Пожарот на депонијата во Радовиш и натаму не е целосно ставен под контрола, а чадот што се шири над градот ги натера локалните власти да издадат сериозни препораки до граѓаните.

Градоначалникот на Радовиш и командант на Кризниот штаб, Љупчо Почивалец, во консултација со лекарите од Центарот за јавно здравје, апелира граѓаните да избегнуваат непотребен престој на отворено, особено во периодите кога чадот е најгуст.

Според информациите од Општината, на терен постојано работи механизација која со земја ги покрива запалените делови од депонијата за да се спречи понатамошно ширење на пожарот.

Од Кризниот штаб препорачуваат прозорците и вратите во домовите да се држат затворени, а да се исклучат и клима-уредите и системите за вентилација кои внесуваат воздух однадвор.

Граѓаните се советуваат да престојуваат во затворени простории, да избегнуваат спортски и рекреативни активности на отворено и да користат заштитни маски, особено од типот FFP2, FFP3 или N95.

Посебен апел е упатен за заштита на децата, постарите лица, бремените жени и лицата со хронични заболувања.

– Доколку се појават симптоми како кашлица, печење во очите, вртоглавица или отежнато дишење, веднаш да се побара медицинска помош – се наведува во препораките.

На работодавците им се препорачува, доколку има можност, да овозможат работа од дома за ризичните категории вработени.

Од Општина Радовиш велат дека сите надлежни служби се постојано на терен и работат на локализирање и целосно гаснење на пожарот.

Истовремено, апелираат граѓаните да останат смирени и да ги следат официјалните информации и препораки преку медиумите и надлежните институции.

The post АЛАРМ ВО РАДОВИШ, ДЕПОНИЈАТА ГОРИ ПЕТТИ ДЕН Граѓаните предупредени да седат дома и да носат маски appeared first on plusinfo.mk.

Во објава на својот Фејсбук профил, тој вели веќе подолг период се случува „еколошка катастрофа“ во Кичево, каде општината и ЈП Комуналец – Кичево одложуваат отпад во центарот на градот и побара одговорност за загрозување на животот на граѓаните од Кичево.

„Еколошка катастрофа во Кичево, веќе подолг период општината и комуналното претпријатие одложуваат отпад во центарот на градот. Смрдеа, глодари, неподносливо станува да се живее. Денес кулминира со пожар кој ја зафати оваа дива депонија направена од страна на општината. Мора да има одговорност за загрозувањето на животот на граѓаните на оваа наша прекрасна општина. Иако како ВМРО-ДПМНЕ апелиравме и пријавуваме, денес се случува невиден хаос. Ги повикувам надлежните институциите да постапат веднаш“, напиша Сајкоски на својот Фејсбук профил.

The post ЕКОЛОШКА КАТАСТРОФА ВО КИЧЕВО Гори дивата депонија што ја направи општината appeared first on plusinfo.mk.