Меѓународните научници од СЗО кои се испратени во Кина за да го испитаат потеклото на коронавирусот, изјавија дека истрагата е во застој и дека шансите да се реши мистеријата, многу брзо се намалуваат, пренесува АП.

Во меѓувреме, извештајот од американската разузнавачка служба, кој беше побаран од американскиот претседател Бајден, даде нецелосен заклучок за потеклото на вирусот, вклучувајќи ја и теоријата дека вирусот преминал од животно на човек или дека избегал од кинеска лабораторија, објави Вашингтон Пост.

Експертите на СЗО, за списанието Природа, велат дека истражувањето за потеклото на вирусот е клучна пресвртница која бара итна соработка, но наместо тоа, сè е застанато.

Тие нагласија дека кинеските власти не сакаат да ги споделат податоците, а како причина ја наведуваат заштитата на правата на пациентите, пренесува Танјуг.

Претходно оваа година, СЗО испрати тим во Вухан, каде што првиот случај на коронавирус беше официјално регистриран во декември 2019 година, за да испита како сето ова започна.

Во анализата која беше објавена во март, СЗО заклучи дека вирусот најверојатно се проширил од животни на луѓе и веројатноста дека вирусот избегал од лабораторија е навистина мала.

The post ЕКСПЕРТИТЕ ОД СЗО БЕЗНАДЕЖНИ Сè помали се шансите да се открие потеклото на ковид-19 appeared first on plusinfo.mk.

Генералниот директор на Светската здравствена организација, Тедрос Аданом Гебрејесус, изјави дека сите хипотези за потеклото на коронавирусот, кој предизвика пандемија, остануваат отворени.

– Покренати се некои прашања дали одредени хипотези се отфрлени. Сакам да појаснам дека сите претпоставки се отворени и бараат натамошни проучувања – истакна Гебрејесус.

Тој додаде дека тимот на СЗО во Кина сѐ уште работи на завршниот извештај и му се заблагодари на независниот експертски тим за, како што рече, „многу важната научна вежба во екстремно тешки околности“.

Експертскиот тим кој го проучува потеклото на коронавирусот соопшти во вторникот дека е „сосема неверојатно“ дека тој се проширил од вирусолошката лабораторија во кинескиот град Вухан и тоа „не е хипотеза за која сметаат дека подразбира натамошно проучување“.

The post СЗО: Сите хипотези за потеклото на коронавирусот остануваат отворени appeared first on plusinfo.mk.