Осумнаесетгодишна девојка од Белгија исчезнала во битолското село Лавци, каде што престојувала, а полицијата презема мерки за нејзино пронаоѓање.

Нејзината 81-годишна баба А.П., исто така од Белгија и со привремен престој во Лавци, на 6 октомври околу 22 часот пријавила дека девојката заминала од домот во селото и не се вратила до моментот на пријавувањето.

Случајот е пријавен во СВР Битола, по што се преземаат мерки за пронаоѓање на 18-годишната девојка.

Засега нема други информации за околностите под кои таа заминала од домот.

The post ИСЧЕЗНА 18-ГОДИШНА ДЕВОЈКА ОД БЕЛГИЈА ВО БИТОЛСКО Заминaла од домот во Лавци и не се вратила appeared first on plusinfo.mk.

Во водите на Охридското Езеро вчера вечерта е пронајдено безживотното тело на 31-годишен скопјанец, кој ден претходно беше пријавен за исчезнат, информира СВР Охрид.

Според полицијата, синоќа околу 22 часот службеници од езерската полиција и од СВР Охрид во близина на автокамп, на околу 50 метри од копното во водите на Охридското Езеро, го пронашле безживотното тело на Б.С. (31) од Скопје.

Лекар од Итната медицинска помош констатирал смрт без траги на насилство, а препознавањето го извршил член на неговото семејство. По насоки на јавен обвинител, врз телото на починатиот ќе биде извршена обдукција.

Б.С. на 14 септември во 18:10 часот во СВР Охрид беше пријавен за исчезнат од неговиот татко З.С. (68) од Скопје, со кого престојувал во автокамп во Охрид.

The post ПРОНАЈДЕНО ТЕЛОТО НА ИСЧЕЗНАТИОТ СКОПЈАНЕЦ Извлечено е од Охридското Езеро на 50 метри од брегот appeared first on plusinfo.mk.

Автар Синг како дете растел во индискиот град Амритсар со баба му и дедо му. Со години слушал гласини дека жената која го одгледува всушност не му е мајка, но не им верувал на соседите.

– Мислев дека само измислуваат приказни – раскажал Синг за „Гардијан“.

Но приказните се покажале како вистинити. Неговиот татко се преселил во Канада, каде што предавал, а Автар останал во Индија со баба му и дедо му. Баба му го одгледувала и го викала Титу.

Набргу по деветтиот роденден, Автар сам бил испратен со авион во Канада. Бил облечен во костум и не знаел ниту збор англиски.

Јазикот брзо го научил и се вклопил во училиштето, но дома се чувствувал речиси невидлив. Кога имал 14 години, семејството заминало на одмор и го оставило сам две недели.

– Таа немаше ни трошка од топлината што ја имаше мојата баба. Апсолутно ме мразеше – рекол тој за жената која дотогаш ја сметал за мајка.

Вистината излегла на виделина по години

Години подоцна, додека Автар бил во посета на семејството во Индија, баба му му кажала дека тој е син на неговиот татко од првиот брак. За биолошката мајка Автар го дознал само името – Савиндер. Ништо повеќе.

– Постојано наидував на ѕид од молк – раскажал тој.

Потрагата станала уште поважна кога пренаталните тестови на Роузи покажале одредени аномалии. Генетичарот ги прашале Автар за семејната медицинска историја, но тој не можел да каже речиси ништо за страната на мајка му.

– Не можев да им кажам ништо за историјата на болести од страната на мајка ми. Тоа ме погоди право во срце. Тогаш си помислив: морам нешто да направам – рекол тој.

Со години барал информации за мајка си Савиндер, но без успех. Дополнителен проблем било тоа што Савиндер е често име меѓу пенџапските Сики. Не сакал да направи било какви ДНК-тестирање, бидејќи имал резерви во однос на приватноста на генетските податоци.

