Со силно темпо се одвиваат градежните работи од финалната фаза за поврзување на улицата Љубљанска во Карпош со улицата Скупи преку новиот мост на Вардар, информира градоначалникот на Скопје, Орце Ѓорѓиевски.

„Проектот кој со години беше во застој, конечно влегува во завршница. Наскоро, овој важен мост на реката Вардар ќе биде ставен во функција и ќе овозможи подобро, побрзо и побезбедно движење за скопјани“, објави Ѓорѓиевски на Фејсбук.

Скопје нема време за застои и за изговори, се работи на откочување на проекти и на интензивирање на теренските активности со цел подобрување на функционалноста на градот, додаде тој.

Градоначалникот објави видео од изградбата на улиците, со што конечно овој мост ќе се стави во функција.

Мостот почна да се гради во 2021 година, а беше завршен во 2023 година, но остана неповрзан со улици.

Изградбата на мостот чинеше 6,2 милиони евра.

The post 🎥НАСКОРО ЌЕ СЕ ВОЗИ ПО МОСТОТ ЗА КОЈ БЕА ПОТРОШЕНИ 6,2 МИЛИОНИ ЕВРА Привршува изградбата на улицата Љубљанска, по 3 години застој appeared first on plusinfo.mk.

Очекувам овој проект да додаде вредност во животите на граѓаните, но истовремено да ја подобри логистиката низ државата, а ние како Влада ќе сториме се да биде реализиран во рамките на времето коешто претходно беше дефинирано – рече премиерот Христијан Мицкоски на денешниот увид во градежните работи на автопатот Гостивар-Букојчани.

Тој рече дека еден од врвните приоритети е изградбата на овој проект, битен за поврзувањето и подобрување на геостратешкото значење и положба на државата.

– Оваа Влада е целосно посветена на изградба на ваков тип на инфраструктура бидејќи поврзувањето, а и самата географска местоположба на државата треба да се искористи како предност. Да се биде раскрсница во регионот е стратешка предност и, како што кажа почитувана в.д. амбасадорка на САД во земјава, ние сме дел од НАТО и на овој начин, со реализирање на овие коридори, се подобрува отпорноста и безбедноста во регионот, но и на Јужното крило на НАТО – рече Мицкоски.

Тој се заблагодари на министерот за транспорт, на директорот на ЈПДП, на Управата за имотно правни работи, Министерството за финансии, Катастар и на сите други институции што учествуваат во реализација на овој проект.

– Работиме доста интензивно на оваа секција 2, односно на автопатот кој што оди од Гостивар до Букојчани, кој што од другата страна треба да се поврзе на автопатот Гостивар до Тетово, а во долната страна треба да се поврзе со автопатот кој ќе се гради од Букојчани до Кичево. Оттаму се поврзуваме на автопатот до Охрид и Струга кој веќе е во прогрес, така што ова е целиот автопат кој што оди на западното крило на Коридор 8, автопат кој што треба да го поврзе целиот овој регион, да донесе голем економски бенефит, повеќе бизнис и многу повеќе туристи – изјави вицепремиерот Николоски.

Тој истакна дека експропријацијата е завршена речиси 90 % што е за успех, а финансирањето е навремено што директно значи и навремена реализација на овој проект. Дополнително како што потенцира, градежништвото има историски раст од 21 %.

The post 🎥 ОЧЕКУВАМ ДЕЛНИЦАТА ГОСТИВАР-БУКОЈЧАНИ ДА БИДЕ ЗАВРШЕНА ВО ПРЕДВИДЕНИОТ РОК Мицкоски на увид на градежните работи на автопатот appeared first on plusinfo.mk.

Со свеченост и официјално пуштање во употреба, денеска беше отворен новиот патен правец Гевгелија – Богданци, инвестиција вредна 5 милиони евра финансирана преку буџетот на Јавното претпријатие за државни патишта.

На настанот присуствуваше вицепремиерот и министер за транспорт и врски, Александар Николоски, кој посочи дека овој пат има огромно значење за целиот јужен регион и претставува директна поврзаност со коридорот 10, Грција, Србија и главниот град Скопје.

– Денеска отвораме еден пат што многу значи за целиот регион – за Богданци, Гевгелија, Валандово и за Дојран. Ова е еден заглавен проект што го наследивме, но успеавме да го завршиме и денес гледаме нов модерен пат кој им овозможува на жителите подобра комуникација и економски напредок – изјави Николоски.

Тој нагласи дека патот ќе овозможи побрза размена на производи, олеснета комуникација меѓу општините, како и полесно движење за студентите, земјоделците и бизнисмените.

