Малопродажната цена на бензинот од 95 октани се зголемува за 2,00 денари по литар, додека  пак на дизелот и на бензинот од 98 октани се зголемуваат за 2,50 денари, соопшти Регулаторната комисија за енергетика (РКЕ).

Според РКЕ се зголемува и цената на мазутот зголемува за 0,846 денари па килограм ќе чини 50,814 ден/кг.

Регулаторите, сепак,  ја намалија цената на екстра лесното масло за домаќинство за 0,50 денари по литар.

Според тоа од полноќ ќе важат следните цени:

Моторен бензин      ЕУРОСУПЕР БС – 95         – 87,00  (денари/литар)

Моторен бензин      ЕУРОСУПЕР БС – 98         –  89,00  (денари/литар)

Дизел гориво            ЕУРОДИЗЕЛ БС (Д-Е V) – 92,00  (денари/литар)

Масло за горење      Екстра лесно 1 (ЕЛ-1)      – 93,50  (денари/литар)

Мазут М-1 НС                                                          – 50,814 (денари/килограм)

Во оваа пресметка земени се во предвид намалениот износ на акцизите за 2,00 ден/лит кај  дизелот и кај бензините и е вкалкулиран намалениот износ на ДДВ за нафтените деривати за  бензините во износ од 10%.

The post СКОКНАА ЦЕНИТЕ НА ГОРИВАТА Дизелот и бензинот од 98 октани поскапуваат за 2,5 денари, а бензинот од 95 октани за 2 денара appeared first on plusinfo.mk.

Војната со Иран веќе предизвикува сериозни нарушувања на енергетскиот пазар, што директно ќе се одрази врз џебот на патниците низ светот преку зголемување на цените на авионските билети. Цената на суровата нафта нагло порасна по нападите на САД и Израел врз Иран, надминувајќи 100 долари за барел за првпат во речиси четири години.

Извршниот директор на американската авиокомпанија „Јунајтед ерлајнс“, Скот Кирби, вели дека влијанието на горивото врз финансиските резултати ќе биде значително и веројатно ќе се почувствува брзо. Покрај економските последици, војната предизвика и огромни оперативни проблеми, при што од крајот на февруари се откажани речиси 50.000 летови во регионот.

Трошоците за керозин се втората најголема ставка за авиокомпаниите, веднаш по платите на вработените, и учествуваат со 20 до 30 проценти во вкупните расходи. Експертите објаснуваат дека историски гледано, компаниите брзо ги покачуваат цените на билетите кога горивото поскапува, па се очекува тие да растат пропорционално со трошоците.

Сепак, способноста на авиокомпаниите да ги префрлат овие трошоци на патниците ќе зависи од побарувачката. Доколку инфлацијата или невработеноста ги натераат граѓаните да ги скратат плановите за патување ова лето, компаниите ќе имаат ограничен простор за поскапување, без оглед на нивните трошоци. Од „Саутвест ерлајнс“ велат дека патниците често купуваат билети однапред, па компанијата не може секогаш навремено да воведе доплати за гориво за да ги покрие наглите поскапувања.

Високите цени на горивото може да доведат и до кратење на одредени линии кои биле профитабилни со поевтина нафта. Намалената понуда на седишта сама по себе е фактор што може дополнително да ги зголеми цените. Некои светски компании, како „Квантас ервејс“, веќе ги покачија цените на билетите, наведувајќи ги трошоците за гориво за време на војната како главна причина.

За да се заштитат од нестабилноста, дел од компаниите како германска „Луфтханза“ и ирски „Рајанер“ користат финансиски договори за да ги фиксираат цените на горивото однапред. Други, пак, се фокусираат на модернизација на флотата со поекономични авиони или користење на одржливо авионско гориво, кое во 2025 година претставува само мал дел од светската потрошувачка.

The post ВОЈНАТА ВО ЗАЛИВОТ БРЗО ЌЕ ГИ ФРЛИ АВИОКОМПАНИИТЕ НА КОЛЕНА Билетите ќе поскапуваат, летови се откажуваат appeared first on plusinfo.mk.

Здружението на нафтени компании на Црна Гора (УНКЦГ) предупреди дека постои сериозен ризик од прекин во снабдувањето со гориво во земјата, бидејќи цените кај добавувачите – особено на еуродизелот – се за 30 отсто повисоки од цените што моментно важат.