– Тие можат да ги продадат тие податоци. И не само тоа – ако во мојата ДНК видат нешто, тоа влијае и на моите деца – рекол тој.

Расплет на југот на Франција

На 8 мај, Автар бил со Роузи на југот на Франција. Таму биле на патување откако тој го завршил лекувањето од рак. Се разбудил рано и решил да проба нешто ново. Си помислив: пробав со „Гугл“ и со сè друго, зошто да не се обидам и со вештачка интелигенција?

Во Чат Џи-Пи-Ти ги внел сите информации што ги знаел или можел да ги претпостави: жена по име Савиндер, на возраст меѓу 87 и 97 години, веројатно со средно име „Каур“, како и многу други Сики жени од нејзината генерација, поврзана со Индија, Африка и можеби Велика Британија.

Чат Џи-Пи-Ти му го прикажал името Савиндер Каур Наги, родена во 1936 година во Кисуму, Кенија, како и текст посветен на неа.

Автар бил свесен дека вештачката интелигенција може да измислува информации, но овојпат одговорот имал конкретна референца до текст.

Текстот го напишала Ники Даму, дизајнерка на накит од Лондон, како омаж за својата мајка, која починала во декември 2024 година на 88-годишна возраст.

Трагата водела до Савиндер

Во текстот било опишано детството на Савиндер во Кенија. Како девојче била отпишана од училиште и омажена во близина на Амритсар. Кога бракот пропаднал, татко ѝ ја вратил дома, но семејството на нејзиниот сопруг го задржало нејзиниот син.

На своите деца никогаш не им раскажувала за својот прв син Автар. Во последните години од животот, додека боледувала од деменција, плачела и повторувала: Мера бача – моето дете.

Автар Синг со неговата баба во Индија 

Ники две години се обидувала да го пронајде својот полубрат, но не го знаела ниту негово вистинско име. Само негоиот прекар Титу.

Никој нема да се вика Титу на „Линкдин“, нели? Како да најдеш некого без име? Невозможно е – рекла таа.

Роузи го прочитала текстот, но во почетокот не била целосно убедена, бидејќи во него не се споменувал првиот брак. Потоа Автар се вратил на фотографијата од сертификатот за шиење што Савиндер го добила во Даривал во 1962 година.

– Тоа е две или три години откако сум роден, и тоа токму во градот во кој сум роден – рекол тој.

За Автар тоа било важна трага.

„Титу, ти ли си?“

Во 8:36 часот тоа утро Автар ѝ испратил е-пошта на Ники. Пораката пристигнала токму на денот кога нејзината мајка би го прославувала 90-тиот роденден.

– Имав силно чувство дека знам. Не можам да го објаснам – рекла Ники.

Само два часа откако го внел прашањето во Чат Џи-Пи-Ти, Автар веќе разговарал со Ники по телефон.

– Мама била мажена и разведена во Индија – му рекла таа.
– Дали имала деца? – прашал Автар.

– Да. Имала син.

Тогаш Ники го прашала:

– Титу, ти ли си? Ти ли си Титу, синот на мајка ми?

Автар и Роузи почнале да плачат.

– Тоа сум јас – одговорил тој.

Полусестрата Ники и мајката на Автар, Савиндер (Фото: ФБ Ники Даму)

За Автар било неверојатно што Ники го знаела токму неговиот детски прекар.

– Никој не го изговорил мојот прекар на тој начин уште откако баба ми ме викаше така кога бев мал – рекол тој.

Разговарале два часа, сè додека не му се испразнил телефонот.

Само неколку дена подоцна, Автар веќе бил во Лондон. Таму се сретнал со Ники и со други членови на семејството од страната на неговата мајка.

Најважното што го дознал

Автар никогаш нема да може да ја запознае својата биолошка мајка. Савиндер починала во 2024 година. Но од Ники и од другите членови на семејството дознал нешто што му било поважно од каков било ДНК-тест: Мајка му не го заборавила.