– Овој пат го поврзува регионот со Грција, Србија и главниот град Скопје. Тоа отвора нови можности – за развој, мобилност и економија, и за сите граѓани од овој дел на Македонија – рече министерот.

Николоски упати благодарност до премиерот Христијан Мицкоски, потенцирајќи дека без негова поддршка овој проект не би бил возможен.

– Големи проекти не се реализираат без силна поддршка. Благодарен сум на премиерот за секојдневната комуникација и координација – без него оваа инвестиција немаше да стане реалност – вели Николоски.

На крајот, тој упати пофалби до вредните работници, институциите и вработените во Министерството за транспорт и ЈП за државни патишта, со порака дека ова е само почеток на нов градежен бран:

– Нека е за среќа, и да се гледаме на уште многу, многу убави проекти – заврши Николоски.

The post НОВ ПАТ ЗА ГЕВГЕЛИЈА, БОГДАНЦИ, ВАЛАНДОВО И ЗА ДОЈРАН Модерна делница која го поврзува регионот со коридорот 10 appeared first on plusinfo.mk.

Градски воз, еколошки автобуси и трамвај се трите клучни проекти што ќе го трансформираат јавниот превоз во Скопје и ќе го намалат загадувањето, порача вицепремиерот и министер за транспорт, Александар Николоски, во гостувањето во емисијата „Само интервју“.

– На помалата верзија за проектот градски воз работиме со сопствени средства, додека подолгата е дел од т.н. британски проект. Тоа значи дека дел од брзата пруга ќе биде и големата верзија на градскиот воз во Скопје – истакна Николоски.

Тој најави и ексклузивна информација за замената на старите автобуси.

– Излезе повикот за набавка на 120 еколошки автобуси, од кои 80 ќе бидат за Скопје. Тоа е огромен чекор напред – рече тој.

Третиот столб во реформата, според Николоски, е воведувањето трамвај како трајно решение за дел од градскиот сообраќај. Според него, со реализацијата на овие три проекти, загадувањето од возилата во главниот град ќе се намали драстично.

Министерот најави и мерки на Владата за справување со аерозагадувањето од затоплувањето на домовите, споменувајќи нова амбициозна агенда што треба да донесе парно греење до што поголем број домаќинства.

The post СКОПЈЕ ЌЕ ДОБИЕ ТРАМВАЈ, ВОЗ И НОВИ АВТОБУСИ Николоски најави голема револуција во јавниот превоз appeared first on plusinfo.mk.

Распишан е нов меѓународен тендер за 400 киловолтно поврзување со Албанија кое беше запрено поради еднострано откажување на изведувачот на работите, информира денеска директорот на МЕПСО, Бурим Љатифи.

-Изградбата на ова поврзување ќе го позиционира нашиот електроенергетски систем со европскиот, овозможувајќи пристап до стабилни балансни услови. Земјава ќе стане енергетски јазол на Европа. Проектот е важен и за енергетската стабилност на земјата и отпорноста на преносната мрежа со минимизиран ризик од ценовни шокови и можност за зголемување на приклучната моќ на нови енергетски капацитети во системот   – рече Љатифи.

Тој појасни дека по раскинувањето на договорот со изведувачот и анализата на проектот, МЕПСО заедно со Европската банка за обнова и развој (ЕБРД) изработија нов модел на изградба на енергетското поврзување со Албанија.

-Проектот предвидува изградба на 100 километри надземен далекувод од тафостаницата Битола 2 до албанската граница. Рокот за понуди е 45 дена, а изборот на понудувач до крајот на годината, а реализацијата ќе почне од почетокот на следната година –рече Љатифи.

Тој рече и дека изградбата на ова енергетско поврзување со Албанија ќе чини  17 милиони евра и ќе биде  финансиран од заем и грантови преку ЕБОР и европските фондови.

-Веќе се исплатени околу 5,8 милиони евра кон претходниот изведувач Енергоинвест од кои околу 2 милиони евра се вратени преку банкарските гаранции. Средства се отидени за набавка на опрема која е наша сопственост и е околу 50% од опремата која ни треба за целосна реализација на проектот. За да потврдиме дека опремата и квантитативно и квалитативно е на ниво, ангажиравме стручни лица од Машински и Електро факултет кои тоа го потврдија- рече Љатифи.

Ангажирани беа, како што реше, и дополнителни стручни лица, консултанти и адвокати за да се дојде до одлуката за прекинување на соработката и распишување на нов тендер.

The post РАСПИШАН НОВ МЕЃУНАРОДЕН ТЕНДЕР ЗА ЕНЕРГЕТСКО ПОВРЗУВАЊЕ СО АЛБАНИЈА Проектот ќе чини 17 милиони евра appeared first on plusinfo.mk.

