Дежурен јавен обвинител од Основното јавно обвинителство Скопје изврши увид на лице место на локација во Кисела Вода, каде при одрон на градилиште еден работник го загуби животот, а тројца беа повредени.

Јавниот обвинител издал наредба за обдукција на починатиот.

– Во насока на испитување на причините за несреќата и почитувањето на прописите за заштита при работа постапуваат и Државниот инспекторат за труд и општински градежен инспектор – информираат од Обвинителство.

Претходно, доктор Драган Панов, шеф на смена во Итна медицинска помош – Скопје, за МИА информираше дека според првичните информации, настраданите најверојатно се на возраст од 35 до 45 години, но, увидот ќе покаже за што точно станува збор и под какви околности се случила несреќата.

Жртвата, според првичните информации, е на 34-годишна возраст.

The post ДАЛИ СЕ ПОЧИТУВАЛЕ ПРОПИСИТЕ ЗА ЗАШТИТА ПРИ РАБОТА? Се испитуваат причините за трагедијата на градилиште во Кисела Вода appeared first on plusinfo.mk.

Двајца од работниците кои утринава беа затрупани со земја на градилиште во Кисела Вода се со полесни телесни повреди и контузии, а еден е со скршеници на двете потколеници и една натколеница, информира Ургентниот центар при Комплексот клиники „Мајка Тереза“ во Скопје.

– Во врска со несреќата на градилиште во Кисела Вода, информираме дека во Ургентниот центар се транспортирани тројца повредени градежни работници. Двајца од работниците се со полесни телесни повреди и контузии, во тек се дијагностички процедури. Кај едниот од нив веднаш е санирана повреда на лактот, а третиот пациент е со скршеници на двете потколеници и една натколеница. Се следи здравствената состојба на повредените лица и продолжува нивниот медицински третман – се наведува во соопштението од Ургентниот центар.

Доктор Драган Панов, шеф на смена во Итна медицинска помош – Скопје, претходно изјави дека при несреќата загинал градежен работник и дека тројца се повредени.

ЕДЕН ОД ЗАТРУПАНИТЕ РАБОТНИЦИ ЗАГИНА, ДВАЈЦА СЕ ТЕШКО ПОВРЕДЕНИ Медицински извори ја потврдија смртта

The post ДВАЈЦА РАБОТНИЦИ СЕ СО ПОЛЕСНИ ПОВРЕДИ, ТРЕТИОТ ИМА СКРШЕНИЦИ НА НОЗЕТЕ Повредените се згрижени во Ургентниот центар appeared first on plusinfo.mk.

Дел од средновековната кула Торe деи Конти во срцето на Рим се срушил за време на реставрација. Италијанските пожарникари извлекле четворица работници од урнатините, а потрагата по уште едно лице продолжила и по неколку часа.

Меѓу повредените има 64-годишен маж со сериозни повреди кој бил пренесен во болницата Сан Ѓовани. Двајца други работници добиле полесни повреди и одбиле хоспитализација. Портпаролот на пожарникарите Лука Кари истакна дека сите служби работат координирано за да ја стабилизираат конструкцијата и да ги спасат заробените.

La Torre dei Conti ai Fori Imperiali, a Roma, è parzialmente crollata. Erano in corso dei lavori di ristrutturazione della torre. Sul posto sono presenti gli agenti della Polizia di Roma Capitale e sono in corso le verifiche per capire se ci siano persone coinvolte dal crollo.… pic.twitter.com/xGZjs9PkqU

— Repubblica (@repubblica) November 3, 2025

Кулата, изградена во 1238 година по налог на папата Инокентиј III, се наоѓа веднаш до Колосеумот и Римскиот форум. Според првичните извештаи, несреќата се случила околу 11.30 часот во текот на работи финансирани преку Националниот план за опоравување и отпорност на Италија.

Местото е блокирано од полицијата и противпожарните екипи, а експерти за културно наследство ја анализираат стабилноста на останатиот дел од кулата. Римската општина објави дека ќе ја преиспита целата безбедносна процедура на тековните реставраторски проекти во историскиот центар.

The post 📽️ ТРАГЕДИЈА КАЈ КОЛОСЕУМОТ, СЕ УРНА КУЛА ВО РИМ Извлечени четворица, се трага по лице под урнатините appeared first on plusinfo.mk.

Инцидентот е пријавен синоќа во  СВР Скопје од Комплексот клиники „Мајка Тереза“ во Скопје каде што биле донесени Ш.С.(57) со тешки телесни повреди и Р.Р.(31) со телесни повреди, двајцата од скопското село Бојане.

Како што информира денеска МВР, според пријавеното, лицата се здобиле со повредите при извршување градежни работи во село Липково за фирма од Скопје.

Увид на местото извршиле екипа на СВР Куманово и трудов инспектор и се преземаат мерки за расчистување на случајот.

The post ДВАЈЦА РАБОТНИЦИ СЕ ПОВРЕДЕНИ НА ГРАДЕЖЕН ОБЈЕКТ ВО ЛИПКОВО На терен излегоа полициски и трудови инспектори appeared first on plusinfo.mk.

Во автобусот биле работници од третата смена кои се враќале дома.

Според првичните информации од полицијата, има повредени, но не се во животна опасност.

Полицијата врши увид.

The post СЕ ПРЕВРТЕ АВТОБУС СО ВРАБОТЕНИ ВО „КРОМБЕРТ И ШУБЕРТ“ Има неколку повредени, но не се во животна опасност appeared first on plusinfo.mk.