Дваесет и петгодишна девојка се здобила со тешки телесни повреди, а две нејзини сопатнички биле повредени во сообраќајна несреќа што се случила на локалниот пат меѓу тетовските села Вејце и Селце.

Според информациите од полицијата, несреќата се случила на 17 јуни околу 13 часот, кога четирицикл со тетовски регистарски ознаки, управуван од Е.Т. (25) од селото Селце, излетал надвор од коловозот.

Во незгодата, возачката се здобила со тешки телесни повреди, додека нејзините сопатнички Е.Б. (18) и В.Т. (20), исто така од Селце, се здобиле со телесни повреди.

На повредените им била укажана лекарска помош во Клиничката болница во Тетово, каде што биле констатирани повредите.

Увид на местото на несреќата извршила увидна екипа на СВР Тетово, а причините за излетувањето на четирициклот се утврдуваат.

The post ЧЕТИРИЦИКЛ ИЗЛЕТА ОД ПАТОТ КАЈ ТЕТОВО Тешко повредена 25-годишна двојка и две сопатнички appeared first on plusinfo.mk.

Три девојки се повредени во сообраќајна несреќа што се случила денеска околу 14:20 часот на автопатот Скопје–Велес, на мостот по наплатната станица Сопот.

Според информациите од МВР, патничко возило „опел“ со велешки регистарски ознаки, управувано од 19-годишната Л.Ќ. од Велес, се превртело на коловозот.

Во несреќата повредени се возачката Л.Ќ., како и нејзините сопатнички Е.Ш. (20) и Т.Т. (17), двете исто така од Велес.

Сите три лица биле пренесени во Општата болница во Велес, каде им биле констатирани телесни повреди.

За случајот бил известен јавен обвинител, а увид на местото извршила екипа од СВР Велес.

The post ТРИ МЛАДИ ДЕВОЈКИ ПОВРЕДЕНИ ВО НЕСРЕЌА КАЈ СОПОТ Автомобил се преврте на автопатот Скопје–Велес appeared first on plusinfo.mk.

Во петокот во 18:47 часот во СВР Скопје било пријавено дека на улицата Радишанска во  Скопје, патничко возило „фиат пунто“  удрило во 31-годишната С.М. и 27-годишната М.Ш., двете од Скопје, а возачот го напуштил местото на настанот.

Во полицискиот билтен се наведува дека во несреќата со тешки телесни повреди се здобила М.Ш, а со телесни повреди С.М., констатирани во Ургентен центар при комплекс клиники „Мајка Тереза“ во Скопје.

Извршен бил увид од увидна екипа од СВР Скопје, се преземаат мерки за расчистување на случајот.

The post ПРЕГАЗИЛ ДВЕ ДЕВОЈКИ НА УЛИЦА РАДИШАНСКА И ПОБЕГНАЛ Една од девојките е тешко повредена appeared first on plusinfo.mk.