На 17 ноември, Алис и Елен Кеслер го напуштија овој свет заедно во нивната вила во Гринвалд во близина на Минхен. Легендарните близначки одлучија да извршат асистирано самоубиство, држејќи се за раце, како што правеа целиот свој живот.

22 дена подоцна, светски познатите танчерки биле погребани на гробиштата во шумата Гринвалд. Како што објавува Билд, церемонијата била тивка – дури ни нивните најблиски пријатели не биле таму.

Поранешните ѕвезди претходно внимателно го испланирале своето заедничко збогување.

Кога наутро на 17 ноември засекогаш ги затвориле очите, биле присутни само лекар и адвокат. Во деновите пред тоа, тие ги завршувале своите последни работи: откажувале претплати, испраќале мали сувенири до блиски и доверливи луѓе.

– Не бидете тажни. Ќе се видиме повторно на седмото небо – напишале неразделните сестри во прошталните писма до своите најблиски пријатели – објавува Билд.

Сепак, нивната најголема желба не можела да се исполни.

Во својот тестамент, сестрите Кеслер навеле дека нивната пепел ќе почива заедно со пепелта на нивното сакано куче Јела во една урна – обединети за вечноста, исто како што биле во животот.

Но, германскиот закон за погреби не прави исклучоци, дури ни за најголемата љубов.

– Мешањето или комбинирањето на пепелта на неколку починати лица во урна е генерално забрането – изјавил за „Еуроњуз“ Антје Биспинг, адвокатка на Федералната асоцијација на германски погребници.

Сепак, заедничко погребување во ист гроб со посебни урни може да се дозволи, освен ако прописите на гробиштата и државниот закон не го забрануваат тоа.

Многу гробишта дозволуваат повеќе урни во еден гроб, па така, близначките Кеслер можеле да го најдат своето последно почивалиште заедно – само не во истата урна.

Наместо тоа, Алис и Елен биле погребани во посебни урни во гробот на нивната мајка Елза, која починала во 1977 година.

Погребувањето со нивното сакано куче Јела било исто така комплицирано: во некои федерални држави како Хамбург или Бремен, можно е да се сподели гроб со животно – но само со посебни урни по одделни кремации.

Според „Еуроњуз“, оваа желба на неразделните сестри останува неостварена.

The post 22 ДЕНА ПО СМРТТА ПОГРЕБАНИ СЕ СЕСТРИТЕ КЕСЛЕР Последната желба на близначките не можела да биде исполнета appeared first on plusinfo.mk.

Тоа е селото во кое израсна актерот, а денес, 30 април, неговото семејство му ја исполни последната желба – да почива покрај сопругата Јулијана Лула Живојиновиќ, пренесува Телеграф.

Семејната гробница се наоѓа во црквата Света Троица во Корачница, каде што се одржува погребна служба по повод пренесувањето на посмртните останки. На службата присуствуваше синот Миљко, но не и ќерката Јелена, бидејќи таа работо на Куба.

– Денеска го исполнуваме родителски завет. Жал ми е што сестра ми не е со нас, таа работи во нашата амбасада во Куба и за жал не можеше да дојде поради нејзината работа. Секојдневно контактираме, пет-шест пати се слушаме, презадоволна е како се беше организирано и направено и што конечно им ја исполнуваме желбата на нашите родители да бидат заедно – рече Миљко.

Велимир Бата Живојиновиќ беше еден од најпознатите актери кои потекнуваат од овие простори и еден од ретките кои постигнаа глобално признание и слава ширум светот.

Во својот богат уметнички опус играше улоги во повеќе од 350 филмови, а беше награден со бројни престижни награди за достигнувања во филмската уметност во земјата и странство.

The post БАТА ЖИВОЈИНОВИЌ СЕГА ПОЧИВА ПОКРАЈ СВОЈАТА САКАНА ЛУЛА Посмртните останки на славниот актер пренесени во семејната гробница во неговото родно село appeared first on plusinfo.mk.

Оваа информација ја потврди синот на Бата, Миљко Живојиновиќ, кој истакна дека се испочитувани сите процедури и дека ќе се оствари желбата на неговите родители:

– Во 2020 година ги добивме сите потписи и согласност посмртните останки на Бата да бидат преместени. Меѓутоа, тогаш започна короната и сѐ запре. После тоа било откриено дека низ парцелата каде што требало да биде преместен поминува водоводна цевка која потоа ја префрлиле од водоводот. Потоа чекавме да помине некое време за да се среди земјиштето и сега сѐ е решено, а може да почнеме и со постапката за преместување на посмртните останки на татко ми. Планот е тоа да се направи до 1 мај – изјави Миљко Живојиновиќ.

