– Треба да сме на чисто дека Бугарија не е единствената причина зошто Македонија не почнува преговори, туку причината е што нема реформи и корупцијата. Едноставна е работата, не е само одлуката за проширување која се носи со консензус во ЕУ, многу други одлуки се носат со консензус. Доколку останатите земји членки на ЕУ беа убедени дека Македонија е толку многу напредната со Зоран Заев и дека треба да почне преговори верувајте дека ќе најдеа начин да ја убедат Бугарија да се согласи да почне преговори и ќе им кажеа не блокирајте за почеток на преговори за Македонија, ние нема да блокираме за друга некоја одлука која е во интерес на Бугарија. Но имајќи предвид дека не го направија тоа јасно покажаа дека не се согласуваат со почеток на преговори за членство со Македонија затоа што не се задоволни од состојбата во која што е Македонија – рече Николоски.

Во своето гостување Николоски ги образложи причини поради кои Македонија не отпочнува преговори со ЕУ.

– Најдобар дока за тоа се две работи. Прво бугарскиот претседател Румен Радев јасно кажа дека до ноември 2019 година Бугарија немаше никаков проблем Македонија да почне преговори. Ова е важно затоа што еве мораме да се вратиме назад Зоран Заев велеше дека треба да се потпише промена на името до јуни 2018 година, со цел на Самитот на Европската Унија на 17 јуни 2018 година Македонија да добие датум за почеток на преговори. Заев го смени името но веќе на 29 јуни не доби датум за преговори, а се излажа прво се сликаа во авионот, па потоа дојде и во македонското Собрание и кажуваше дека Македонија доби датум за преговори за веќе после ден два таа лага да прсне како меур од сапуница. Тогаш не доби Заев датум од две причини, прво година дена беше премиер и реформскиот дел 3-6-9 самите од владата дадоа оценка дека е реализиран 42%, а реално не  ни 20% реализиран и тоа беше јасен сигнал до ЕУ дека не може да им одобрат преговори – вели Николоски.

Пота, додаде Николоски, ЕУ даде една година до јуни 2019 година во кој што требаше да се реализираат три реформи, од тие три нешто се чепна во безбедносните реформи, а во останати две ништо, напротив во 2019  година се случи скандалот „Рекет“ како и поткупот на претседателските избори  и во јуни 2019 година ЕУ повторно рече нема датум за преговори и даде рок до октомври.

– Помеѓу јуни и октомври еруптираше „Рекет“ и во тие услови во октомври ЕУ стави вето заради корупција и неспособност. Да не заборавам Заев со договор со Еди Рама ја стави во иста група со Албанија иако Македонија беше во група со Хрватска, Хрватска влезе во ЕУ, а Заев ја врати Македонија со група со Албанија. Одлуката на бугарскиот парламент дојде после 2019 година, односно кога видоа дека ЕУ три пати не доделува датум. Тогаш Заев ја лажеше македонската јавност дека Бугарија тоа го прави заради изборите. Во март 2020 год овие заклучоци станаа дел од заклучоците на ЕУ и  повторно Македонија не доби датум. Владата се обиде да го скрие документот јас лично го извадив. Така  што првата причина зошто Македонија не почнува преговори се криминалот и корупцијата, а втората причина е зошто секаде се ветува се, а не може да се исполни. Тоа се покажува и во последниот извештај на „Транспаренси“, најрелевантната институција во светот за мерење на степен на корупција – додаде Николоски.

The post Николоски: Македонија не почнува преговори со ЕУ поради криминалот и корупцијата appeared first on plusinfo.mk.

– Заев е изолиран во намерата да го избрише македонскиот национален идентитет, да се откаже од историјата, а со тоа да нанесе штети на државата кои ќе имаат далекусежни последици кои што значат македонската држава да нема право да се темели на илинденското и антифашистичко наследство, тоа е она што го прави Зоран Заев овие денови.

Ако Заев ги прогласи окупаторите за ослободители, тогаш македонските антифашисти кои се вистинските ослободители, Заев ги става на другата страна, а добро знаеме дека антифашистичката борба се темелеше на илинденската борба, добро знаеме дека антифашистичката борба е продолжување на сонот на илинденците и со ова што Зоран Заев ја укинува и македонската државност, како и традицијата на народноослобителните борби од илинденскиот период и антифашистичкиот период, спротивно и на Уставот на Република Македонија – вели Николоски.

Зошто го прави Зоран Заев ова, праша Николоски, за фотелја, за власт и бизнис интереси,за своите фирми во Македонија, но и за своите фирми во Бугарија. Ова го прави за голо останување на власт и уште малку финансиска корист и интерес за него и неговите блиски, тоа тажната вистина, додаде тој.

– Несогледливи се последиците од неговите ставови во понатамошните разговори.Ова што го прави е целосно рушење на позициите на Република Македонија на трајна основа, ова што го прави значи целосно рушење на било каква преговарачка позиција на Република Македонија во иднина. И затоа ден поскоро, час поскоро да си поднесе оставка и да си замине – рече Николоски.

Според него, Зоран Заев треба да си даде оставка и да замине.

– ВМРО-ДПМНЕ по завршуивањето на 100-те од доаѓањето на Владата ќе покрене прашање за доверба на Владата во Собранието на Република Македонија. И очекуваме Владат да не ја добие довербата, односно најмалку 61 пратеник да изгласаат недоверба на Владата на Зоран Заев.

Време е граѓаните на Република Македонија да се обединат против овој национален срам и национално понижување. Само со оставка на Зоран Заев и изгласување недоверба на Владата која тој ја води ќе има шанса да се подобрат македонските преговарачки позиции а исто така и да се врати македонското национално достоинство. 

ВМРО-ДПМНЕ ги повикува сите граѓани во одбрана на националните интереси. Денеска ќе бидеме низ Македонија. Во 18:00 часот под мотото „Оставка на Заев, слобода на народот“ ги повикуваме сите граѓани да се соберат во Куманово, Тетово, Велес, Кавадарци, Прилеп, Охрид и Битола. 

 Заедно, сплотени, обединети без разлика на партиска или политичка припадност да ја одбраниме Република Македонија, да ја одбраниме самобитноста на македонскиот народ, на македонскиот јазик, на македонската историја и македонското наследство. Ве повикувам сите да излезете и да не подржите!

The post Николоски: Да се обединиме против овој национален срам и понижување од Заев ВИДЕО appeared first on plusinfo.mk.

The post Мисајловски: Заев се откажа од антифашистичката борба, да излеземе на протест ВИДЕО appeared first on plusinfo.mk.