повлечена Archives - plusinfo.mk

ЛИСТЕРИЈА ПОВТОРНО НАЈДЕНА ВО МЕСЕН ПРОИЗВОД ВО ХРВАТСКА Производот се повлекува од продажба

плусинфо — Wed, 29 May 2024 09:31:03 +0000

Хрватскиот инспекторат повлече печеница на парчиња „Добро“ од 90 грама, со рок на траење од 03.08.2024 година, бидејќи содржи бактерија листерија моноцитогенес.

Станува збор за печеница произведена од хрватскиот производител ŽITO d.o.o. од Осиек, лот број 24-00807, а трговец на мало е Конзум.

Производот не е во согласност со Регулативата на Комисијата (ЕЗ) од 15 ноември 2005 година за микробиолошки критериуми за храна, а известувањето се однесува исклучиво на наведениот производ, се наведува во соопштението.

The post ЛИСТЕРИЈА ПОВТОРНО НАЈДЕНА ВО МЕСЕН ПРОИЗВОД ВО ХРВАТСКА Производот се повлекува од продажба appeared first on plusinfo.mk.

ПОЗНАТ БРЕНД ПОВЛЕЧЕ НАРАКВИЦА СО МОНИСТРА ВО СРБИЈА Содржела повеќе олово од дозволеното

плусинфо — Fri, 18 Aug 2023 07:58:25 +0000

Српското Министерството за трговија соопшти дека нараквицата со монистра H&M на затворање е повлечена од пазарот поради недозволено количество супстанца штетна за здравјето и животната средина.

„Нараквиците содржат ниво на олово кое ги надминува дозволените вредности пропишани со регулативата REACH. Оловото е супстанца која претставува ризик за здравјето на луѓето и животната средина. Исто така, нивото на изложеност може да предизвика штета и на луѓето и на животните“, се вели на веб-страницата на Министерството.

Од Министерството наведуваат дека повлекувањето е објавено во сите продавници и на веб-страницата на дистрибутерот.

Станува збор за нараквици со монистра на затворање од марката H&M со идентификациски броеви: PN 1163609 O/N 498512, 433537, 498564, 433538, 482859.

Како што е наведено, производот се продавал во машкиот оддел во продавниците на H&M во периодот од 28.12.2022 до 11.07.2023 година.

The post ПОЗНАТ БРЕНД ПОВЛЕЧЕ НАРАКВИЦА СО МОНИСТРА ВО СРБИЈА Содржела повеќе олово од дозволеното appeared first on plusinfo.mk.

Николовски: Фирма блиска до сопругот на Шахпаска повлечена од листата за владини субвенции

плусинфо — Thu, 15 Oct 2020 20:50:02 +0000

Фирма блиска до сопругот на министерката за труд и социјална политика Јагода Шахпаска била повлечена од список за добивање субвенции на вчерашната владина седница. Ова вечерва за ТВ21 го потврди вицепремиерот за борба против кпрупција Љупчо Николовски.

– Владата одлучуваше за доделување на финансиска поддршка. Апсолутно во тој правец и министерката Шахпаска, сама реагираше, и јас реагирав како вицепремиер, за да имаме кристално чиста и јасна состојба. Иако многу апликантни ги поминаа сите фази, не е етички и не е морално во овој случај – рече Николовски.

ТВ21 претходно објави дека кога министерката го забележала нејзиното презиме, веднаш реагирала. На ова се приклучил и вицепремиерот за борба против корупцијата. Компанијата била одобрена за да добие субвенции и да и бидат исплатени средства како помош во справувањето со коронавирусот.

The post Николовски: Фирма блиска до сопругот на Шахпаска повлечена од листата за владини субвенции appeared first on plusinfo.mk.