Два земјотреса ја стресоа Србија ноќеска. Првиот, со интензитет од 4,1 степени според Рихтеровата скала е регистриран утрово во 2:35 часот во регионот Бездан, соопшти Републичкиот сеизмолошки институт на Србија (РСИС).

„Интензитетот во епицентарот беше проценет на шестиот степен од Меркалиевата скала, што значи дека земјотресите со оваа јачина можат да предизвикаат мали штети на зградите во епицентралното подрачје“, соопшти РСИС.

Епицентарот беше во областа помеѓу Бездан и Бачки Моноштор, околу 190 км северно од Белград.

Десетина минути подоцна, е регистриран послаб земјотрес со интензитет од 2,5 степени според Рихтеровата скала.

Посилниот земјотрес беше почувствуван низ цела северна Србија, особено во Војводина, како и во источна Хрватска и во јужна Унгарија.

Граѓаните на социјалните мрежи коментираат дека потресот се почувствувал во Сомбор, Осиек, Нови Сад, Апатин, како и многу други населени места во оваа област.

The post ДВА ЗЕМЈОТРЕСА ЈА СТРЕСОА СРБИЈА Посилниот почувствуван во Хрватска и во Унгарија appeared first on plusinfo.mk.

Послаб земјотрес е почувствуван утрово во Скопје и во други делови од Македонија.

Од Сеизмолошката опсерваторија при Природно-математичкиот факултет информираат дека  утрово во 7 часот и 20 минути е регистриран земјотрес чиј епицентар потекнува од пограничното епицентрално подрачје Урошевац, на 124 километри северно од Скопје, со Рихтерова локална магнитуда од 3,3 степени.

Земјотресот е почувствуван во Скопје и околината со интензитет од 3 степени според Европската макросеизмичка скала.

The post ПОЧУВСТВУВАН ЗЕМЈОТРЕС ВО СКОПЈЕ Епицентарот бил во Косово appeared first on plusinfo.mk.

Најмалки 17 луѓе загинаа во силниот земјотрес што денеска ја погоди централната област на Филипините во кој се урнаа стари згради и беше предизвикана паника, јавија локалните медиуми.

Земјотресот бил со јачина од 6,9 степени според Филипинскиот институт за вулканологија и сеизмологија.

Епицентарот бил во морето, во близина на градот Бого во покраината Себу, околу 512 километри јужно од Манила.

– Ова се смета за многу силен земјотрес. Очекуваме штета и очекуваме афтершокови – изјави директорот на институтот, Тересито Баколкол.

На видеа објавени на социјалните мрежи се гледа како се уриваат објекти, вклучувајќи две цркви во покраината Себу, а луѓе трчаат во паника на јавниот пазар во Себу Сити. Десетици пациенти од болница во Себу биле евакуирани и сега престојуваат на отворено.

A video depicts store employees within a mall at South Road Properties urgently seeking safety following the partial collapse of the establishment during the magnitude 6.9 earthquake that occurred in Cebu on Tuesday night.

| Video/Sneaker Avenue#PilipinasToday pic.twitter.com/jWbqruI2Yo

— Pilipinas Today (@PilipinasToday_) September 30, 2025

Локалните медиуми јавуваат за „повеќе смртни случаи“ во градот Сан Ремихио во покраината Себу, каде што во спортски комплекс се одржувал кошаркарски натпревар во моментот на земјотресот.

Некои од жртвите биле погодени од урнатини додека се обидувале да избегаат од салата, пренесоа медиумите. Полицијата, исто така, известила дека дете загинало затрупано од урнатини додека спиело во својата куќа во Сан Ремихио.

6.7 earthquake just hit us.. pic.twitter.com/x2QMKvP6zY

— Sachii (@sachiihappy) September 30, 2025

Филипинскиот сеизмолошки завод предупреди на можно „помало покачување на нивото на морето“ и ги повика жителите на централните острови Лејте, Себу и Билиран да останат подалеку од крајбрежјето.

Пацифичкиот центар за предупредување соопшти дека „нема опасност од цунами“.