На некои бензински пумпи веќе снемало гориво, а поголемиот дел од останатите пумпи би можеле да се соочат со истите проблеми од утре, пишува подгорички „Вијести“.

Од друга страна, министерот за енергетика и рударство Адмир Шахмановиќ тврди дека недостиг од гориво во Црна Гора нема да има. Тој за Телевизија „Вијести“ потврди дека од вторник се очекува значително поскапување на горивата, но не за 16 центи како што тврдат од Здружението на нафтени компании, туку околу 14 центи по литар дизел, додека бензинот, според нивните проценки, ќе поскапи за 6, а не за 7 центи.

Црногорскиот премиер Милојко Спајиќ денеска изјави дека земјата располага со стратешки резерви на нафтени деривати, кои, заедно со комерцијалните резерви, обезбедуваат стабилност на пазарот и нормална потрошувачка за околу два месеца.

„Благодарение на владините реформи од минатата година, Црна Гора има стратешки резерви на нафтени деривати, кои претставуваат дополнителен механизам за безбедност на снабдувањето, а заедно со комерцијалните резерви што ги чуваат поединечни економски субјекти, обезбедуваат стабилност на пазарот и нормална потрошувачка за околу два месеци“ – објави Спајиќ на платформата Икс.

Тој потсети дека за денес е закажана седница на Советот за обезбедување безбедно снабдување на пазарот со нафтени деривати.

The post РЕДИЦИ НА БЕНЗИНСКИТЕ ПУМПИ ВО ЦРНА ГОРА Најави за поскапување и страв од недостиг на гориво appeared first on plusinfo.mk.

Случувањата на Блискиот Исток ја прават состојбата на енергетските пазари динамична, со цени кои варираат од час во час. Владата неуморно работи да обезбеди енергетска стабилност.

Целта е Македонија да има енергенси по најниски цени во регионот, дури и покрај глобалните притисоци кои укажуваат на можни поскапувања. На пример, во соседните држави цените се повисоки за 40, 50, па дури и 60 проценти, наведува ВМРО-ДПМНЕ во соопштение.

„Затоа Владата одржа средба со претставници на нафтената индустрија, со цел да се координираат мерки и да се преземат сите можни чекори. Опозицијата пак, од друга страна, се служи со празни флоскули и се занимава со се освен со тоа што треба, но не е неочекувано затоа што од нивната пракса досега се гледа дека не им е јасно, ниту пак покажале дека знаат да се справат со криза.

На пример, лидерот на СДСМ Венко Филипче покажа и докажа дека не му е баш гајле за граѓаните, кога се обидуваше да профитира со вакцините против ковид и се обиде да врши набавка на истите преку компанија за јужно овошје по три пати поскапа цена, кога ги принуди граѓаните да одат и да се вакцинираат во соседни земји, па правеше шоу на граница за 5.000 вакцини. СДСМ беа последни во регионот што обезбедија заштита на народот. Јасна е разликата“ – се вели во соопштението на ВМРО-ДПМНЕ.

The post ЦЕЛТА Е МАКЕДОНИЈА ДА ИМА НАЈНИСКИ ЦЕНИ НА ЕНЕРГЕНСИ ВО РЕГИОНОТ Затоа се координираат владата и нафтената индустрија appeared first on plusinfo.mk.

Цените на патарините во Србија се зголемени и се однесуваат на патничките возила, а измените се објавени во Службен весник.

Информацијата не била јасно истакната на веб-страницата на ЈКП „Патишта на Србија“, поради што голем број возачи кои тргнале на патување на првиот ден од новата година биле изненадени од новите износи, јавуваат српските медиуми.

На официјалната страница е објавен ценовник под наслов „Посебна такса за користење на патарина“, во кој е наведено дека новите цени важат од 1 јануари од 7 часот наутро. Според него, патарината за релацијата Врање – Белград за патнички возила сега изнесува 1.850 динари.

Преку веб-страницата може да се пребаруваат сите цени на патарини, вклучувајќи ги и оние за мотоцикли, патнички автомобили и товарни возила со приколки.

