Информацијата за повлекувањето на законот преку Фејсбук ја сподели Драгана Спасевска од иницијативата „Учебници и настава мора да има“ . За повлекувањето на законот Иницијативата била информирана со писмо од претседателот на Собранието Талат Џафери.

„Денес, 30 Јуни 2021 (Среда), добивме официјално известување од Претседателот на Собранието дека Владата го повлекува законот за учебници и други наставни материјали во основното и средното образование, а со тоа одржување на референдум не е потребно.

Денес покажавме и докажавме дека како граѓани можеме да учествуваме во одлучувањето за важни работи за нас, за нашите деца и за нашата заедничка иднина. Денес докажавме дека знаеме, можеме и умееме како обични граѓани да дејствуваме и да ги заштитиме нашите права и правата на нашите деца.Докажавме дека можеме непосредно и директно да учествуваме во работата на Собранието и Владата на Македонија.

Оваа битка ја извојувавме, сепак оваа битка е само еден чекор во борбата која следи. Имаме уште многу работа пред нас со цел да им обезбедиме здрава иднина на нашите деца, нашите внуци и сите следни генерации. Овој ден е веќе запишан во историјата на Македонија!!! Ве повикувам сите заедно да се потрудиме вакви денови да има повеќе. Ве повикувам сите заедно да ја пишуваме историјата која ќе ја читаат нашите деца, нашите внуци и сите следни генерации. Ве повикувам сите заедно да оставиме зад нас спомени вредни за паметење и раскажување .

Продолжуваме со Граѓанската иницијатива за интервенции и измени во концепцијата за основно образование, Законот за образование и сите останати закони кои го уредуваат образованието во државата со една и единствена цел „Образовни реформи по мерка на ученикот“, напиша Спасевска на Фејсбук.

The post Владата попушти: Го повлече законот за дигитализација на образованието appeared first on plusinfo.mk.

– Доколку, Владата и Собранието инсистираат по секоја цена да протуркаат вакви измени, ќе треба да преземат одговорност што со затворањето на еден легален економски сектор ќе предизвикаат отворање на објекти каде ќе се игра на црно, каде државата ќе нема ниту контрола, ниту ќе остварува буџетски приливи. Приходите ќе завршуваат во приватни џебови, без да се плаќаат лиценци и даноци. Тоа е вовед во хаос и враќање на државата децении наназад.  Недозволиво е за еден економски сектор кој секоја година придонесува во државниот буџет околу 280 милиони евра и вработува помеѓу 8.000 и 10.000 луѓе, да не биде консултиран за законските измени на законот за игри на среќа. Како претставници на реномирани компании од ЕУ бараме од Владата на Република Северна Македонија ист третман како и кон другите странски инвеститори во земјата – велат од Групацијата.

Од таму додаваат дека подолг период индустријата игри на среќа е цел на негативна кампања со која се креира перцепција дека во автомат клубовите се одвивале нелегални активности, во кои наводно влегуваш здрав, а излегуваш болен од зависност од игри на среќа. Целосна невистина е дека објектите се ризични по нашата младина. Не постои записник на инспекциските служби каде е евидентирано присуство на малолетник во автомат клубовите кои се во наша надлежност, што е исклучителна потврда дека ние сме врвни професионалци, општествено одговорни компании кои го штитат јавниот интерес 100% и неселективно ги спроведуваме законските норми.

– Дистанца 500 метри од основни и средни училишта е гол популизам. Бидејќи, малолетните ученици пешачејќи или возејќи се во автомобил или автобус до училиштето каде посетуваат настава, повторно ќе мора да поминуваат покрај објектите каде се организираат игри на среќа. Аргументот дека називите на фирмите и излозите на спортските обложувалници и автомат клубовите ги привлекуваат малолетниците и наводно така преку очите им се создава навика за игри на среќа, се неодржливи и немаат допирна точка со реалноста. Евентуалното прифаќање на предлогот за дислокација на автомат клубовите и обложувалниците на 500 метри од основни и средни училишта ќе значи целосно затворање на оваа индустрија. Согласно постоечката инфраструктурна поставеност, одредено дистанцирање од едно училиште, ќе го приближи објектот до друго училиште. Овој промашен концепт освен клуч за индустријата ќе предизвика и тужби за надомест на штета кои ќе завршат на адреса на Владата и ќе предизвикаат многу сериозни финансиски импликации по државниот буџет. Особено што предложените законски измени содржат дискриминаторски, противуставни одредби кои предвидуваат ретроактивно дејство за веќе завршена правно-финансиска работа – велат од Групацијата „Новоматик Македонија“ и „Апекс Македонија“.

Од таму велат дека не се против законски измени, туку се против нелогични, спорни, противуставни и политички мотивирани измени.

– Сметаме дека е најдобро министерството за финансии да го повлече предлог законот за изменување и дополнување на Законот за игри на среќа. Подготвени сме со свои правни експерти активно да се вклучиме во изготвување на нови законски измени, кои би се правеле транспарентно и со вклученост на сите засегнати страни. Одговорно тврдиме дека постојат повеќе опции заштитата на малолетниците да биде уште повеќе зајакната, а државата да ги остварува и понатаму постоечките буџетски приливи. Доволно е само изготвувачите на законот да не консултираат и решенијата ќе излезат на виделина – велат од  Групација Новоматик Македонија и Апекс Македонија.

The post „Новоматик“ и „Апекс“ до Владата: Повлечете го предлог законот, 10.000 вработени ќе останат без работа appeared first on plusinfo.mk.