, а околу 200 беа повредени.

Во пожарот во барот „Ла Констеласион“ во Кран-Монтана во новогодишната ноќ загинаа 41 лице, а 115 беа повредени.

The post МАКЕДОНСКИТЕ ИНСТИТУЦИИ ПОДОБРО СЕ СПРАВИЈА СО ПОЖАРОТ ВО КОЧАНИ ОТКОЛКУ ШВАЈЦАРСКИТЕ ВО КРАН-МОНТАНА Мицкоски ја пофали реакцијата на системот appeared first on plusinfo.mk.

Бесни членови на семејствата на жртвите од пожарот на новогодишната ноќ во швајцарски ноќен клуб во Кран-Монтана утрово ги нападнаа сопствениците, обвинувајќи ги за смртта на нивните деца.

Кога Жак и Џесика Морети пристигнаа во обвинителството во Сион на четвртиот ден од испрашувањето, на влезот беа пречекани од десетици ожалостени родители и роднини на младите луѓе кои загинаа во пожарот во барот во Кранс-Монтана. Тие носеа маички со слики од нивните најблиски кои загинаа.

Двојката, која ја обвинува келнерката која загина во пожарот, е под судски надзор по трагедијата во клубот „Ле Констелашн“ во ски-центарот Кран-Монтана на 1 јануари, каде што загинаа 41 лице, а 115 беа повредени.

“Vous avez tué mon frère”

Jessica Moretti, co-propriétaire du bar “Le Constellation” qui a brûlé à Crans-Montana, s’est rendue avec son mari à une nouvelle audition à Sion devant la justice suisse. Des familles de victimes ont pris à partie le couple. pic.twitter.com/nXjf6xkQMU

— M6 Info (@m6info) February 12, 2026

Кога влегоа во зградата за да дадат исказ во утрово, неколку роднини се упатија кон нив. Тие беа придружувани само од еден полицаец и нивниот адвокат.

– Беше вистинска толпа. Морети речиси и да немаа заштита кога избувна гневот на семејствата. Сите ги нападнаа сопствениците, кои беа притиснати до ѕидот на зградата и не можеа да избегаат, – изјави новинар на местото на настанот за весникот „20 минути“.

Разлутените родители ги обсипаа со навреди додека семејството Морети се криеше зад своите адвокати. Еден родител, плачејќи, извика: „Го убивте мојот син, убивте 40 луѓе, ќе платите за ова!“

Џесика Морети се појави со насолзени очи додека се пробиваше низ толпата. Братот на една од жртвите, Тристан, 17, наводно се обидел да ја шутне откако постојано ја наговарал да го погледне во очи.

Мајката на Тристан, Винсент Стаки, изјави за локалните медиуми: „Ниту ќе простиме, ниту ќе заборавиме“.

Incendie du bar Le Constellation à Crans-Montana : les propriétaires interpellés par les proches des victimes pic.twitter.com/ARlddLoaqH

— BFM (@BFMTV) February 12, 2026

Францускиот пар инсистира дека млади вработени го запалиле пожарот и го блокирале излезот за евакуација. Според протечените транскрипти од сослушувањата, тие наводно рекле: „Не бевме ние, туку други“.

За време на 20-часовното испрашување пред тројца обвинители, нивната одбрана се фокусираше особено на келнерката Сиан Панин (24), која исто така почина во пожарот. Се тврди дека се качила на рамената на својот колега држејќи две шишиња шампањ со запалени прскалки.

Сиан носела заштитна кацига и наводно не забележала дека прскалките го запалиле таванот на подрумот на барот, кој бил обложен со лесно запалива пена. Зборувајќи за снимениот „настап“ со прскалките, Жак Морети рекол дека тоа е „шоуто на Сиан“.

– Не ѝ забранив да го прави тоа. Не инсистирав да ги следам безбедносните упатства. Не ја видовме опасноста. Сиан обожаваше да го прави тоа – тоа беше шоу, таа обожаваше да биде дел од шоуто – им рекол на обвинителите, додавајќи.

– Сиан обожаваше да ги носи тие шишиња, го правеше тоа на сопствена иницијатива. Да мислев дека има барем најмал ризик, ќе го забранев. За десет години водење на бизнисот, никогаш не помислив дека може да има опасност – рече тој претходно.

Францускиот пар е под истрага за убиство од небрежност, телесна повреда од небрежност и палење. Доколку бидат обвинети и прогласени за виновни за убиство од небрежност, се соочуваат со затворска казна до 20 години.

The post 📽️ СОПСТВЕНИЦИТЕ НА „БАРОТ НА СМРТТА“ НАПАДНАТИ ВО СИОН Роднините на жртвите од пожарот не го поштедија парот Морети appeared first on plusinfo.mk.

Болниците во Цирих примија 9,3 квадратни метри донаторска кожа за повредените во катастрофалниот пожар во бар во швајцарскиот ски-центар Кран Монтана, соопшти холандската банка за ткива која ја изврши доставата. Донорска кожа од починати донори е испратена и во Лајпциг, каде што се лекуваат тројца од повредените во пожарот.

Портпаролот на банката за ткива „ETB-BISLIFE“ информира дека пратката веќе е распределена во Универзитетската болница и Детската болница во Цирих. Тој изрази благодарност до швајцарските царински власти за брзата и ефикасна соработка, која овозможила кожата да биде обработена и доставена без никакви одложувања.

Донаторската кожа се користи како привремен заштитен слој за раните кај пациенти со тешки изгореници, со што се намалува ризикот од инфекции и се овозможува побрзо заздравување, додека не се изврши трајно пресадување на сопствена кожа.

Пожарот во барот „Констеласион“, кој избувна во раните утрински часови на 1 јануари, однесе 40 животи, а 116 лица се повредени. Според официјалните податоци, половина од загинатите се малолетници.

За утре во Швајцарија е прогласен Ден на национална жалост. Граѓаните се повикани да им оддадат почит на жртвите со едноминутен молк точно во 14:00 часот по локално време. На официјалната комеморативна церемонија во кантонот Вале се очекуваат над 1.000 присутни, меѓу кои и делегации од повеќе од 30 држави. Учество на церемонијата потврдија и претседателите на Италија и на Франција, Серџо Матарела и Емануел Макрон.

The post БОЛНИЦИТЕ ВО ШВАЈЦАРИЈА ДОБИЈА ДОНАТОРСКА КОЖА Битка за спас на повредените во Кран Монтана appeared first on plusinfo.mk.