Во последните години од животот, додека страдала од деменција, плачела и повторувала „мера бача“ – моето дете. Со години Автар верувал дека мајка му го оставила за да продолжи со својот живот. Никогаш не ѝ замерил. Сега, вели, конечно знае дека приказната била поинаква.

– Сега од Ники и од другите членови на семејството слушнав дека мајка ми плачела по мене. Тоа е сè што ми беше потребно да го слушнам. Прекрасно е чувството да знам дека сум бил сакан – рекол тој.

И покрај тоа што Чат Џи-Пи-Ти одиграл клучна улога во пронаоѓањето на трагата, Автар не смета дека вештачката интелигенција направила некакво чудо.

– Во моментов, вештачката интелигенција сè уште е само еден вид глорифициран пребарувач. Тоа е софтвер што препознава шеми во низа знаци. Тука нема вистинска интелигенција – смета тој.

Тој и Ники не сакаат ниту ДНК-тест како дополнителна потврда.

– На овој свет има неколку милијарди луѓе. Ако некој случајно може да ме нарече Титу, мислам дека не ми треба никаква друга потврда – рекол Автар.

За него, најважното од целата приказна не е тоа што технологијата му помогнала да го пронајде семејството, туку тоа што по речиси шест децении конечно дознал дека неговата мајка го сакала.

автар синг, чатџипити, вештачка интелигенција, мајка, семејство, потрага, индиија, канада, сики, ники даму, савиндер Каур, човечки приказни, технологија

The post ЈА БАРАЛ МАЈКА СИ РЕЧИСИ 60 ГОДИНИ, НО ДУРИ ЧАТ ЏИ-ПИ-ТИ ГО ПОВРЗАЛ СО СЕМЕЈСТВОТО Трогателна приказна за тоа како еден детски прекар ја сочувал врската appeared first on plusinfo.mk.

Петнаесетгодишно момче беше спасено откако речиси три дена седело врз превртен мал рибарски брод во ледените води на Беринговото Море, во близина на Алјаска.

Момчето, кое членовите на семејството го идентификуваа како Дерек Паркер Агнанга, било единствениот преживеан од чамецот, а неговиот постар брат и братучед загинале во несреќата, пренесува Би-би-си.

Тие тројца тргнале од островот Сент Лоренс на Алјаска во петокот, 4 септември, а требало да се вратат попладнето следната недела, соопшти Американската крајбрежна стража. Сепак, откако рибарскиот чамец долг 5,5 метри не се вратил, била покрената операција за пребарување.

Следниот ден наутро, Крајбрежната стража на САД започнала операција за пребарување со користење авиони и хеликоптери. Момчето на крајот било пронајдено од екипажот на рибарскиот брод „Нортвест експлорер“ и сè уште се наоѓало на превртениот брод.

Еден од воздухопловните тимови во понеделникот го забележал преживеаното дете, кое се држело за трупот на превртен брод. Тие спуштиле сплав за спасување и залихи до него, а потоа стапиле во контакт со рибарскиот брод „Northwest Explorer“, кој се наоѓаше во близина. На снимката од спасувањето се гледа како екипажот му фрла јаже на момчето и го влече неговиот брод поблиску, сè додека не успеат да го качат на безбедно.

– Тој се држел за тој брод речиси три дена. Тој е неверојатно издржливо момче. Иако трепереше од студ, успеа да ни каже дека неговиот брат сè уште е под бродот. Откако детето беше спасено, беа извлечени телата на неговиот брат и братучед – изјави Адам Вајт, капетанот на рибарскиот брод, за локалната телевизија KTUU.

Според извештајот на Крајбрежната стража, детето покажувало знаци на хипотермија откако било качено на бродот, а екипажот го затоплил со ќебиња и шишиња со топла вода.

The post 🎥 НЕВЕРОЈАТНА БОРБА ЗА ЖИВОТ ВО ЛЕДЕНИТЕ ВОДИ КАЈ АЛЈАСКА Тинејџер со денови плутал на превртен чамец appeared first on plusinfo.mk.

