Италијанската компанија специјализирана за дизајн, производство и инсталација на базени „Изола блу базени“ (L’Isola Blu Piscine) има намера да инвестира во земјава, соопшти Дирекцијата на ТИРЗ.

Сопственикот на компанијата Фабио Каросо заедно со  заменик шефот на амбасадата на Италија во земјава Марио Де Роза денеска се сретнаа со директорот на Дирекцијата Гоце Димовски на која како локација за инвестирање била посочена ТИРЗ Штип.

Димовски ги потенцираше бројните поволности кои ги нудат зоните, како и стратешката локација на ТИРЗ Штип, квалификуваната работна сила и поддршката што се обезбедува од страна на Дирекцијата во соработка со Владата за сите инвестиции со висока додадена вредност.

Каросо од своја страна изрази посебно задоволство за средбата со очекување за успешна реализација на потенцијатната инвестиција во ТИРЗ Штип.

Тој истакна дека клучен фактор за одлуката за потенцјална инвестиција, е поволната бизнис-клима и поддршка за странските инвеститори што ја нуди Македонија, претставувајќи атрактивна дестинација за инвестирање.

Претставниците на италијанската амбасада и регионалниот совет на Пиемонт ја поздравија можноста за соработка и истакнаа дека Македонија станува сѐ попривлечна дестинација за италијанските компании.

L’Isola-Blu дизајнира и гради армирано-бетонски базени со решенија од 360°, применувајќи го традиционалниот армиран ПВЦ премаз или материјали како мозаици, плочки или природен камен.

Компанијата е формирана во 1978 година и влезе на европскиот пазар со првите базени од фиберглас.

The post ПОТЕНЦИЈАЛНА ИТАЛИЈАНСКА ИНВЕСТИЦИЈА ВО ТИРЗ ШТИП Ќе проектира и гради армирано-бетонски базени appeared first on plusinfo.mk.

Австралиската здравствена служба на Нов Јужен Велс извести дека во градот Менинди на реката Дарлинг се пријавени комарци кои ја носат потенцијално смртоносната болест енцефалитис од долината Мареј. Организацијата предупредува дека нема вакцина за овој вирус.

Надлежните и здравствените служби во Австралија ја предупредуваат јавноста дека во услови на поплави и топло време, има зголемен број на комарци кои пренесуваат различни вируси на енцефалитис. Најмалку еден нов вирус нема вакцина.

– Меѓу оние кои добиваат тешка инфекција, некои може да умрат или да имаат доживотни невролошки компликации. Не постојат вакцинации или специфични третмани за енцефалитис од долината Мареј, а најдобар начин да се избегне инфекција е да се избегне каснување. Со избегнувањето на каснување од комарец ќе заштити и од други инфекции што ги пренесуваат комарците – велат здравствените служби.

Самиот вирус живее во циклусот комарец-птица-комарец и може да ги зарази луѓето само преку контакт со заразено животно, но болеста не се пренесува од човек на човек. Официјалните лица, исто така, објавија петкратно зголемување на бројот на комарци кои носат други болести како што се јапонскиот енцефалитис и вирусот „Западен Нил“, пишува „ABC News“.

– Во моментов имаме експлозија кај популацијата на комарци, затоа е од витално значење жителите на Јужна Австралија да се заштитат – изјави главниот здравствен директор Никола Спурие.

The post САМО УШТЕ ОВА НИ ФАЛЕШЕ! Се појави потенцијално смртоносен вирус за кој нема вакцина, а лесно се пренесува! appeared first on plusinfo.mk.