Тој зборуваше на панелот „Обновливи извори: Стратешки преглед на имплементацијата на обновливи извори на енергија” кој е дел од конференцијата организирана од Македонското здружение за обновливи извори на енергија (МАРЕС).

Бислимоски рече дека оваа обврска на РКЕ е произлезена од новиот Закон за енергетика.

– Ние сме инволвирани во пазарното поврзување помеѓу Грција, Македонија, Албанија и Косово, преку проект на УСАИД. Главната цел е да станеме интегриран дел од паневропскиот пазар. Со новиот Закон за енергетика се оди кон либерализација на пазарите што поттикнува инвестиции. Со овој процес за пазарна интеграција нашите компании ќе имаат можност да учествуваат на пазарите во соседните земји – посочи Бислимоски.

РKE, додаде тој, во рамки на своите надлежности, воведе надзор на пазарите на електрична енергија и природен гас.

– Развивме мониторинг платформа во која се собираат податоците од сите учесници на пазарот и доколку утврдиме непазарно однесување може да започнеме соодветни постапки пред судовите. Нефер пазарно однесување ќе се казнува со дел од приходот – објасни Бислимоски

The post НЕФЕР ОДНЕСУВАЊЕТО НА ПАЗАРОТ ЌЕ СЕ КАЗНУВА СО ДЕЛ ОД ПРИХОДОТ Бислимоски најави строга контрола на учесниците на пазарот на струја appeared first on plusinfo.mk.

Новата улица ги поврзува булеварите Борис Трајковски и Трета Македонска бригада и со истата ќе се намали сообраќајниот метеж кој се создава на крстосницата кај „Тутунски комбинат“.

„Дополнително, изградена е нова водоводна и канализациона мрежа, поставено е улично осветлување и изградени се нови подземни бунарски линиски системи кои се во функција со резервоар, пумпна станица и поврзување со хидрантска мрежа. Паралелно со градежните работи се изведоа заштитни огради и на крстосницата се постави нова светлосна сигнализација и соодветно обележување на хоризонталната сигнализација на коловозите“, соопштуваат од Град Скопје.

The post КОНЕЧНО ЗАВРШИ ИЗГРАДБАТА НА ЕСЕНИНОВА Пуштена улицата со која се поврзуваат општините Аеродром и Кисела Вода appeared first on plusinfo.mk.

Договорот го потпишаа извршниот директор на ГА-МА АД Скопје, Александар Арсиќ и извршниот директор на Булгартрансгаз, Владимир Малинов, а присуствуваше и извршниот директор на Национални енергетски ресурси АД Скопје, Бајрам Реџепи.

– Потпишувањето на овој договор е од големо значење бидејќи отвора можност за зголемување на сегашниот капацитет на гасоводот со Бугарија, како и ослободување на дополнителни капацитети за користење од повеќе снабдувачи и диверсификација на нашите извори на снабдување, како и користење на сите извори што во моментов се присутни на пазарот на природен гас во Република Бугаријa – рече министерот за економија Крешник Бектеши на денешното потпишување на договорот во Софија.

Со договорот за интерконекција помеѓу ГА-МА АД и Булгартрансгаз се одредуваат детално условите, оперативните процедури и одредби во врска со испораката на природен гас на точката на интерконекција на македонско-бугарската граница на Интерконективната точка Ќустендил -Жидилово, со цел да се олесни ефикасната интероперабилност на меѓусебно поврзаната преносна мрежа.

Конкретно со договорот се регулира зголемување на притисокот на компресорската станица. Техничкиот капацитет на точка на испорака ќе биде 3.044.000 нормални кубни метри, што значи дека техничкиот капацитет ќе се зголеми за 500.000 нормални кубни метри со можност за ослободување на дополнителни неискористени сегашни капацитети.

Со договорот исто така се менува методологијата за пресметка на количината на гас и начинот на определување на квалитетот на гасот и негова анализа и редовна проверка, односно мерењето на енергијата ќе се пресметува во киловат часови [kWh] наместо досегашните стандардни кубни метри на референтна температура од 20℃ [nm3].

Опсегот на дозволениот состав на гасот се зголемува со што се овозможува увоз на гас од различни извори. Минимално/максимално дозволените вредности на составот на гасот се изедначени со оние на соседите Грција и Бугарија каде е и возможен влез на гас од други извори. Се определува времето на почеток на гасен ден наместо досегашниот 08:00 рm, да биде 06:00 pm, заради прилагодување на ЕУ нормите.