Пронајдена е 37-годишна бугарска државјанка која синоќа беше пријавена за исчезната на Шар Планина, соопшти Центарот за управување со кризи.

Полициската станица „Попова Шапка“ вчера вечерта пријавила во ЦУК исчезнување на 37-годишна државјанка на Република Бугарија, која била дел од група од четири странски државјани упатени кон Титов Врв.

Трите лица од групата се вратиле во вечерните часови, при што констатирале дека жената не се вратила со нив и дека немаат информации за нејзината локација. По пријавувањето, веднаш беше започната потрага.

„Центарот за управување со кризи во текот на целата акција ја координираше потрагата со надлежните институции и екипи на терен, со цел што побрзо пронаоѓање на исчезнатото лице.

Во потрагата беа ангажирани припадници на Специјалните единици од Скопје, ПС Попова Шапка, ЈУНП „Шар Планина“ и ДЗС – ПО Тетово. Беа употребени и два дрона со термални камери, а во потрагата се вклучија и полициски хеликоптер „Бел 212“ и спасувачки тим од САЕ „Тигар“. Денеска во 14:50 часот, исчезнатата жена е пронајдена во село Горна Лешница, во добра здравствена состојба“ – се вели во објавата на ЦУК.

The post ПРОНАЈДЕНА БУГАРСКА ПЛАНИНАРКА КОЈА ИСЧЕЗНАЛА НА ШАР ПЛАНИНА Во потрагата вклучени дронови, полициски хеликоптер и специјалци „Тигри“ appeared first on plusinfo.mk.

Една 22-годишна девојка е убиена, а уште пет лица на возраст од дваесетина години се ранети при вооружен инцидент за време на техно забава во градот Арау во северна Швајцарија, соопшти швајцарската полиција, потенцирајќи дека напаѓачот или напаѓачите се во бегство.

Според полицијата, 22-годишната жена била сериозно повредена при инцидентот, по што набрзо им подлегнала на здобиените повреди. При инцидентот се повредени уште четири мажи и една жена, на возраст меѓу 24 и 27 години. Сите жртви се жители на Швајвцарија.

На местото на инцидентот има голем број полицајци, а поширокото подрачје околу хиподромот е опколено. На терен се и пожарникари, како и специјализирана мобилна единица на цивилната заштита на кантонот Аргау.

Полицијата побараала од организаторите на настанот да ѝ бидат доставени сите снимки од инцидентот. Во интервенцијата бил вклучен и хеликоптер „Супер Пума“ на швајцарската армија.
Полицијата апелираше луѓето да ја избегнуваат областа околу местото на инцидентот, а отворен е и посебен телефонски број на кој очевидци можат да се јават и да пријават детали од настанот.

Инцидентот се случил околу 3 часот рано изутринава за време на традиционалната годишна техно-журка „Аруер Рејв“, на која присуствувале околу 3.500 лица. Манифестацијата се одржувала на уникатна локација, на локалниот хиподром, каде се наоѓа најголемата тркачка патека во Швајцарија.

JUST IN: Shots heard at event in Aarau, Switzerland. Police confirm there are multiple victims. (Video: Blick) pic.twitter.com/nZMKcGtMGD

— Open Source Intel (@Osint613) August 30, 2026

The post ПРЕСТРЕЛКА НА ТЕХНО-ФЕСТИВАЛ ВО ШВАЈЦАРИЈА Една девојка е убиена, петмина ранети appeared first on plusinfo.mk.

Четириесет и пет минути кружел авионот над Португалката пронајдена жива во морето кај Крк. Екипажот не ја напуштил позицијата сè додека до неа не стигнал бродот на пристанишните власти. Хрватските власти сè уште трагаат по последниот од четирите лица од Португалија кои исчензаа кај Сиењ со СУП-даски .