Филипините често се соочуваат со сеизмичка активност бидејќи се наоѓаат на пацифичкиот вулкански Огнен прстен. Поголемиот дел од потресите се премногу слаби за да бидат почувствувани, но повремено има силни и разорни земјотреси.

Residents of Sawang Calero, Cebu City Following the Earthquake

CCTV footage documents the earthquake as residents hastily navigate General Gines Street in Sawang Calero, Cebu City.

Contributed by Pres Racho.#PilipinasToday pic.twitter.com/0FaXAQbtpi

— Pilipinas Today (@PilipinasToday_) September 30, 2025

Земјотресите со јачина од 6,0 до 6,9 степени се сметаат за силни. Тие можат да предизвикаат оштетувања и на добро изградени објекти, при што конструкциите отпорни на земјотреси обично трпат мали до умерени оштетувања, додека послабите градби имаат умерени до тешки оштетувања. Земјотресите од оваа јачина можат да се почувствуваат и на стотици километри од епицентарот, а годишно во светот се случуваат меѓу 100 и 150 вакви потреси.

The post 🎥 НАЈМАЛКУ 17 МРТВИ ВО РАЗОРЕН ЗЕМЈОТРЕС НА ФИЛИПИНИ Потрес од 6,9 степени уриваше згради appeared first on plusinfo.mk.

Утрово во 5:54 часот, земјотрес со јачина од 3,3 степени според Рихтеровата скала го стресе регионот околу Валандово, информира Сеизмолошката опсерваторија при Природно-математичкиот факултет во Скопје.

Телеметриската сеизмолошка мрежа на Македонија го регистрирала потресот на неколку сеизмолошки станици ширум државата, при што е утврдено дека епицентарот се наоѓа во епицентралното подрачје Валандово, оддалечено околу 120 километри југоисточно од главниот град.

Според првичните информации од Сеизмолошката опсерваторија, земјотресот бил почувствуван во Валандово и во околните населени места со интензитет од 4 степени според Европската макросеизмичка скала (EMS).

Засега нема информации за причинета материјална штета или за повредени лица, но локалното население на социјалните мрежи известува дека потресот бил „краток, но силен“, и ги разбудил во раните утрински часови.

Сеизмолозите продолжуваат да ја следат ситуацијата и ги повикуваат граѓаните на смиреност, посочувајќи дека ваквите потреси се честа појава во сеизмички активниот регион на југоисточна Македонија.

The post ЗЕМЈОТРЕС ОД 3,3 СТЕПЕНИ ГО РАЗБУДИ ВАЛАНДОВО Краткиот, но силен потрес ги раздрма жителите во раните утрински часови appeared first on plusinfo.mk.

Земјотрес со Рихтерова локална магнитуда, ML2.4.степени е регистриран ноќеска во пограничното епицентрално подрачје со Албанија, на јужниот дел на Охридското Езеро, на околу 120 км југозападно од Скопје.

Сеизмолошка опсерваторија при Природно-математичкиот факултет во Скопје соопшти дека, според досегашните податоци, земјотресот е почувствуван во Охрид и блиската околина со интензитет од III-IV степени според Европската макросеизмичка скала.

Во Охридскиот регион минатата недела беа регистрирани серија земјотреси, од кои најсилниот беше со интензитет од V степени според Европската макросеизмичка скала.

The post НОВ ЗЕМЈОТРЕС ГИ РАЗБУДИ ОХРИЃАНИ Епицентарот бил во Охридското Езеро, но од албанска страна appeared first on plusinfo.mk.

Нов земјотрес со интензитет од 3,7 степени според Рихтеровата скала го погоди подрачјето на Халкидики, 111 километри југоисточно од Солун, утрово.

Како што објави Европскиот медитерански сеизмолошки центар (ЕМСЦ) на својата веб-страница, земјотресот чиј епицентар бил на длабочина од 10,9 километри се случил во 06:04 часот по локално време и бил почувствуван во северна Грција и делови од Бугарија и Турција.

Тоа беше 10-тиот потрес во серијата земјотреси што го погодија подрачјето на Халкидики во последните три дена.

Најсилниот земјотрес со магнитуда од 5,2 степени според Рихтеровата скала се случи на 7 јуни.

