Во прилог го пренесуваме соопштението на ВМРО-ДПМНЕ:

„Постојат основани сомнежи дека во раководењето и работењето на Агенцијата за филм во изминатите шест години има многу законски прекршувања, како и воочлива апсорпција на клучни функции во мал број одбрани персони.

Како потврда на тоа, Транспаренси Интернешнл Македонија, како релевантен чинител, деновиве излезе пред јавноста со констатација дека постои судир на интереси во Агенцијата за филм и ги повика надлежните институции да постапат по наодите од направената анализа.

Комисијата за култура на ВМРО-ДПМНЕ, во неколку наврати, информира и алармира за конкретни состојби во Агенцијата за филм. Имено, во текот на 2022 година доделени се финансиски средства врз основа на објавен Kонкурс за производство на долгометражен игран, краткометражен игран, документарен и анимиран филм во точен износ од 302.050.000 денари или 4,9 милиони евра. На првиот рок на одлучување доделени се 103.350.000 денари, додека на вториот 198.700.000 денари.

Укажуваме дека во 2022 година овие средства не се единствените кои Агенцијата за филм ги доделува со едногодишно или повеќегодишно задолжување. Исто така, Комисијата за култура на ВМРО-ДПМНЕ посочува и за двојното финансирање на одредени проекти преку Годишната програма на Министерството за култура.

Од завршната сметка на Агенцијата за филм за 2022 година, објавена на официјалната веб- страница на институцијата, јасно се гледа дека големиот „борч“ кој се таложи, се прелева во наредната година. Тие средства изнесуваат над 700.000.000 денари, односно повеќе од 11 милиони евра. Оваа информација само дополнително го засилува алармот кој укажува на бројните недоследности во финансиското работење на Агенцијата.

Несовесното и незаконско работење на Агенцијата за филм е видливо и во делот на прибирањето на надоместоци. Конкретно, Агенцијата не постапува според утврдената законска процедура. Не се преземаат навремени мерки за прибирање на средства за што постои законска одговорност за злоупотреба на службената должност и овластување во согласност со Кривичниот закон.

Агенцијата за филм, континуирано во период од повеќе години, склучува договори за договорни услуги со исти лица. Симптоматичен е податокот што кај некои од нив е утврден судир на интерес. Се наметнува прашањето – што всушност плаќа Агенцијата!?

Прашуваме, дали Владата и Министерството за култура од 2017 година, па до денес, увидуваат недостатоци во финансиското работење на Агенцијата за филм? Реторичко прашање, нели? Недостатоци има, и тоа, големи. И сега, дали некој го задолжува директорот на Агенцијата тие недостатоци да ги отстрани? Како го усвојува Владата Годишниот извештај за работа на Агенцијата за филм? Со сериозна анализа или само како информација?

Очигледно, под заштитната капа на Владата и Министерството се раководниот кадар (по завршување на мандатот, без конкурс му продолжува „вечно“ да е вршител на должност) на Агенцијата и одбраните правни и физички лица блиски до ДФРМ.

На потег се институциите на системот во однос на индициите за злоупотреба на службена должност, концентрацијата на моќ и судир на интереси во раководењето и управувањето со Агенцијата за филм, да дадат соодветна правна разрешница и одговор на дилемата – кој кого манипулира!?

Агенцијата за филм ја одигрува својата „улога“ за некого и за нешто. Сепак, според знаењето, способноста и талентот ни „Златна малина“ не можат да освојат. Ќе бидат втори…“, се вели во соопштението на ВМРО-ДПМНЕ.

The post КАКО И ЗА ШТО ПОТРОШИЛА 4,9 МИЛИОНИ ЕВРА АГЕНЦИЈАТА ЗА ФИЛМ? Од ВМРО-ДПМНЕ бараат надлежните да истражат appeared first on plusinfo.mk.

Мицкоски обвини дека владата на СДСМ не успеала да се справи со здравствената криза, државата се задолжила, но економијата е доведена до колапс.

Портпаролот на СДСМ Костадин Костадинов рече дека  со парите со кои се задолжи владата и го направи дефицитот во буџетот на државата зачувала над 120.000 работни места, додека кај граѓаните се слеани 200 милиони евра.

