„Во изминатиот период, во МВР биле пријавени повеќе случаи на кривичното дело „измама“, при што измамниците ги доведувале во заблуда жртвите преку телефонски повици. Тие најчесто се јавуваат на фиксен телефон, но има случаи и на повици од мобилен број со скриена идентификација. Во разговорот, лажно се претставуваат како полициски службеници и тврдат дека нивни блиски (деца или внуци) биле инволвирани во тешка сообраќајна несреќа со смртни последици. За да ги ослободат од кривичен прогон, бараат итна исплата на финансиски средства“, велат од полицијата.

Дополнително, за да ја зголемат убедливоста, во позадина на повикот се слуша глас кој лажно бара помош, што ги прави измамите уште поопасни.

Министерството за внатрешни работи соопшти дека веќе презема мерки за расчистување на овие случаи и апелира до граѓаните да не наседнуваат на вакви обиди за измама. Од полицијата потенцираат дека никогаш не бараат пари од граѓаните преку телефонски повик и дека доколку некој биде контактиран на ваков начин, веднаш треба да пријави во најблиската полициска станица.

„Граѓаните, особено повозрасните лица, се повикуваат на внимателност и секогаш да ја проверуваат веродостојноста на ваквите тврдења пред да преземат било какви чекори“, додаваат од МВР.

The post ПЕНЗИОНЕРИ СТАНУВААТ ЖРТВИ НА НОВА ИЗМАМА Лажни инспектори ги мамат граѓани, еве како да се заштитите appeared first on plusinfo.mk.

Кон полиција биле упатени 55,10%, кон Итната медицинска помош 39,59%, кон пожарникарите 2,45 % од реалните повици.

– Инаку, 1.279 повици за итни случаи на 112, што се вкупен збир од тие што биле за комбинирано решавање од „реални“ повици 2,86% со другите 68,72% што се именувани како „неитни повици“, биле предмет на примање, на обработка во ЦУК и на директно координирање за нивно решавање. Тоа се остварува преку дежурните оперативци во секторот Е-112 во содејство со секторот за операции и координација. За дел од повиците, секако, се постапува според стандардните оперативни процедури во координација паралелно и истовремено со повеќе ангажирани институциите во системот за управување со кризи, согласно природата на пријавените „реални“ итни случаи – соопштија од ЦУК.

The post ВЖЕШТЕН ТЕЛЕФОНОТ ЗА ИТНИ СЛУЧАИ Вкупно 1.903 повици во изминатото деноноќие appeared first on plusinfo.mk.

Според добиените писмени известувања од Регионалните центри за управување со кризи и од другите субјекти, од многу области што учествуваат во Системот за управување со кризи (СУК), Центарот за управување со кризи (ЦУК) информира дека во последното деноноќие имало појава на силен ветер што предизвикало повеќе видови штети, три пожари на отворено и паралелно со нив други противпожарни интервенции.

– Вкупниот број на повици за итни случаи на 112 во ЦУК изнесува 1.590, при што имало 18,05% од итните реални повици за комбинирано решавање преку Секторот за операции и координација во ЦУК, што е речиси за двојно повеќе повци од вообичаениот просек за едно деноноќие, што ЦУК ги ги решава, секако, заедно со другите 59,43% повици, именувани и како „неитни повици“, соопштија денеска од ЦУК.

Преку единствениот број за итни повици Е-112, во 13:45 часот, била добиена пријава за паднат дел фасада и можна опасност да падне уште еден дел на ул. „Димитрие Чуповски“ (кај „Табако Жак Мар“), во близина на Министерството за правда. За ова ситуација, се појаснува во соопштението, од страна на РЦУК Скопје биле известени Општина Центар и Полициската станица во Центар („Беко“) за нивна понатамошна постапка.

Исто така, поради силниот ветер што го зафати подрачјето на Град Скопје во текот на денот до единствениот број за итни повици Е-112, добиле пријави за паднати дрвја на шест локации во градот, како и еден случај на падната канделабра, при што во четири од истите има пријава за оштетени автомобили.

Имало пријави и за оштетена куќа и оштетени покриви од куќа и оштетен покрив од зграда. Сите овие пријави од страна на РЦУК Скопје биле веднаш проследени до надлежните институции односно, општините во Град Скопје, како и до јавните претпријатија и надлежни АД во Градот, за превземање на нивни понатамошни постапки.

