Трагичен инцидент се случи денес во училиштето Маријано Морено во Сан Кристобал, каде 15-годишно момче отвори оган, при што загина еден ученик, а осум други се повредени, соопштија локалните власти.

Напаѓачот бил приведен веднаш по инцидентот, додека полицијата го обезбедила училиштето. Според првичните информации, шест ученици се здобиле со полесни повреди додека бегале од местото и се надвор од животна опасност. Двајца повредени се префрлени во Регионална болница Рафаела, од кои едниот е во сериозна, но стабилна состојба.

Очевидци раскажуваат дека напаѓачот излегол од тоалетот со оружје и почнал да пука, по што настанала паника меѓу учениците. Инцидентот се случил додека учениците чекале да се подигне националното знаме, ритуал што се изведува пред почетокот на наставата во градот со околу 16.000 жители.

Властите веруваат дека било употребено огнено оружје, најверојатно пушка. Наставата била веднаш прекината, а учениците биле испратени дома. Идентитетите на напаѓачот и жртвите засега не се објавени.

Судските власти соопштија дека 15-годишникот нема веднаш да биде кривично гонет, бидејќи новиот закон за малолетничка кривична постапка, кој предвидува одговорност од 14 години, сè уште не е стапен на сила. Тој ќе почне да се применува за 180 дена. Според важечките прописи, максималната мерка за малолетник може да биде сместување до 15 години во специјализиран центар со програми за ресоцијализација.

Истражните органи ќе утврдат како момчето дошло до оружјето и дали постои одговорност кај родителите или возрасните од неговата околина. Локалната функционерка Каролина Морели повика на поголемо внимание кон психолошката и социјалната поддршка на учениците и нивната средина.

The post МАСАКР ВО УЧИЛИШТЕ ВО АРГЕНТИНА Тинејџер уби едно дете и повреди осуммина appeared first on plusinfo.mk.

Повеќе од 30 лица,  29 ученици и тројца наставници, се повредени во училиште во југозападна Германија, откако во училиштето бил испуштен иритирачки гас, соопшти локалната полиција. Инцидентот се случи денеска околу 11:30 часот во Алберт Швајцер Шуле (Albert‑Schweitzer‑Schule) во градот Шпизен-Елверсберг (Spiesen‑Elversberg), кој се наоѓа близу француската граница, југозападно од Франкфурт.

Во моментот на инцидентот во зградата се наоѓале приближно 170 лица. Повеќето од повредените претрпеле иритации на респираторниот тракт и очите. Некои биле префрлени во болница за понатамошна медицинска помош, додека други биле третирани на лице место. Училиштето веднаш било евакуирано, а полицијата започнала истрага за дело „опасно телесно повредување“ . Сторителот сè уште се бара и засега е непознат.

Точниот вид на испуштениот гас сè уште не е утврден, но германските медиуми наведуваат дека станува збор за Рајцгас (Reizgas) — иритирачко средство, можеби Пеферспрај (Pfefferspray) или Це-ес-гас (CS‑Gas). Рајцгасот предизвикува иритација на очите, кожата и респираторниот тракт, но не се смета за боев отров. Најчесто се користи за самозащита, контрола на толпа или обезбедување на јавен ред. За разлика од боевите отроови, Рајц-гасот, не е смртоносен.

Локалните медиуми пренесуваат дека службите за итна помош реагирале брзо, а градот и училиштето соопштиле дека се преземаат сите мерки за заштита на учениците и персоналот. Инцидентот предизвика засилено внимание кај родителите и јавноста, бидејќи слични настани, со испуштање на иритирачки гас се ретки во училишта во Германија.

The post 32 УЧЕНИЦИ И НАСТАВНИЦИ ПОВРЕДЕНИ ВО ГЕРМАНСКО УЧИЛИШТЕ Вдишале иритирачки гас од непознато потекло appeared first on plusinfo.mk.

„При распитот осомничениот рече дека бил цел на злоставување, а оваа информација е потврдена и во полициската истрага“ – соопштија од полицијата.

Знамињата беа спуштени на половина копје ширум Финска поради смртта на 12-годишно момче кое загина при пукање во училиште, за кое полицијата соопшти дека го извршил школски другар.

Две ученички од Виертола, исто така на возраст од 12 години, се тешко ранети во нападот во вторникот, соопштија болничките власти и полицијата.

Осомничениот 12-годишник е уапсен на околу четири километри од училиштето.

По смртоносните престрелки во училиштата во 2007 и 2008 година, Финска ги заостри законите за оружје во 2010 година и воведе тест за способност за сите кандидати за дозвола за оружје. Покачена е и минималната возраст за кандидатите од 18 на 20 години.

Во земјата со 5,6 милиони жители, каде што ловот и пукањето се популарни, има повеќе од 1,5 милиони лиценцирано огнено оружје и околу 430.000 носители на дозвола.

The post ОТКРИЕН МОТИВОТ ЗА НАПАДОТ ВО УЧИЛИШТЕТО ВО ФИНСКА Момчето-убиец било злоставувано appeared first on plusinfo.mk.