–  Со обезбедените средства зачувавме над 120,000 работни места со обезбедување на минимална плата за вработените во износ од 90 милиони евра. Вкупно 13 милиони евра обезбедивме за бескаматни кредити за поддршка на македонските компании од најпогодените сектори, како и 51 милион евра евтини кредити за домашните компании за поуспешно справување со корона кризата. 30 милиони евра обезбедивме за граѓаните преку платежните картички, со која ја зголемивме приватната потрошувачка а со тоа го подржавме и домашното стопанство. Обезбедивме и речиси 12 милиони евра ваучери за граѓаните со што го поддржавме домашниот туризам и компаниите од туристичкиот сектор.До овој момент, Владата предводена од СДСМ, осигура да се влеат преку 200 милиони евра кај граѓаните и домашното стопанство. Помошта за граѓаните и економијата ќе продолжи и во следните месеци и веднаш по формирањето на новата Влада – рече Костадинов.

Во врска со обвинувањата на Мицковски за несразмерен пораст на јавниот долг тој рече дека  Мицкоски треба да се потести дека во 2007 година вкупниот јавен долг бил 1,7 милијарди евра.

– Во 2016 година, девет години по криминалното владеење на ВМРО-ДПМНЕ изнесуваше 4,7 милијарди евра. Тоа се 3 милијарди евра повеќе, односно 6,000 евра долг по семејство.Притоа секое семејство беше посиромашно и со пониски примања, наспроти секоја претходна година. За разлика од тогаш во  2020  задолжувањето се прави за справување со најголемата светска здравствена и економска криза и притоа истите се користат за да се поддржи секој еден граѓанин и секако да се поддржи домашната економија. Платите растат, приходите кај граѓаните се зголемуваат, се повеќе пари завршуваат назад кај граѓаните – рече Костадинов.

Тој дека податоците за поврзани со буџетските приходи и расходи се јасни.

– Приходите во јули во буџетот на државата не само што се над сите оптимистички сценарија туку го надминале и износот кој од даноци е наплатен во истиот месец од 2019 година. Откако покажа дека не знае економија, губитникот Мицкоски нека се занимава со решавање на проблемите внатре во сопствената партија. На 15 јули народот не му даде власт ниту нему ниту на неговата нереформирана и корумпирана ВМРО-ДПМНЕ. СДСМ, како одговорна партија во следниот четиригодишен мандат ќе покаже како се работи одговорно и посветено во интерес на државата, граѓаните и економијата. Ќе покажеме дека можеме уште повеќе, за да биде уште подобро за сите – рече Костадинов.

The post Костадинов до Мицкоски: Се задолживме да зачувавме 120.000 работни места, а кај бизнисите и граѓаните завршија 200 милиони евра appeared first on plusinfo.mk.

– Програмите ќе се прават по еднакви стандарди и на тој начин, кога ќе се креира буџетот за 2021 година ќе можеме детално да видиме во кој регион колку се вложило, во која област – рече Царовска по седницата на Управниот одбор на Проектот за изработка и воведување систем за координација во планирањето, спроведувањето, мониторингот и евалуацијата на политиката за рамномерен регионален развој (СиРеРа).

Со години некои региони биле по запоставени, оцени Царовска.

–  Има општини во кои нема реновирани училишта, во кои нема воопшто градинки, немало амбуланти. Тоа укажува дека имало послабо планирање инвестиции во дадени региони. Но, со овој начин на прибирање податоци и директно, сликовито прикажување каде е вложувано, колку и што планирате за идната година, ќе се добие можност на транспарентен начин која и да е влада да го прикаже вложувањето во регионите, но и следењето низ години – подвлече Царовска.

Според неа, државата првпат добива јасна слика за вложувањето во регионалниот развој и има можност сите програми да ги адаптира на потребите – онаму каде што најмалку се вложувало, сега да се вложува повеќе со цел сите граѓани и деца да добијат еднаков пристап и до услуги и до развиени региони.

Министерот за локална самоуправа Горан Милевски рече  дека се работи за проект вреден пет милиони швајцарски франци од кои 3,3 милиони се швајцарска донација, а останатите се средства обезбедени од македонската Влада.

– Генерално ги поддржуваме планските региони и центрите на планските региони со иновативни проекти – рече Милевски.

The post Електронски ќе се следи каде завршуваат парите за регионален развој appeared first on plusinfo.mk.