Регионалниот ЦУК Струмица, известил дека околу 11:30 часот, подрачјето на Општина Струмица било зафатено со силен ветар, поради што од единствениот број за итни случаи 112, добиле пријави за паднати лимени покриви на три локации, како и четири пријави за паднати дрвја. Тоа било веднаш пренесено до надлежните општински институции и во сите случаи интервенирале пожарникарите од ТППЕ Струмица.

– Пожарникарите интервенирале врз три пожари на отворено, а паралелно со тоа и на други урбани. Регионалниот ЦУК – Велес, известува дека пожарникарите од ТППЕ Неготино, од 13:10 до 14:10 часот, со два пожарникари и едно ПП возило гаснеле запалена ниска вегетација кај „Винарија Фонко“ во месноста „На Куријски Пат“. Пожарот настанал од паднат кабел на далекувод во Општина Неготино, појаснуваат од ЦУК.

Регионалниот ЦУК – Куманово, известил дека ТППЕ Куманово, од 16:55 до 18:15 часот, со три пожарникари и едно ПП возило гаснеле запалена ниска вегетација во околината на село Черкезе, а РЦУК Скопје, дека БППЗ на Град Скопје, имала една помала брза интервенција на отворено заради запалени картони, што заради ветрот претставувале опасност и за околината.

– Според последниот извештај на секторот Е-112 во ЦУК, кон Единствениот број за итни случаи 112 во ЦУК имало вкупно 1.590. „Реални“ повици за итни случаи имало 40,57 проценти. Имало 59,43% други, именувани како „неитни повици“, што биле за други потреби на граѓаните или едноставно не биле итни. Со примањето во ЦУК на овие други повици се растоваруваат од повици службите коишто се за итно интервенирање. Кон Полицијата биле упатени 44,88% од повиците, кон Итната медицинска помош 33,66%, а кон пожарникарите биле упатени 3,41%. Кон ЦУК имало 18,05% од итните реални повици за комбинирано решавање, што е речиси за двојно повеќе повци од просекот што вообичаено се движи од 3 до 10% што ги решава, секако заедно со 59,43% други, именувани и како „неитни повици“, ги координира итните случаи чија природа на настан „бара“ комбинирано дејствување на повеќе институции или служби во државата – се вели во денешното соопштение од ЦУК.

The post БУРНО ДЕНОНОЌИЕ НИЗ МАКЕДОНИЈА И ПОЛНИ РАЦЕ РАБОТА ЗА ЦУК Силниот ветар корнеше дрвја и фасади во Скопје и во Струмица appeared first on plusinfo.mk.

Не е лесно да си оператор во Центарот за управување со кризи (ЦУК). Уште потешко е да си оператор во полициска станица или во кол-центарот на МВР.

Вработените во кол-центрите на „112“ и на „192“ секојдневно примаат голем број повици преку кои граѓаните бараат помош, без разлика дали станува збор за сообраќајка, пожар, грабеж, животозагрозувачка состојба.

Операторите од овие линии за Плусинфо откриваат некои интересни повици кои кон нив ги упатуваат граѓаните, а не се поврзани со тоа за што се наменети.

Од кол-центарот на Министерството за внатрешни работи ни откриваат дека кај нив пристигнал повик во кој загрижен граѓанин го запрашал вработениот каква терапија да прима затоа што матичниот лекар му ја погрешил дијагнозата, па поради тоа има болки во главата и телото.

„Ало дали е тоа полиција? Имав лоши соништа со духови кои ме напаѓаат, па поради тоа не можам спокојно да спијам, ве молам дојдете да ги приведете и да ги санкционирате“, велат вработените во „192“ кои овој повик го добиле доцна во текот на ноќта.

Оттаму ни велат дека кај нив исто така пристигнал повик од граѓанин кој сакал да пријави дека на полноќ се симнувале летечки чинии со вонземјани кои биле закана за луѓето, по што луѓето завршувале во психијатриска болница.

Пред речиси една година почна со работа универзалниот број „112“ кој е под „капата“ на Центарот за управување со кризи, кој е задолжен да им земе податоци на граѓаните и веднаш да ги извести Службата за итна медицинска помош, полицијата и Противпожарната бригада.