The post ТРЕТ ДЕН СЕ ТРЕСЕ ХАЛКИДИКИ Нов земјотрес утрово регистриран близу третиот крак appeared first on plusinfo.mk.

Утринава во 5 часот и 7 минути и 5 часот и 16 минути регистрирани се земјотреси чии епицентри потекнуваат од епицентралното подрачје Пештани- Охрид -Струга, на околу 100 км југозападно од Скопје, со Рихтерови локални магнитуди, ML3.4 и ML2.3, информира Сеизмолошката опсерваторија при Природно-математичкиот факултет во Скопје.

Според досегашните податоци со кои располага опсерваторијата, земјотресот во 5 часот и 7 минути е почувствуван во Охрид, Струга и блиската околина со интензитет од IV степени според Европската макросеизмичка скала.

The post ДВА ЗЕМЈОТРЕСИ ПОЧУВСТВУВАНИ ВО ОХРИД И ВО СТРУГА Јачината на ударите е 3,4 и 2,3 степени по Рихтер appeared first on plusinfo.mk.

Жителите на Санторини и околните острови поминаа релативно мирна ноќ во споредба со изминатите денови, со оглед на тоа што не беа регистрирани голем број земјотреси и имаше само 2 земјотреса со јачина од 4,2 степени, додека, пак, за 15 дена во морскиот дел меѓу Санторини и Аморгос имало над 15.300 земјотреси, јави дописничката на МИА од Атина.

Сеизмологот Димитрис Папаниколау за грчката телевизија „Антена“ утрово посочи дека не треба да „залажува“ синоќешната блага сеизмичка активност „бидејќи земјотресите ќе продолжат уште долго и ќе имаме земјотреси над 5 степени според Рихтер“.

Грчките сеизмолози во изминатите денови истакнуваат дека конкретната појава може да трае со недели, па дури и со месеци, а категорично ја отфрлаат можноста за активирање на вулканот кај Санторини.

Според податоците од Интердисциплинарен комитет за управување со опасности и кризи при Атинскиот Универзитет од почетокот на серијата земјотреси во морскиот дел меѓу Санторини и Аморгос, односно од 26 јануари заклучно со 10 февруари, биле регистрирани над 15.300 земјотреси, од кои над 13.200 биле посилни од 1 степен.

Во понеделникот, на 10 февруари, имало над 1.200 земјотреси, од кои над 240 биле посилни од 2,5 степени.

Со оглед на тоа што земјотресите интензивно се чувствуваат и на Аморгос што е во близина на епицентарот, со одлука на генералниот секретар за цивилна заштита на островот е прогласена вонредна состојба, нешто што беше одлучено и за Санторини минатата седмица.

Училиштата на Санторини, Иос, Аморгос и во Анафи, поради земјотресите веќе втора недела се затворени.

The post СТРАВ И НЕИЗВЕСНОСТ НА САНТОРИНИ, ПОТРЕСИТЕ НЕ ЗАПИРААТ Повеќе од 15.300 земјотреси за 2 недели appeared first on plusinfo.mk.

Земјотрес со Рихтерова локална магнитуда ML2.7. е регистриран утрово во 9 часот и 18 минути во епицентралното подрачје Штип – Радовиш на 70 километри југоисточно од Скопје, соопшти Сеизмолошката опсерваторија при Природно-математичкиот факултет во Скопје.

Според досегашните податоци со кои располага опсерваторијата, земјотресот е почувствуван во Штип и околината со интензитет од III степени според Европската макросеизмичка скала.

Засега нема информации за евентуални штети.

The post ЗЕМЈОТРЕС ГИ РАЗБУДИ ШТИПЈАНИ Потресот бил со јачина од 3 степени appeared first on plusinfo.mk.

Според Европско-медитеранскиот сеизмолошки центар, епицентарот на земјотресот е на тромеѓето помеѓу Македонија, Србија и Косово.

Длабочината на која се случи земјотресот е 9 километри.

Деновиве има зачестени помали земјотреси на територијата на Македонија.

The post ЗЕМЈОТРЕС ГИ СТРЕСЕ СКОПЈАНИ Потрес од 3,1 степени на границата со Србија и со Косово appeared first on plusinfo.mk.