25-годишник од Скопје е осомничен за обид за убиство откако по расправија во угостителски објект избодел друго лице со нож.

Инцидентот се случил на 23 април по полноќ, кога вербална расправија меѓу двајцата прераснала во физичка пресметка. Според информациите од истрагата, во еден момент оштетениот го нападнал осомничениот, по што 25-годишникот извадил нож и му задал неколку убоди.

Нападнатиот добил рани во градниот кош, грбот и стомакот. По укажаната лекарска помош, тој бил пуштен на домашно лекување.

Од Обвинителството информираат дека против осомничениот е поведена истражна постапка за обид за убиство, а до судот е доставен предлог да му биде одреден куќен притвор.

И од СВР Скопје преку соопштение ја информираа јавноста настанот што се случи во центарот на градот.

„Полициски службеници од СВР Скопје го лишија од слобода А.Ч. од Скопје затоа што на 23.04.2026 пред угостителски објект на ул. “50 Дивизија” со нож му нанел убодни рани на А.Ѓ.. Веднаш по добиената пријава за настанот, полициски службеници презедоа соодветни мерки и активности и случајот е во целост расчистен.
Напаѓачот е лишен од слобода, а од страна на Единицата за насилен криминал при СВР Скопје, во координација со ОЈО Скопје, е поднесена кривична пријава по итна постапка против А.Ч. за кривично дело “обид за убиство” по член 123 во врска со член 19 од КЗ. Од страна на судија на претходна постапка, на лицето му е определена мерка куќен притвор во траење од 30 дена“, велат од полицијата

The post МАЖ ИЗБОДЕН ВО ГРБ, ГРАДИ И ВО СТОМАК ПО КАВГА Притвор за осомничен за убиство пред ресторан во Скопје appeared first on plusinfo.mk.

О.Е. (25) од Скопје бил застрелан во градниот кош и раката и со повреди од огнено оружје бил пренесен во Ургентниот центар при Клиничкиот комплекс „Мајка Тереза“. Настанот, како што информира МВР, се случил ноќеска околу 00:30 часот пред неговиот дом во скопската населба Бит Пазар.

Според пријавата, сè започнало со недоразбирање во сообраќајот помеѓу О.Е. и неговиот сосед Ќ.Ч., кое прераснало во жестока расправија, а потоа и во физички напад врз О.Е.

По тоа, Ќ.Ч. заедно со лицата М.Ч., Ш.Ч., О.Ч. и Б.М. насилно влегле во дворот на О.Е., каде ги нападнале и неговиот татко Д.Е. и братот М.Е. Во текот на нападот, Ќ.Ч. извадил пиштол и испукал неколку куршуми, при што го погодил О.Е. во градниот кош и раката.

На местото на настанот увид извршила екипа од СВР Скопје, при што биле пронајдени три чаури од огнено оружје.

Од Министерството за внатрешни работи информираат дека се преземаат мерки за целосно расчистување и документирање на случајот, по што ќе бидат поднесени соодветни пријави против сторителите.

The post ЗАСТРЕЛАНО МОМЧЕ ПРЕД СВОЈАТА КУЌА ВО СКОПЈЕ Кавгата со соседите прераснала во крвопролевање appeared first on plusinfo.mk.

Командирот на смена во Територијалната противпожарна единица, Тони Ѓорѓиев за МИА изјави дека несреќата се случила во 20.45 часот и биле повикани од страна на полицијата да интервенираат во извлекување на повредениот возач. На терен излегле четворица пожарникари со едно возило.

Повредениот со возило на Брзата помош е пренесен во Клиничка болница Штип.

Според првичните информации, во несреќата учествувале две возила, а истражните органи треба да утврдат кои се причините за директниот судар меѓу нив. Во тек е увидот на местото на несреќата од истражните органи.

The post СЕ СУДРИЈА ДВЕ ВОЗИЛА НА ШТИПСКАТА ОБИКОЛНИЦА Тешко повреден маж е пренесен во болница appeared first on plusinfo.mk.