Синот на славниот актер, за српските медиуми истакна дека ги завршува последните подготовки и дека на повторниот погреб ќе присуствуваат членовите на семејството и потесен круг на блиски луѓе.

– Сега одам во Аранѓеловац, нарачав бел мермер, па надгробната плоча ќе биде готова. Кога ќе дојде тој ден, според нашите стари верски и традиционални обичаи, ќе се изврши погребот и сѐ што следи. Сите членови на нашето семејство се во процес и ќе присуствуваат тој ден, како и сите оние блиски луѓе кои сакаат. Бата ​​конечно ќе почива покрај Лула како што сакаа двајцата – изјави Миљко Живојиновиќ.

Бата Живојиновиќ почина на 82-годишна возраст, 22 мај 2016 година, од срцев удар по неколку здравствени компликации со кои се бореше со месеци. Седум месеци подоцна во декември 2016 година по кратко боледување почина и неговата сопруга Јулијана.

The post БАТА ЖИВОЈИНОВИЌ ЌЕ ПОЧИВА ПОКРАЈ СОПРУГАТА Синот му ја исполни последната желба appeared first on plusinfo.mk.

Жарко Лаушевиќ почина на 15 ноември 2023 година, на 63-годишна возраст, по кратко и тешко боледување.

Актерот му оставил аманет на семејството да биде кремиран и неговиот погреб да биде во Белград. Инсистирал погребот да биде без големи церемонии и говори, во најтесниот круг на блиски луѓе, потврдил изворот за споменатиот портал.

Лаушевиќ, кој е роден во Цетиње, поголемиот дел од кариерата го помина врзан за Белград, па неговата желба и не е изненадување.

Во чест на драмскиот уметник ќе се одржи комеморација на која ќе говорат пријатели и колеги, а од него ќе можат да се простат сите почитувачи на неговиот лик и дело. Датумот и времето на комеморација Југословенскиот драмски театар, кој беше негова матична сцена од 1982 година до 1994 година, ќе ги соопшти подоцна.

Кремирањето не беше толку распространето во Балканот, како во некои други подалечни земји, но во последната деценија е во постојан пораст. Српската православна црква кремирањето не го смета за христијански обичај, но на своите верници им го одобрува по нивна желба, со тоа што во тој случај свештеникот го извршува обредот пред кремирањето.

The post ЖАРКО ЛАУШЕВИЌ ЌЕ БИДЕ КРЕМИРАН Последното испраќање в понеделник во Белград appeared first on plusinfo.mk.

Од Комунистичката партија, денеска, по смртта на Теодоракис, го објавија писмото и соопштија дека неодамна, „претчувствувајќи го крајот на неговиот живот, телефонски разговарал со Куцубас“, на кој му ги пренел неговите последни желби.

Во писмото, испратено пред нешто помалку од една година, Теодоракис му пишува на Куцубас дека сега, на крајот од животот, од умот се губат деталите и остануваат „големите величини“.

„Па така, гледам дека најкритичните, најсилните и најзрелите години ги поминав под знамето на ККЕ. Затоа, сакам, овој свет да го напуштам како комунист. Би сакал да те замолам, во тој момент, ти лично да преземеш не само да биде испочитувана мојата идеологија, туку и моите борби за единство на Грците“, му напишал Теодоракис на Куцубас на 5 октомври минатата година.

Грчкиот композитор Микис Теодоракис почина утрово од срцев удар на 96-годишна возраст, а со одлука на Владата, од денеска во Грција е прогласена тридневна национална жалост.

The post СВЕТОТ САКАМ ДА ГО НАПУШТАМ КАКО КОМУНИСТ Теодоракис неодамна ја соопштил последната желба (ФОТО) appeared first on plusinfo.mk.

Политичарот починал минатата недела одејќи кон својот Е-500 – еден од многуте луксузни „мерцедеси“ што ги поседувал, но западнал во финансиски проблеми, па морал да ги продаде.

Последниот Е-500 го купил на старо. Не бил во возна состојба, но според неговата ќерка Сефора Лецвака, Пицо уживал само да седи внатре и да слуша музика.

– Никогаш не сме имале вакво барање и процесот беше тежок и стресен – изјави Табисо Мантутле – директор на погребалното претпријатие кое, сепак, успеало да го пикне целиот автомобил под земја.

Неговото семејство му ја исполнило последната желба. А, на погребот на прилично популарниот политичар, веројатно и поради пандемијата на коронавирусот, се појавиле мал број луѓе.

The post Го погребале политичарот во омилениот „мерцедес“ appeared first on plusinfo.mk.