Полицијата поднесе кривична пријава против Р.А.Д. (50) и Ј.С. (44), двајцата од Охрид, поради сомнение за „поткуп при избори и гласање“ по член 162 од Кривичниот законик.

Како што информираат од полицијата, на 19 октомври 2025 година, за време на локалните избори, двајцата се затекнати со пари и список со лични податоци и адреси на лица со право на глас. Тие се движеле од куќа до куќа и нуделе парични средства на избирачите со намера да влијаат на гласањето во корист на кандидатот за градоначалник од една политичка партија.

– Оваа акција е дел од нашата постојана контрола за откривање и спречување на изборни нерегуларности – изјавија од СВР Охрид.

Истрагата продолжува, а полицијата апелира до граѓаните да пријавуваат секој обид за нелегално влијание врз нивното право на глас.

The post ОДЕЛЕ ОД КУЌА ДО КУЌА СО ПАРИ И СПИСОЦИ Двајца охриѓани купувале гласови на локалните избори appeared first on plusinfo.mk.