Дента на верификацијата на новите пратенички мандати, во пресрет на гласањето на Африм Гаши за претседател на Собранието, во парламентарната зграда се случувал политички трилер во режија на интегративците на Али Ахмети, дознава Плусинфо.

Имено, воопшто не е случајна агресивната медиумска кампања на ДУИ за оспорување на легитимитетот на Вреди (Влен) за формирање влада, која оди заедно со обвинувања за прекршување на Охридскиот рамковен договор.

Од високи извори на новата владина коалиција дознаваме дека тој критичен ден главните преговарачи на ДУИ побарале и инсистирале на итна средба со Мицкоски. Средбата се случила во кабинетот на пратеничката група на ВМРО-ДПМНЕ, каде според нашите извори, најблиските соработници на Мицкоски добиле предлог мандатарот да ги земе ДУИ наместо Вреди во Владата, без собраниски спикер и со само четири министерски ресори.

Наводно, Ахмети сметал на ризикот од разочараност на гласачите на ВМРО-ДПМНЕ од изгласувањето повторно Албанец за претседател на собранието и затоа одлучил да му прати пишман абер на Мицкоски, сметајќи дека така ќе го одоброволи да ја прифати понудата со која ќе му овозможи да прогласи апсолутна постизборна победа со целосно кадровски и програмски понижен Европски фронт.

Откако идниот премиер преку негови емисари ги одбил интегративците, со образложение дека за неговите гласачи нема да има поголемо разочарување од евентуалниот влез на ДУИ во идната влада, Ахмети решил да го бојкотира гласањето на Африм Гаши, за да не ризикува некој од пратениците на Европскиот фронт да гласа „за“.

Стравувајќи дека оваа информација ќе стигне до медиумите и ќе трпат големи политички штети, паднала одлука за оркестрирана кампања против Вреди, со теза дека тие прифаќаат влез во влада со небитни ресори и ја прифаќаат улогата на подобни Албанци, како во времето на поранешна Југославија.

Несомнено е дека во ДУИ расте паниката, која оди рака под рака со опозициската неизвесност, која создава потенцијал за кривична одговорност на функционерите кои се огрешиле пред законите. Како и да е, следуваат тешки денови за сите оние кои се навикнати на 22 години власт те со едните, те со другите.

The post ШТО МУ ПОНУДИЛЕ ЕМИСАРИ НА ДУИ НА МИЦКОСКИ ЗА ТОЈ ДА ГИ ЗЕМЕ ВО ВЛАДАТА НАМЕСТО ВЛЕН? Детали за последното танго на Али Ахмети appeared first on plusinfo.mk.

На денот кога Влатко ќе го прославеше својот 37-ми роденден, 2 јули 2022 година, точно на пладне во ресторанот на ФК „Работнички“ во Градскиот парк, во присуство на неговите најблиски соработници и пријатели, за прв пат ќе бидат претставени песните, кои пред неговото трагично заминување, беа подготвувани за неговиот нов студиски албум. Нешто што несомнено претставува музички тестамент на нашиот Влатче.

Станува збор за колекција од 14 песни, кои авторски ги потпишуваат Кристијан Габроски, Владимир Дојчиновски, Ристо Самарџиев, Дарко Тасев, Весна Малинова…, како и легендарниот лидер на „Дивље јагоде“ – Зеле Липовача.

Зеле и Влатко, на радост на многубројните фанови, заедно го снимија големиот хит на „Дивље јагоде“ – „ Не желиш крај“.

Албумот содржи до сега необјавени песни на носач на звук (некои фестивалски, две со Златни Славејчиња…), од кои половина се сосема нови, и никогаш не се најдоа ниту на носач на звук, ниту во радискиот етер.

Албумот го отвора извонредната „Дајте му ја“, исполнета на „Охрид-фест“ 2017-та, по која следат „Не постојам без тебе“, „Кој ли е ден“, „Со тебе најдов среќа“, „Се ќе покрие прашина“, „Вило вилена“, „Македонка“ (од фестивалот „Златен костен“ во Петрич, Бугарија 2016-та), „Комшивке убава“, „Љубов“ (дует со Јулија Димчевска), „Последно танго“ („Макфест“, најслушана песна меѓу два фестивала), веќе споменатата „Не желиш крај“, како и „Сети се“ и „Божикна песна“, снимени со хорот „Златно Славејче“.

Како посебен куриозитет, на албумот ќе се најде и првата песна на Влатко Илиевски (која ја снимил во студиото на Ангел Ќосев, неговиот професор по музичко, уште како осмооделенец) – „Together Again“, неговото авторско дело, за која самиот го сними и соло на гитара. Освен него, во снимањето учествуваа и Урош Вељковиќ (тапани) и Марјан Петровски – Маци (бас), од групата „Steel Temple“.

Саботната промоција на Влатко, во чест на неговиот 37-ми роденден, е замислена како весел настан од отворен тип, на кој ќе се соберат неговите пријатели, роднини, соработници, фанови…, кои, како што пееше Влатко во една своја песна, во спомен на него, „за љубов ќе пеат до крај“.

The post ПОСЛЕДНОТО ТАНГО НА ВЛАТКО ИЛИЕВСКИ Необјавените песни како музички тестамент appeared first on plusinfo.mk.