Две учеснички на Eвропскиот младински олимписки фестивал (ЕМОФ) се повредиле при пристигнување на целта по велосипедската трка во Куманово, соопшти денеска СВР Куманово.

– Вчера во СВР Куманово било пријавено дека за време на одржување на велосипедска трка, при пристигнување на целта паднале и се повредиле една малолетничка од Полска и С.М.С.(21) од Норвешка, кои се учеснички на Eвропскиот младински олимписки фестивал кој се одржува во нашата земја. Тие се здобиле со телесни повреди констатирани во Општа болница Куманово – соопшти кумановската полиција.

Од кумановската болница денеска информираа дека девојчињата имале гребнатини по различни делови од телото. По пружената помош биле преземени од организаторите.

– Две девојчиња едното малолетно, другото 21 година, околу 13:20 часот биле примени во установата. Двете биле прегледани од лекари и им биле констатирани гребнатини по различни делови од телото. Лекарите ги прегледале, опсервирале, им направени дополнителни иследувања, снимања. Се работи за лесни повреди, по спроведената опсервација од лекарите, учесничките биле преземени од одговорните лица за младинки од Олимпискиот комитет – изјави главниот медицински техничар, Владимир Симоновски.

Двајцата малолетници од Исланд во кои удри возило, во атарот на село Зубовце, поминале со полесни повреди, гребнатини. Едниот од нив имал гребнатини по рацете и по нозете и по пружената здравствена нега бил преземен од комитетот. Вториот малолетник имал гребнатини и по лицето, бил здржан во текот на ноќта во болницата, но и тој бил отпуштен. 

The post ДВЕ ВЕЛОСИПЕДИСТКИ ПАДНАЛЕ НА ФИНИШОТ Имаат гребнатини по телата appeared first on plusinfo.mk.

Велосипедската федерација на Македонија жали за инцидентот во кој кумановец со возило удри во двајца велосипедисти од Исланд, учесници на Европскиот младински олимписки фестивал (ЕМОФ). Федерацијата им посакува брзо опоравување и појасни дека за време на инцидентот тие не тренирале на предвидените патеки.

„Организацијата на EYOF јасно упати и одреди за сите велосипедисти учесници на натпреварите точно утврдени термини за тренинг, на точно утврдени патеки за тренинг кои беа проследени со полициска придружба токму од причина да не дојде до вакви инциденти, имајќи ја во предвид сообраќајната некултура која владее. Наспроти нашите препораки, велосипедистите ‘на своја рака’ се упатиле на тренинг и тоа на патека која воопшто не беше означена како дел од терените за тренинг“, се наведува во реакцијата од Велосипедската федерација на Македонија објавена на Фејсбук.

КУМАНОВЕЦ СО АВТОМОБИЛ УДРИЛ ВО ДВАЈЦА ОЛИМПИЈЦИ Младите велосипедисти тренирале за претстојната трка

Оттаму додаваат дека повреденото дете со скршена рака чија фотографија се споделува е дел од репрезентацијата на Литванија. Националната репрезентација на Литванија уште пред отворањето на игрите објавила дека велосипедистот се повредил на патеката за Крос кантри во Куманово за време на тренинг при пад врз еден од техничките елементи на самата патека.

„Тоа е сосема друг инцидент кој нема никаква поврзаност со сообраќајниот инцидент. Тврдиме дека сите протоколи и безбедносни мерки беа спроведени од наша страна а се однесуваат на грижа и безбедност на нашите гости велосипедисти и при тоа сите натпревари поминаа во најдобар ред во организација со која можеме да се гордееме“, додаваат од Федерацијата.

ЛИТВАНЕЦ СКРШИЛ ЗГЛОБ И ВИЛИЦА НА ТРЕНИНГ Младиот олимпиец излетал на последниот свиок

Од Федерација нагласуваат дека најостро го осудуваат невниманието и дивеењето во сообраќајот за кое покренале бројни иницијативи за подобрување на безбедноста. Велосипедистите кои секојдневно тренираат на патиштата низ Македонија се соочуваат со вакви и со слични ситуации.

The post ПОВРЕДЕНИТЕ ВЕЛОСИПЕДИСТИ НА СВОЈА РАКА ТРЕНИРАЛЕ НА НЕОЗНАЧЕНА ПАТЕКА Велосипедската федерација појасни дека патеките за тренинг биле со полициска придружба за да се избегнат инциденти appeared first on plusinfo.mk.