Последната корекција на цените на патарините во Србија беше направена на 4 јули 2025 година.

The post АКО ПАТУВАТЕ НИЗ СРБИЈА СО АВТОМОБИЛ СПРЕМЕТЕ ПОВЕЌЕ ПАРИ Патарините поскапеа appeared first on plusinfo.mk.

Регулаторната комисија за енергетика денеска ќе ја соопшти новата цена на парното греење што ќе важи од 1 декември.

Одлуката доцнеше неколку месеци бидејќи регулаторите чекаа да го добијат извештајот за проценка на вредноста на топланите од Бирото за процена, по што може да се утврди конечната тарифа.

Првичните информации од летото укажуваа дека компаниите што испорачуваат топлинска енергија барале зголемување од околу 50 проценти.

И сега, пред донесување на новата одлука, тие повторно доставиле пресметани зголемени трошоци. Очекувањата се дека денешната одлука ќе даде појасна слика за тоа дали и за колку ќе поскапи парното за домаќинствата и фирмите од декември.

The post ДЕНЕСКА ЌЕ СЕ УТВРДИ НОВАТА ЦЕНА НА ПАРНОТО ГРЕЕЊЕ Компаниите бараат покачување од 50% appeared first on plusinfo.mk.

„СДСМ останува на страната на криминалот и на корупцијата. СДСМ останува само на страната на нивната инкриминирана партиска елита. СДСМ не го интересира како живее народот, СДСМ го интересира каде Филипче и Заев ќе ги инвестираат украдените пари“.

Ова се наведува во соопштението на владејачката партија ВМРО-ДПМНЕ.

„Седум години СДСМ ја пљачкаше државата и го осиромашуваше народот, ги деградираше институциите и ја уништуваше економијата, додека неговата партиска елита се богатеше на грбот на граѓаните. Со украдените пари од државата и од народот, сега градат облакодери од 50 ката по Дубаи, добиваат златни визи оттаму и уживаат по нивните златни песоци и под палмите на топлите плажи“, се вели во соопштението.

Додека елитата на СДСМ се богатеше, се додава во соопштението, економијата се уништуваше, народот осиромашуваше така што (СДСМ) остави на работ на сиромаштија околу 600.000 граѓани. СДСМ е партија во чие време на владеење го зголеми ДДВ на прехранбените производи од 5 на 10%, и со тоа директно влијаеше на поскапувањето на околу 1.500 производи, обвинува ВМРО-ДПМНЕ.

„За разлика од минатото, сега граѓаните и бизнис секторот имаат партнер во владата, предводена од ВМРО-ДПМНЕ. Заеднички се носат одлуки и мерки во интерес на сите засегнати страни.

Платите и пензиите растат, се преземаат мерки за намалување на цените на производите, се инвестира во заживување на економијата.

Следи инвестициски циклус од околу 6 милијарди евра во изградба на големи капитални инфраструктурни проекти, како што е изградба на брзата железница од Коридорот 10, кој директно ќе влијае на раст и развој на економијата кој ќе донесе раст на БДП и со тоа и подобар животен стандард.

СДСМ беше и продолжува да биде единствено на страната и во заштита на криминалот и корупцијата“, се наведува во соопштението на ВМРО-ДПМНЕ.

The post 1.500 ПРОИЗВОДИ ПОСКАПЕА ВО ВРЕМЕТО НА СДСМ Владејачката партија ги открива причините за тоа appeared first on plusinfo.mk.

Цените на млекото во ЕУ се зголемија во просек  за 15,3% во последниот квартал од 2024 година во споредба со истиот квартал од 2023 година, покажуваат последните податоци на Евростат.

Поскапувања има во 24 земји на ЕУ, а највисоки стапки на раст  се забележани во Ирска од 43,7%, Литванија (33,2%), Белгија (30,8%) и Шведска (30,3%).

Според податоците на Еуростат, во четвртиот квартал од 2024 година, просечната откупна цена во земјодлеството  во ЕУ се зголемила за 2,2% во споредба со истиот квартал во 2023 година. Ова претставува прво зголемување од вториот квартал на 2023 година.