Засега, се претпоставува дека сончевото време ги намамило во морето, додека брановите ги однеле.

Пилотот Домагој Иштвановиќ сега откри како изгледала потрагата од воздух. Ниското летање, малата брзина и силните турбуленции значително им ја отежнувале работата, јавува хрватски Дневник.

– Проблемот со целата приказна е што летавме на многу ниски височини и со мали брзини. За време на пребарувањето бевме во многу турбулентни воздушни струи, што ни го отежнуваше нејзиното забележување – раскажа Иштвановиќ.

Прво здогледале даска, а потоа човек во морето

Неа ја забележале додека летале од Крк кон Сењ. Но, вниманието на екипажот најпрво го привлекол друг предмет во морето.

– Прво видовме СУП-даска што беше таму, не знам од која причина. Кратко потоа ја забележавме и жртвата – рече пилотот.

Следувало долго чекање над истата точка.

– Ја држевме нашата позиција над неа околу 45 минути, сè додека не се појави бродот на Пристанишната управа и, фала му на Бога, таа се извлече жива – додаде Иштвановиќ.

Спасената жена им дала уште една трага

Токму Португалката потоа им кажала на спасувачите дека уште еден член на групата се наоѓал во близина.

Мажот бил пронајден околу два часа подоцна на карпите, недалеку од местото каде што била пронајдена жената.

Потрагата во меѓувреме доби трагичен пресврт. Полициски хеликоптер утрово забележал тело на трет член од групата во морето. Телото било извлечено од екипа на пристанишната управа во Сењ.

Потрагата по последниот исчезнат Португалец продолжува.

The post 45 МИНУТИ КРУЖЕЛЕ НАД ПОРТУГАЛКАТА ДОДЕКА ДА СТИГНЕ ПОМОШ Пилотот откри детали за потрагата кај Крк appeared first on plusinfo.mk.

Спасувачите засега претпоставуваат дека четиричлената група Португалци која исчезна кај Сењ била изненадена од силниот ветер и од големите бранови. Пронајдената Португалка поминала меѓу 8 и 10 часа во морето, а лекарка ја нарече нејзината состојба исклучителна, пишува хрватски Индекс во најновите ажурирања на веста.

Групата исчезна откако со мал гумен чамец излегла на море во близина на Сењ. Нивниот празен чамец подоцна беше пронајден кај брегот на Крк.

Новинарот на Нова ТВ Марко Бален изјави дека временските услови можеби ги изненадиле младите Португалци.

– Се претпоставува дека биле измамени од времето. Во Сењ е 35 степени, но ветерот дува. Брановите се големи, ветерот е силен. Многу брзо ги залажува луѓето кои не го познаваат теренот – рече Бален.

До 10 часа во морето, а виталните параметри нормални

Спасената жена е во стабилна состојба. Лекарката Марина Павлетиќ од Клиничкиот болнички центар во Риека изјави дека била примена со нормални витални параметри.

– Пациентката поминала меѓу 8 и 10 часа во морето, а пристигнала со стабилни параметри. Ова е навистина исклучително – рече Павлетиќ.

Жената била задржана на болничко набљудување на Одделот за пулмологија.

Во Сењ се собрале и млади Португалци кои чекаат вести за исчезнатите. Според Бален, тие не сакале да зборуваат со медиумите бидејќи стравувале нивните семејства да не дознаат нешто пред официјалното известување.

Надежта не згаснува

Потрагата по преостанатите 2 лица продолжува со големи сили. Вклучени се полициски хеликоптер, авион на крајбрежната стража и пловила од Риека до Сењ.

На терен се и припадници на Хрватската планинска спасувачка служба. Спасувачите пребаруваат и на море и долж брегот на Крк.

Првата Португалка беше пронајдена во Бутињскиот Залив, околу 7 часа по пријавувањето на исчезнувањето. Подоцна беше пронајден и млад маж на карпите меѓу заливот Огрул и ‘ртот Главина.

