Вооружен маж вчера отворил оган во близина на Белата куќа, ранувајќи тинејџер кој случајно се нашол во близина, по што припадниците на американската Тајна служба возвратиле на огнот и го застрелале осомничениот.

Тајната служба, која е одговорна за заштита на американскиот претседател и други високи претставници, на мрежата „Икс“ објави дека инцидентот бил „резултат на конфронтација помеѓу вооружено лице и полицијата на Тајната служба“.

И осомничениот и тинејџерот биле пренесени во болница. Состојбата на напаѓачот не беше веднаш објавена, додека повредите на тинејџерот не се сметаат за опасни по живот, пренесе ДПА.

Инцидентот се случил јужно од Белата куќа, во близина на споменикот на Вашингтон, што предизвикало краткотрајно затворање на претседателскиот комплекс, иако самиот имот не бил директно загрозен.

Тајната служба претходно соопшти дека екипите за итна помош интервенираат јужно од Белата куќа и ги повика граѓаните да ја избегнуваат областа.

Новинарите во Белата куќа известија дека за време на инцидентот биле однесени во просторијата каде што вообичаено се одржуваат прес-конференциите. Американскиот претседател Доналд Трамп продолжил со настанот со сопственици на мали бизниси за време на инцидентот.

The post МАЖ ОТВОРИ ОГАН ВО БЛИЗИНА НА БЕЛАТА КУЌА Застрелани тинејџер и напаѓачот appeared first on plusinfo.mk.

Министерството за здравство информира дека денеска уште пет пациенти од повредените во трагедијата во Кочани се враќаат од лекување од Србија. Согласно протоколот, потоа тројца пациенти ќе бидат под опсервација на Клиниката за пластична хирургија, еден пациент во Хируршка клиника „Св. Наум Охридски“, а еден пациент на сопствено барање лекувањето ќе го продолжи во приватната клиника „Жан Митрев“.

Во земјава во моментот се лекуваат вкупно тројца пациенти, од кои во Хируршката клиника „Св.Наум Охридски“ еден пациент, а во приватната болница Систина двајца пациенти.

Во текот на утрешниот ден е најавено враќање на еден пациент од Белгија, кој ќе биде под опсервација на Клиниката за пластична хирургија.

„Министерството за здравство континуирано ја следи состојбата со повредените пациенти со цел обезбедување најдобар можен третман, како и натамошна рехабилитација“, се вели во соопштението.

Пожарот во дискотеката „Пулс“ во Кочани избувна рано наутро на 16 март. Во трагедијата животот го загубија 62 лица, а близу 200 беа повредени.

The post ПЕТ ПАЦИЕНТИ СЕ ВРАЌААТ ОД БЕЛГРАД Повредените од „Пулс“ одат на опсервација пред да заминат дома appeared first on plusinfo.mk.

Според информациите од портпаролот на СВР Струмица, Александра Трајанова, еден од мигрантите е со потешки повреди, а останатите имале полесни повреди.

– Според кажувањата на мигрантите сите се од Сирија, некои имале патни исправи, а некои немале. Синоќа во 18:10 часот е пријавено дека товарно возило излетало од патот на клучка од село Марвинци кон М1, регионален пат Гевгелија – Демир Капија. Возачот побегнал, а на местото на излетувањето на камионот се пронајдени мигрантите – изјави Трајанова.

Повредените биле пренесени во гевгелиската и во струмичката болница, а по укажаната помош еден е задржан на лекување во Гевгелија и еден е испратен на понатамошно лекување во Клиничкиот центар во Скопје.

– Мигрантите беа донесени со возила на итната медицинска помош од Валандово, Кавадарци, Неготино и од Гевгелија. Вкупно беа згрижени 24 лица со различен тип и тежина на повреди. По направените прегледи констатирано е дека 22 лица се со полесни повреди и по санирањето се испратени во Прифатниот центар „Винојуг“. Две лица со потешки повреди се испратени во Скопје. Едното од нив е задржано, а другиот е вратен на хируршкото оделение во нашата болница. Според информациите од колегите тоа е во добра здравствена состојба и ќе биде префрлено во Прифатниот центар – изјави д-р Митко Крџев, директор на болницата во Гевгелија.

Единаесет од повредените мигранти синоќа биле примени во струмичката болница, каде по укажаната помош се пратени во Прифатниот центар „Винојуг“ во Гевгелија.

По насоки на јавен обвинител, увид на лице место извршија увидни екипи на МВР, се постапува за утврдување на причините за несреќата и другите околности на настанот.

The post ВО „СКАНИЈАТА“ ШТО ИЗЛЕТА ПОВРЕДЕНИ 35 МИГРАНТИ Двајца се задржани во болница, другите се пратени во Прифатниот центар „Винојуг“ appeared first on plusinfo.mk.

Синоќешните протести ескалираа кога демонстрантите се судрија со полицијата. Тие се незадоволни бидејќи властите ја донесоа одлуката за затворање на градежната индустрија на две недели, поради лошите мерки за заштита при работа.

Министерството за здравство потврди дека 409 случаи на коронавирус се поврзани со луѓе кои работат во градежната индустрија.

– Како резултат на овие податоци, тимот за јавно здравје нема друг избор освен да го притисне копчето за пауза и да продолжи да работи со секторот во следните две недели со цел да се подобри усогласеноста и да се забави ширењето на вирусот – рече министерот за здравство.

Оваа одлука ги налути работниците чијашто егзистенција беше загрозена на овој начин и тие одлучија своето незадоволство да го изразат со протести на улиците во Мелбурн.

Видео кое кружи на Твитер покажува како полицијата почнува да бега со автомобили откако гневните демонстранти тргнаа кон нив. Тие се обидоа брзо да ги свртат службените возила и да побегнат, меѓутоа, револтираните граѓани ги стигнаа.

Meanwhile in Melbourne. pic.twitter.com/IlIHCFgRAW

— Avi Yemini (@OzraeliAvi) September 21, 2021

Некои од нив почнаа да фрлаат камења и шишиња по автомобилите, додека други отидоа чекор подалеку и почнаа да ги удираат возилата со рацете и да кршат ретровизори и ветробрански стакла.

Еден полициски автомобил потоа застана и вооружените полицајци тргнаа кон толпата, која во тој момент почна да бега.

Полицијата соопшти дека за време на протестот кон нив биле фрлани шишиња, камења и други предмети при што биле повредени неколку полицајци од страна на демонстрантите, пренесува „Гардијан“.

Командантот на полицијата во Викторија, Марк Галиот, денеска им рече на новинарите дека се уапсени 235 демонстранти, меѓу кои 193 лица, кои исто така ќе бидат казнети за кршење на мерките за јавно здравје.

Многумина во коментарите го осудија насилното однесување на граѓаните, наведувајќи дека тие не го оправдуваат таквото насилство, како и дека ова не е начин да се добие посакуваната слобода.

The post НЕРЕАЛНИ СЦЕНИ ОД ПРОТЕСТИТЕ ВО МЕЛБУРН Полицијата во џипови бега од лутите демонстранти (ВИДЕО) appeared first on plusinfo.mk.