Почетокот на имплементација е договорен да биде од 01.01.2023. Периодот до почетокот на имплементација ќе биде искористен како тест период помеѓу двата оператори, при што ќе треба и практично да се разработат сите процедури на работа. Во меѓувреме треба да се потпишат нови договори со снабдувачите и корисниците и да се усвојат нови правила на работа.

The post ГАС ЌЕ ДОБИВАМЕ ОД ПОВЕЌЕ ИЗВОРИ Потпишан договорот за меѓусистемско гасно поврзување со Бугарија appeared first on plusinfo.mk.

Ова денеска го порача премиерот Димитар Ковачевски на продолжувањето на изградбата на пругата кон Бугарија, кај местото Шупли Камен во близина на Куманово, на која присуствуваа и премиерот на Бугарија Галаб Донев, првиот вицепремиер и министер за политички систем и односи меѓу заедниците Артан Груби, министерот за транспорт и врски Благој Бочварски, директорот на ЈП „ЖРСМ Инфраструктура” Хари Локвенец, амбасадорот на Делегацијата на ЕУ, Дејвид Гир и директорот на канцеларијата на Европската банка за обнова и развој (ЕБОР), Анди Аранитаси.

– Оваа инвестиција на Северна Македонија отвора нови европски рути за железнички превоз, воспоставува регионално поврзување со пристаништата Бургас и Варна во Бугарија и пристаништето Драч во Албанија, што е од исклучителна важност за нашата економија, но и генерално за соработката во регионот во целина, како и соработка на регионот со други региони во Европа. Оваа економска енергетска криза со која што се соочуваме, посочи премиерот, ни предочи многу јасно колку е важна регионалната соработка и поврзаност и секако добрососедството. Оваа долго очекувана пруга, рече тој, очекувам покрај забрзан економски развој и на земјата и на регионот да придонесе и кон подобрување токму на регионалното поврзување и регионалната соработка – рече премиерот Ковачевски.

Бугарскиот премиер Галaб Донев, на почетокот на изградбата на источниот дел од железничкиот Коридор 8, порача дека тој е важен за сите три земји, како за Бугарија, така и за Албанија и Северна Македонија и дека без сомнеж ќе придонесе за додадена вредност на развојот на целиот наш регион.

– Коридорот 8 беше желба на многу генерации од двете страни на границата како клучна врска меѓу граѓаните и бизнис секторот од трите земји Бугарија, Северна Македонија и Албанија – изјави Донев.

Изградбата на Коридорот 8, кој поврзува три земји сојузници на НАТО, посочи Донев, е од интерес и за заедничката регионална безбедност, но истовремено ќе придонесе и за зголемување на трговската и стокова размена меѓи земјите.

– Задоволство е што еден од овие проекти започнува сега, со помош на Европската Унија. Годината пред нас ќе биде исполнета со инфраструктурни работи, но и ќе ги подобри квалитетите на животот на луѓето – порача првиот вице-премиер и министер за политички систем и односи меѓу заедниците, Артан Груби.

Порача дека ќе има работа за сите и посака успешна работа и целосно завршување на железницата за кратко време.

Според министерот за транспорт и врски Благој Бочварски, ова претставува отворање на ново поглавје во изградбата на македонската инфраструктура и дека визијата за европска држава не е повеќе желба, бидејќи, како што рече, овој проект е дел од европската перспектива за развој и просперитет на државата.

– Успехот е заеднички, покажавме упорност, одлучност и ја започнуваме најголемата инвестиција во железничката инфрастукруа во независна Македонија од 1991 година до денес, во вредност од 200 милиони евра – вели Бочварски.

Додава дека се исправени пред голем предизвик за завршување на Коридорот 8 и оската Исток-запад како дел од пан-европските коридори.

– Изградбата на оваа железничка линија од Куманово до Крива Паланка и во следната фаза од К. Паланка до Бугарија е инвестиција од над 600 милиони евра и претставува сериозен чекор во развојот на регионалната железничка инфраструктура – вели министерот.

Евроамбасадор Дејвид Гир, порача дека ова е вистински стратешка иницијатива што ќе помогне да се промовира регионалната трговија, да се намали времето на патување и да се поттикне одржлив економски раст што ќе донесе голема корист за граѓаните и претпријатијата од регионот.

– Иницијативата практично ќе ги помогне и нашите напори за добрососедски односи и за остварување на климатските цели и загадувањето. ЕК и ЕБОР ќе инвестираат повеќе од милијарда евра во проширувањето на железничката линија од Северна Македонија до Бугарија и ова е убедливо најголемата инвестиција што ЕУ ја направила во оваа држава – изјави Гир.