Сепак, сѐ уште дел од граѓаните сметаат дека токму овој број ќе го реши нивниот проблем, без разлика дали станува збор за пукната цевка за парно, доколку немаат сигнал од кабелскиот оператор,

Сета среќа што операторите се љубезни, па и на таквите случаи се обидуваат да им помогнат, така што ќе им дадат број или ќе им укажат каде да се јават.

Од „112“ ни велат дека како и во останатите центри за јавување и кај нив има т.н. хронични јавувачи, кои повеќе пати за исти проблеми остваруваат повици, но како што велат, секој повик е уникатен, без разлика од природата на јавување.

– Примивме повик од една госпоѓа која од нас бараше да ѝ обезбедиме инјекција за евтаназија, бидејќи едноставно ѝ бил смачен живот и побарала да ја поврземе со Итната медицинска помош. Ние стапивме во контакт и го објаснивме случајот, а стануваше збор за повик од друг град, но вработените таму ни кажаа дека знаат за кого станува збор и дека тие ќе се обидат да ја смират госпоѓата и да ја одвратат од намерата – ни раскажаа операторите од „112“.

Често кај нив се граѓани кои едноставно сакале да си направат муабет, бидејќи се чувствуваат осамени и потребно им било со некого да поразговараат.

– Уште од почетокот на нашата работа имавме „клиент“ кој се имаше јавено 4.000 пати, а според контролата на квалитет и на повиците, човекот се јавуваше на секоја минута ипол, а целта на неговиот повик беше да си направи муабет со некој од операторите. Има и такви кои се јавуваат еднаш во денот или еднаш неделно, ќе ги ислушаме, бидејќи претпоставуваме дека се лица со психички растројство, ќе им се заблагодариме и ќе ја прекинеме врската – велат од кол-центарот на ЦУК.

Оттаму велат дека често примаат повици кога некој ќе снема струја, кабелска телевизија, вода или слично, но и тие граѓани не се одбиваат туку се насочуваат каде што е потребно да се јават.

– Добар ден, сакам да пријавам дека немам кабелска телевизија, а сега ми почнува турската серија, ве молам дојдете да ми ја поправите – на што вработените одговараат дека тие не се надлежни за тоа и ги упатуваат да погледнат на нивната сметка, каде што ќе го најдат бројот од кабелскиот оператор и каде што можат да го пријават проблемот.

Повозрасни граѓани се јавувале и прашувале колку е часот, на што операторите им посочувале да погледнат во телевизорот, бидејќи на утринските програми има точно време, па така им помагале на граѓаните.

Оттаму додаваат дека имаат многу непродуктивни повици, а како еден таков ни го посочија кога им се јавил некој господин кој издавал стан под кирија, па кога си заминале кираџиите му оставиле кутија со долна облека, па од вработените побарал интервенција истата да биде отстранета од неговиот стан.

– Имавме повик од една госпоѓа која сакаше да пријави заглавена мачка во нејзиниот автомобил при што и посочивме дека ќе се јавивме во Противпожарна и до здружението за заштита на животните „Анима мунди“ за да го решиме нејзиниот проблем – ни објаснува операторот, на што жената што ги повикала му одговорила:

– Леле колку сте љубезен, вашиот глас е многу убав, но покрај мачката, мјаука и „мојата мачка“.

Од „112“ велат дека граѓанин пријавил оти кај железниот мост во Сарај е откачен струен кабел и поради сериозноста некој да биде повреден, од кол-центарот стапиле во контакт со ЕВН и за многу кратко време била извршена санација.

Според податоците кои ги водат во „112“ во просек преку ден имаат околу 1.000 повици, додека навечер имаат од 300 до 400, но додаваат дека за време на Светското првенство во Катар, додека траел некој натпревар, повици речиси и да немало.

The post „КОЛКУ ТИ Е СЕКСИ ГЛАСОТ, ПРОДОЛЖИ ДА ЗБОРУВАШ“ Граѓани се јавувале на 112 и на 192 за да пријават напад од вонземјани и духови appeared first on plusinfo.mk.

Пред речиси една недела, на Фејсбук, млад човек од Скопје многу прецизно и детално ја раскажа неговата приказна за голготата низ која минал откако скршил нога и го повикал бројот 112 за итни случаи.

