Во објава на социјалната мрежа Фејсбук Ангелов нагласува дека би било убаво да се зачува смиреноста, и упати предупредување до политичките фактори во државата, да не ги споменуваат зборовите „рушење“ или „отстранување“, бидејќи во спротивно, како што се наведува во објавата, со неговите пријатели од 2001 година ќе организира негова одбрана.

„Особено ако се земе предвид дека живееме во период кога на Попова Шапка врие од бесправно изградени објекти, во период кога на Попова Шапка бесправно е изградена и четирикатна џамија со 20-метарско минаре, во период кога низ државата бесправно се изградија повеќе споменици, кули и „музеи“ на УЧК, некои од нив „украсени“ со карти на Голема Албанија, во период кога при пречек на високи гости од Косово се мавта со знамиња на Голема Албанија и знамиња на соседни држави, без притоа да се истакне и македонското знаме, во период кога се заговара пуштање на химната на Албанија во училиштата во Македонија, конкретно во Тетово …

Убаво е да се зачува смиреноста, убаво е да не се наседнува на провокации но се поставува прашање што ќе биде следно ако не пружиме агресивен отпор од наша, македонска страна?

Затоа, ги предупредувам албанските политички фактори во државата, никако да не ги споменуваат зборовите „отстранување“ или „рушење“ во иста реченица со крстот на Попова Шапка. Во спротивно, јас како граѓанин, со некои мои пријатели од 2001 година, ќе организирам негова одбрана. А вие пробајте да го срушите“, пишува Стојанче Ангелов во објавата на ФБ.

The post НЕ ПОМИСЛУВАЈТЕ ДА ГО УРИВАТЕ КРСТОТ НА ПОПОВА ШАПКА! Јас и моите пријатели од 2001. ќе организираме негова одбрана, порача Стојанче Ангелов appeared first on plusinfo.mk.