Во меѓувреме, Индекс објави и дека, во друг случај, се спасени двајца чешки државјани кои пловеле со СУП даски кај каналот Велебит близу Крк откако бурата ги однела. И покрај тешката комуникација, тие биле лоцирани и спасени во близина на островот.

СПАСЕНИ ДВАЈЦА ПОРТУГАЛЦИ ПО 8 ЧАСА ПОМИНАТИ ВО МОРЕ Потрагата продолжува по уште двајца туристи

The post МИРНОТО ВРЕМЕ ГИ НАМАМИЛО ПОРТУГАЛЦИТЕ КАЈ КРК Лекарката не може да поверува дека пронајдената жена по 8 часа е во супер состојба appeared first on plusinfo.mk.

Четиригодишно дете од Македонија исчезнало во областа Алто Маре во Албанија, објави албанскиот медиум ЈОК Албанија. Семејството алармирало во полицијата и апелира до сите што се во близина да помогнат во потрагата.

Според објавените информации, детето го нема подолго време и досега нема трага од него. Случајот бил пријавен во полицијата во Голем, но потрагата сè уште не дала резултат.

Детето во моментот на исчезнувањето носело зелен костим за капење. Во раката имало играчка, пиштол на вода.

Семејството ги повикува луѓето кои се наоѓаат во областа внимателно да проверат во својата околина. Секој што го видел детето или има информација за неговата местоположба е повикан веднаш да ја извести полицијата.

The post ДЕТЕ ОД МАКЕДОНИЈА ИСЧЕЗНА ВО ЛЕТУВАЛИШТЕ ВО АЛБАНИЈА Последен пат било видено во зелен костим за капење appeared first on plusinfo.mk.

Националниот центар за координација на поморско пребарување и спасување во Риека (МРЦЦ Риека) соопшти дека се пронајдени живи двајца млади Португалци, маж и жена, по кои се трагаше откако во силно невреме тие заедно со уште две лица синоќа исчезнаа во морето. Сѐ уште се трага по другите двајца португалски државјани, пренесува Индекс.

Поради исклучително лошите временски услови на море, со силни налети на бранови високи до три метри, МРЦЦ Риека, во координација со Капетанијата на пристаништето Сењ, Капетанијата на пристаништето Риека и Капетанијата на пристаништето Нови Винодолски, веднаш започнаа операција за пребарување и спасување во 4:40 часот наутро.

За време на пребарувањето, во близина на брегот на островот Крк беше пронајден напуштен пловечки објект, кој според описот се совпаѓа со чамецот на исчезнатите лица.

Капетанот на пристаништето Сењ, Ненад Бугарин, им изјави на новинарите дека операцијата за пребарување и спасување започнала во 4:41 часот наутро.

Од четирите исчезнати лица, досега се пронајдени две лица – млада жена која била пронајдена во морето во Бутињскиот залив, транспортирана во Нови Винодолски и предадена на службите за итна медицинска помош. Другото лице е маж кој бил пронајден жив во морето во близина на ’ртот Главина и е предаден на службите за итни случаи.

Според капетанот на пристаништето, спасената жена им помогнала на службите со информации што би можеле да доведат до другите исчезнати лица. Таа рекла дека имало уште едно лице на околу 20 минути од неа, но пребарувањето во таа област досега не дало резултати.

Потрагата продолжува по преостанатите двајца мажи.

ЧЕТИРИ МЛАДИ ПОРТУГАЛЦИ ИСЧЕЗНАА ВО ЈАДРАНОТ ВО ХРВАТСКА Брановите биле високи 3 метри, во тек е спасителна акција

The post СПАСЕНИ ДВАЈЦА ПОРТУГАЛЦИ ПО 8 ЧАСА ПОМИНАТИ ВО МОРЕ Потрагата продолжува по уште двајца туристи appeared first on plusinfo.mk.