Анди Аранитаси од Европската банка за обнова и развој, нагласи дека железницата е еден од врвните приоритети на ЕБОР на Западен Балкан ќе продолжат со слични инвестиции и во иднина.

– ЕБОР е најголем давател на финансии за Северна Македонија и досега се дадени повеќе од 1,1 милијарада евра, но железницата е во нашето срце и досега се дадени 250 милиони евра и ќе дадеме уште 100 милини за делот од Крива Паланка до границата со Бугарија, а ќе ја поддржиме и изградбата на западниот дел од Кичево – изјави Аранитаси.

Делницата Бељаковце – Крива Паланка се гради со финансиска помош на ЕУ обезбедена преку Инвестициската рамка за Западен Балкан (ВБИФ). Грантот финансиран од ЕУ-ВБИФ од 75 милиони евра, дополнет со национален придонес од 1 милион евра, е доделен за да се доближи овој железнички дел до современите стандарди. Работите ќе се изведуваат од октомври 2022 година до крајот на 2025 година и опфаќаат тунели во должина од 5,5 километри, железнички мостови, над и подвозници, железнички станици и стојалишта, како и нов систем за сигнализација и телекомуникација. Дополнителен грант финансиран од ЕУ од 210 милиони евра е во план за завршување на источниот крај на железничкиот Коридор 8 до границата со Бугарија, информираше Канцеларијата на ЕУ во Скопје во пресрет на денешните активности.

Изградбата на пругата кон Бугарија е почната во 1994 година, од кога се одвојувани пари од државните буџети до 2004 година, кога првпат се стопирани активностите. По речиси децениски застој на градежните работи, во март 2014 година почна обновата на изградените тунели и мостови и градба на новите делови согласно со проектот на првата делница. Со договорот со тогашниот изведувач – германски „Вибе”, беше предвидено пругата да се изгради до септември 2017 година, но поради проблеми при изведбата, претежно од имотно правен карактер беше потпишан анкес со рок за изградба до февруари 2020 година, по што во јуни 2020 година работите беа прекинати со реализирани 54 проценти, а државата најави арбитражна постапка. Во февруари лани ЈП МЖ Инфраструктура преку Европската банка за обнова и развој распиша нов тендер во кој ги спои првите две делници. Тендерската постапка се заокружи со изборот на новите изведувачи „Ѓулермак” и „Штрабаг” и потпишување договор во јули годинава.

The post КОРИДОРОТ 8 ОТВОРА НОВИ ЕВРОПСКИ РУТИ Ковачевски и Донев сметаат дека тој е од интерес и за заедничката регионална безбедност appeared first on plusinfo.mk.

Тунелот наречен „Фемарнбелт” (Fehmarnbelt Tunnel / Fehmarnbelt Fixed Link), ќе биде долг 18 километри и е еден од најголемите европски инфраструктурни проекти со буџет кој надминува 7 милијарди евра. За споредба, тунелот што ги поврзува Англија и Франција („Евротунелот” под Ла Манш) е долг 50 километри, завршен е 1993 година, а денес би чинел 12 милијарди фунти. Иако е подолг од „Фемарнбелт”, „Евротунелот” бил граден со машинско дупчење, а не со потопување на претходно направени делови од тунелот.

Новиот тунел е дизајниран како алтернатива на траект-линија што превезува милиони патници годишно. Возењето со траект трае 45 минути, па со воз тоа ќе се намали на седум, а со автомобил на 10 минути.

Планирањето на тунелот траеше повеќе од 10 години, а изградбата почна 2020 година, неколку месеци по завршувањето на работите на привременото пристаниште на страната на Данска. Тоа сега ќе служи како погон што ќе произведе вкупно 89 огромни бетонски делови за тунелот.

– Првата производна линија ќе биде готова до крајот на оваа или почетокот на следната година. До почетокот на 2024 година ќе бидеме подготвени да го поставиме првиот елемент од тунелот, изјави директорот на данската компанија „Фемерн А/С”, задолжена за проектот.

Овој тунел би бил најдолгиот во светот што ќе ги комбинира патниот и железничкиот сообраќај. Ќе се состои од два правци со двојни ленти, па се верува дека ќе го олесни поврзувањето меѓу скандинавските земји и Средна Европа, коешто ќе биде до 160 километри покусо од денес.

The post НОВО ПОВРЗУВАЊЕ МЕЃУ ДАНСКА И ГЕРМАНИЈА Подводен тунел во Балтичко море кој ќе го скрати времето на патување (ВИДЕО) appeared first on plusinfo.mk.