Спротивно на тоа, просечната цена на стоките и услугите што моментално се трошат во земјоделството (инпути кои не се поврзани со инвестиции, како што се енергија, ѓубрива или добиточна храна) се намалија за 2,7% во споредба со четвртиот квартал од 2023 година. Сепак, ова беше помала стапка на пад, отколку во претходните 6 квартали.

Цените на житарките незначително се зголемија за 0,3% во просек низ ЕУ, но тоа одразува контрастни случувања меѓу земјите. Пад имало во 17 земји од ЕУ, со зголемување во останатите 10 земји. Најостра стапка на пораст е забележана во Словенија од 20,3%.

Меѓу стоките и услугите што се трошат во земјоделството, имаше остри стапки на пад на цените на вештачките ѓубрива во просек за  6,9% и добиточната храна која просечно се намалила за 5% во последниот квартал од 2024 година, во споредба со истиот квартал од 2023 година.

The post ПОСКАПЕ МЛЕКОТО ВО ЗЕМЈИТЕ НА ЕУ Просечниот годишен раст на ценатa е од 15,3% appeared first on plusinfo.mk.

Регулаторната комисија за енергетика по втор пат неделава ја зголеми цената на мазутот и не ги промени цените на останатите горива.

Според денешната одлука на Регулаторната комисија малопродажната цена на мазутот се зголемува за 1,444 денари и еден килограм ќе чини 47,469 денари.

Малопродажните цени на бензините, дизелот и екстра лесното масло за домаќинство не се менуваат.

Како што појасни регулаторната комисија, референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,055%, кај дизелот за 0,157%, кај екстра лесното масло зголемувањето е за 1,128% , додека кај мазутот зголемувањето е за 4,215%.

Курсот на денарот во однос на доларот во изминатиот период по кој беа формирани цените со претходната
пресметка е повисок за 0,0803%.

The post ВТОРО ПОСКАПУВАЊЕ НА МАЗУТОТ НЕДЕЛАВА Цените на останатите горива остануваат исти appeared first on plusinfo.mk.

„Опозицијата треба да знае дека компаниите треба да се придржуваат кон одлуките и актите донесени од Регулаторната комисија за енергетика и водни услуги. Имено,  согласно подзаконскиот акт кој го регулира максималниот приход и цена, вршителите на дејност имаат обврска да достават барања до РКЕ доколку настанат значителни промени на околностите и елементите што постоеле во времето на одобрување на регулираниот максимален приход и цената на топлинската енергија. СДСМ ако е одговорна партија како што се претставува и ако се грижи за граѓаните, исто така треба да знае дека во тек на тековната грејна сезона е зголемена цената на природниот гас, енергент што претставува основно погонско гориво за производство на топлинска енергија. Согласно тоа, компаниите поднесоа барања до РКЕ за корекција на цената“, соопшти АДМ ЕСМ.

Опозицијата, се додава во соопштението, кога веќе го спомнува АД ЕСМ и Друштвата за топлинска енергија, треба да се потсети дека токму СДСМ во соработка со нивните поранешни коалициони партнери, ги оставија трите друштва со милионски долгови по разни основи.

„И на крај независно од одлуката на Регулаторната комисија за енергетика за корекција на регулираниот максимален приход и цената, опозицијата треба да знае дека топлинската енергија останува најеколошки и најекономичен начин на загревање споредено со другите начини на греење“, соопшти АД ЕСМ.

• ПАРНОТО ПОСКАПЕ ЗА 5,03% Пресуди цената на гасот

Претседателот на Регулаторната комисија за енергетика (РКЕ) Марко Бислимоски денеска информираше дека парното поскапува за 5,03% поради зголемувањето на цената на природниот гас на светските берзи и намаленото производство на ТЕ-ТО. Зголемувањето на сметките ќе биде 100 денари за просечно семејство.

СДСМ обвини дека власта бездушно удира по џебот на граѓаните, а барањето на ЕСМ за поскапување на парното е „потврда за неспособноста на власта која што не успеа навреме да обезбеди поефтин природен гас“.

The post СДСМ ГО ЗЛОУПОТРЕБУВА ПОСКАПУВАЊЕТО НА ПАРНОТО ЗА ДНЕВЕН ПОПУЛИЗАМ Електрани на Македонија потсетува дека цената на гасот се зголеми среде грејната сезона appeared first on plusinfo.mk.