– Го зедов телефонот в рака и свртев на 194, телефонот ѕвонеше скоро една минутка и никој не ми крена. Сум имал слични искуства кога сум барал полиција, но искрено поинаку го доживеав чувството кога и клучен сервис што треба да ти го спаси животот и да пружи брза помош, воопшто не е брз сервис. Се сетив на 112 и заѕвонив таму. Ми кренаа веднаш, ја објаснив целата ситуација и мојата состојба, ги споделив сите неопходни информации. Тогаш диспечерката ме префрли да зборувам со некој на друга линија. Од 112 не можеа да пратат амбулантно возило, па мораше да ме стават на линија со некој од Брза помош. Потоа од таму бев префрлен да зборувам со трет, па и со четврт човек. Да имаме предвид, седам на темна улица, среде ноќ, бидејќи градот штеди на улично осветлување. Веќе сум во шок и се тресам, ногата ме боли и почнува сериозно да се воспалува, веќе не можам ни да зборувам од збирот на чувства на загриженост и од болката која станува полоша со секоја измината минута – раскажа скопјанецот Стефан.

Плусинфо ја провери приказната на Стефан. Од Центарот за управување со кризи (ЦУК) велат дека вработените во контакт-центарот на Единствениот број за итни случаи за многу кратко време одговориле на повикот. Од младиот човек биле побарани податоци за што точно е неговиот повик, при што следело институционално поврзување со бројот 194, од каде со момчето разговарале што точно се случило со него. Во ЦУК немаат повратни информации што се случувало понатаму.

Пред неколку дена жители на селото Стровија, Прилепско, имале проблеми со струјата, кога невреме го погодило селото. Жица од далновод фрлала искри и можела да убие ако некое лице дошло во контакт со неа.

– Не знаевме што да правиме во тој момент, единствено што ни текна е бројот 112. По неколку повици, успеавме да разговаравме со диспечерот, кој ни одговори дека тие не се надлежни за ваквиот проблем и дека треба да се јавиме во ЕВН – ни објасни еден жител на Стровија.

Жителите на ова прилепско село прашуваат каков е овој број доколку жица под висок напон која „беснее“ и фрла искри од кои може да настане пожар, а и да усмрти човек доколку се најде во близина, не е приоритет за оваа служба?

Од ЦУК за ова ни одговорија дека Единствениот број нема ингеренции да интервенира за вакви случаи и ни објаснија кои се нивните приоритети.

– Центарот за управување со кризи, преку Единствениот телефонски број за итни случаи 112, ги прима сите повици од граѓаните, при што ги бележи согласно со законските оперативни стандардни процедури и веднаш ги трансферира кон три институции односно броеви, 192 за полиција – МВР, 193 за противпожарните единици и кон 194 за Брза помош. Сите други повици се пренасочуваат до Дежурниот оперативен центар во ЦУК, којшто преку регионалните центри за управување со кризи (РЦУК) ги анимира институциите во општините на територијата на државата, во зависност каде се појавил проблемот – информираат од ЦУК.

Оттаму додаваат дека покрај тоа што се снимаат повиците, во реално време вработените пишуваат куси белешки за настаните за да има можност да се оствари телефонска конференциска врска со повикувачот.

– На овој начин се растоварува институцијата која и директно прима повици за итни повици. На пример, ако некој бара само медицинска помош, а не го добил бројот 194, дежурниот оператор од 112 му го дава бројот на „Ало докторе“ и тој директно од таму добива медицински совет, без да ја држи зафатена линијата на Брза помош за совети, бидејќи, за тоа време може да има животозагрозувачка ситуација на повредени на терен, за што се потребни лекарите од Брза помош. Значи, за помали итни случаи и локално, ЦУК во одредени случаи им помага на граѓаните со упатства директно до институциите во нивната средина, за да се информираат и да се реши проблемот што ги засега – ни објасни портпаролот на ЦУК.

Тој за такви примери ги посочува повиците на граѓаните кога се јавуваат индивидуално, за проблеми со водовод, со електрично напојување, немање кабелска телевизија и слично. На сметките за наплата на овие услуги има телефонски броеви за такви случаи.

