Јавното обвинителство издаде наредба за обдукција на телото на двегодишното дете кое почина како последица на повреда здобиена за време на новогодишната ноќ.

– Во однос на починатото двегодишното дете, Основното јавно обвинителство Скопје издаде наредба за обдукција на телото, соопштија денеска од Обвинителството.

Министерот за внатрешни работи Панче Тошковски вчера информираше дека за време на новогодишната ноќ се случиле два сериозни инцидента – убиство на турски државјанин со нож, во Скопската чаршија, и тешко повредено двегодишно дете, на засега непознат начин.

Тошковски посочи дека повредата на детето е од „метален фрагмент кој во тој момент не можел детално да се специфицира“.

– Има повеќе теории на случај за тоа како е повредено детето. Штом точно ги утврдиме причините за настанување на оваа тешка телесна повреда ќе ја информираме јавноста – рече Тошковски.

The post ПОЧИНА ДВЕГОДИШНОТО ДЕТЕ ПОГОДЕНО СО КУРШУМ ЗА НОВА ГОДИНА Сѐ уште не се објавени околностите на повредата и идентитетот на детето appeared first on plusinfo.mk.