– Инаку, секоја општина дејствува на информација и од граѓани, а координирано и преку ЦУК, а секако и со ангажман на општинските јавни претпријатија и служби. Ако акцијата ги надминува капацитетите на општината, преку ЦУК се бара помош од по веќе општини. Доколку, на пример, има пожар до Радовишко, а локални пожарникари има малку, тогаш преку ЦУК се координира да дојдат на помош сили од соседните општини на помош, на пример од Штип и од Струмица, а ако е потребно и од други општини – објаснуваат од ЦУК.

Од ЦУК за Плусинфо велат дека покрај повиците од оние на кои навистина им е потребна помош, имало и јавувања и од лица кои не знаеле каде да се обратат. Имале главоболки, или реума, или се сомневале на ковид-19, немале кабелска телевизија, вода или струја. Оттаму апелираат да не се злоупотребува линијата, затоа што потребно е да им се даде можност да се јават оние на кои навистина им треба помош. Исто така, во ЦУК се жалат дека има и повици со навредливи зборови, за кои може дури и кривично да се одговара, бидејќи разговорите се снимаат, а доказите дека се злоупотребува линијата се чуваат во ЦУК.

Центарот за управување со кризи информира дека имале бројни успешни операции, откако е добиен повик на 112.

The post АКО СНЕМАТЕ КАБЕЛСКА ИЛИ ВЕ ЗАБОЛИ ГЛАВАТА, НЕ ВРТЕТЕ НА 112 Кога и зошто можете да го повикате Стојанче на помош appeared first on plusinfo.mk.

Во таа борба, како што додаваат лекарите го доведуваат во опасност својот живот, животот на блиските, а дел од нив и платија со сопствениот живот.

– Во часовите поминати со пациентите заболени од ковид, облечени во заштитна опрема, борејќи се со многу неизвесни и непредвидливи ситуации лекарите акумулираа стрес и трауми кои исто така стануваат дел од нивниот живот. Во пандемиски услови докторите не се семоќни, а за да може да се даде најдобар одговор и да се зачуваат човечките животи треба секоја единка и целото општество заедно да работи на истата цел. Од самиот почеток на пандемијата, за жал, одредени структури водени од нејасни цели го негираат постоењето на вирусот и потребата од примена за заштитни мерки, како носење на заштитни маски и одржување на дистанца, со што директно влијаат на зголемениот број на заболени – се вели во соопштението.

Со интензивирање на процесот на вакцинација се пристапи и кон сатанизирање на вакцините, ширење лажни и неточни информации поврзани со нивното дејство со што повторно се нанесува непоправлива штета која се плаќа со човечки животи. Сега се оди чекор понатаму и се напаѓаат докторите директно. Со цел заштита на честа и угледот на лекарската професија, како и нејзиниот несебичен и пожртвуван придонес во справување со пандемијата, Лекарската комора најостро го осудува говорот на омраза кон лекарите кој го шират одредени структури, бара итно да престане и предупредува дека тоа е кривично дело за кое во Кривичниот законик се предвидени и затворски казни.

– Исто така, истакнуваме дека доколку активностите продолжат ќе бидат поднесени соодветни пријави до надлежните институции – додаваат од комората.

The post ЛЕКАРСКА КОМОРА ПО ВЧЕРАШНИТЕ НАВРЕДИ Тоа е кривично дело со затворска казна, итно да се престане appeared first on plusinfo.mk.

Амазон веќе подолго време е под лупа заради недостатоци при фалсификувани проверки и наводно небезбедни производи што ги нудат трговците на таа платформа. Фалсификуваната продажба предизвика незадоволство кај некои големи брендови, како „Епл“ и „Најк“, а некои заедно ја напуштија платформата Амазон.

На почетокот на годината, компанијата започна да го верификува идентитетот на потенцијалните клиенти преку физички состаноци. Во февруари, тие се префрлија исклучиво на видео-конференциски повици. За време на пилот-фазата, преку видео конференции беа интервјуирани повеќе од 1.000 кандидати продавачи од Кина, САД, Велика Британија и Јапонија, се вели во соопштението

Според Маркетплејс пулс од 2019 година, дури 40 проценти од водечките продавачи на Aназон во Европа се со седиште во Кина.

The post „Амазон“ проверува идентитет на трговците преку видео повици appeared first on plusinfo.mk.